9 Wïngena konyiku ngokichan aingongoghta lelutköchan löwïr.
Kïrkegh amwatan kegh pögh cho rotöy awunö morichu sapunion.
Isyonchante, we Tororöt, kïrïp kegh nko chomnyengu nyo pö kokay! Ingongoghta lelutköchan kïrïp kegh nko kisyonchötengu nyo wow!
Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.
Kawaghaka ngwonïntönyan kïlïkwï kalya. Kesörunenyi söpontönyan tapan anka tïkwïl ailöstewaninyi ngokichu löwïr.
Ompöwölo osïwïyan kïgh anka tïkwïl nyo ighöy chane. Puryö kïgh nyo wïngate ompö tawunyan.
Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.
Atolapay kïcheng chi nyo melö sïmnyon isop akulut pögh akwisö Ema nko tïkwïn tawin cho mi ori nko pich cho mi ori nko chi nyo kinam mïntïrïch anta kowö anta pïrïm.
akïngongoghta ghosyö nyo kirwokyinecha lö kikelelacha. Kiwonyö choni lö döng otini kiwudochï nyinte kimurtöwon.
