TUMWÖY 48:2 - PIPÏLIA

² Kogh akï pïchigh Sayon,* kutïng pö Tororöt nyo mi okumpö löt. Ipchini kanasyanta pöytoghin pipö ngwïny kïmïkul ngörekyö nyo wow. Lata Sayon kutïng pö Sapon parak.

TUMWÖY 48:2 ပူးပေါင်းရင်းမြစ်များ

TUMWÖY 135:21

Asala ECHOTYON nyo möngöy Sayon* nyinte nyo mi Yerusalem. Asala ECHOTYON!

TUMWÖY 50:2

Lïwuno Tororöt Sayon,* kanasyan nyo pïchigh tya.

TUMWÖY 76:2

Mito möngenyi Yerusalem, möngöy kutïng pö Sayon.*

TUMWÖY 87:3

Ngölono pich parakungu ngala ororyö, we kanasyanta Tororöt.

TUMWÖY 99:9

Asala ECHOTYON Tororötïncha asagha nyinte ompö kutïngtanyi nyo tïlil. Tïlil ECHOTYON Tororötïncha. Tum nyo kiyokyino Tororöt sörö.

ISAYA 14:13

Kilenyi ompö mïkulöwungu opustoy wölini le yïm atagh ngacharunyu nyo pö paytagh kïtörorit kïsir kokelyan anka tïkwïl nyo mi yïm. Kïlenchinenyi kegh otöpo kutïng pö tuyot, ompö koros cho lowöch cho pö okumpö löt.

ISAYA 2:2

Oghïghitu kutïng nyo ghyongo Kö pö Tororöt ompö osis cho pö löt akï koghitu kïsir walaka löwïr, akïtörorit kïsir kutïngkoti walaka cho mïnkech. Pkonöy asïyech pipö punton löwïr kïrotini,

ISAYA 60:14

Pkonöy pipö ara pïchoni reyinyi kïkïtïngö tawungu ompö konyït, kïpka cho kisösinyi kïkïtïng akïsagh ompö kelyeku. Kurinyi lö, ‘Kanasyanta ECHOTYON,’ ‘Sayon,* kanasyanta Tororöt pö Israel Nyo Tïlil.’

ISAYA 66:10

Ongörekyenö aturonchö nko Yerusalem, akwa chona ochömöy kanasyantanï! Ongörekyenö nko nyinte tïkwïl cho kyosönönchï!

YEREMIA 3:19

“ ‘Kyononchan kegh lö, Israel, opï kechinyi akonga ompö monechan, akoninyi kor nyo karam nyoman, kor nyo pïchigh kïtïl koros löwïr. Kyolentan ikuraninyi lö, “Paponyu,” amelö kepïstonenyi rïpanïn kokay.

LOK 2:15

Ngeminyi akuwiswis mötöw pich cho petöy arengwa roröchini wïrata Yerusalem kïlentöy, “Akunka nyete Yerusalem nyay mwoghöy pich lö pïchigh kïmolï walaka, akï kanasyan nyo kingörökyini ngwïnya nya?”

ESEKEL 20:6

Kyowolwolchan chane lö opunonan chane koro Misri kïpa kor nyo kyoyörchan chane, kor nyo yintoy chö nko kumat, kor nyo tïng ororyö kïtïl koros löwïr.

DANIEL 11:16

Kwigh nyu pöytoghinto Sirya kïrïp kegh nko machatenyi akimöminye chi nyo kiköngöy nyinte. Ghyongo nyinte koro Ayomis akïnömunö kegh.

DANIEL 11:45

Akïparta emenichi cho pö paytagh kwenu nanam nko kutïng nyo mi Kö pö Tororöt, wölo meghöy akï möminye nyo ngöroköy nyinte.

DANIEL 8:9

Kipituna kuyöghö nyo mïnïng akonga ompö kuyechay. Kwawesit nyinte nyoman kutang okumpö löt nko kongasis akutang Koro Ayomis.

MALAKI 1:14

“Chïpote chi nyo yomisanïn lö oropkanïn makal nyo karam ompö kyakichi atolapay kïlïsanïn akïropkanïn nyo ngwolöy. Ochan pöytoghin nyo wow akuwöghanïn puntoni ngwïny kïmïkul.” Mwoghöy ECHOTYON.

MALAKI 3:12

Kurokwa nyu atoni pipö ngwïny kïmïkul lö, ‘Pich cho soyönote,’ ompöwölo lïku korenkwa kor nyo pïrchini pich kïmang.” Mwoghöy Echotyon Kimuktoghin.

MATAYO 5:35

anta wolwolchï kegh ngwïny, ompöwölo ngacharu kelyechi anta ompö Yerusalem, ompöwölo kanasyanta Pöytoghin nyo wow.

EPRANIA 12:22

Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.