1 Iter ngalechan, we ECHOTYON, ailïm kikikötenyan.
Terwante, we ECHOTYON, saghatenyu nyo pö man, aiterwante lokechu Ikany kïlïm yitiku saghatenyan nyo melö ngwïno kuti lïsin.
Icham ngaleko kutinyan nko kinonutko mïkulöwunyan, we ECHOTYON nyo ichï köpönenyan aichï sörunintenyan. Ompö kintöghoghinto tumï. Tum pö Daudi.
Iterwante saghatenyu, we Tororöt aiter ngalechan!
Otïngetan kömpölelyö, we Tororöt, terwante saghatenyu! Owöghan punkachu, sörwante söpontanyu!
Terwecha sowutköcho, we Mösöwonto Israel, nyi nyo intöghoghchini monïngo Yosep le kechir, nyi nyo itöpo paraku kerupimtin* ailïwï
Iterwante, we ECHOTYON, aiwöghökwante, ompöwölo ochan meywon achan nyarkalal.
Kïlenyenyoni tïkwïl, ngwïnöy Mïkulögh kungörokecha ompö nyörkölelyenyo, ompöwölo mökinkïtöchanye kesoghöy le wölini kömïchinecha kesoghe. Soghwecha Mïkulögh nyinte ompö sönönöto ngwonïn nyo melö kimuköy kemwoghe.
Ompöwölo topönöy Echotyon wölo mi pipö man, akïterchini sowutkökwa, wölo pörchini patagh mwokïyis.”
Kingölonöy Ana ompö mïkulöwunyi, kingöngngonöy pempö kut wölo kimölïmönye ngale, kïlenyona kunan Eli lö töptoy tamasat kokonï.
Meyitanïn lö ochan korka nyo mötïngnye konyït. Komitan osoghöy lenyoni ompö kiwongunöt nyo otïngetan.”
