3 Kïrïntocha punton ompö owesyenyi akutö chane moricha.
Mwochini Tororöt echotyontenyan pöytoghin lö, “Töpenö ewunyan nyo pö tagh tökïtenö otönön punköku moriku.”
Tororöt nyo kökonanïn rïntagh akutö pipö punton ngwïnyinyan.
Apkana, arosa tïkwïn cho kigh Tororöt, tïpö töngönchin cho kighchï ptangengmöt.
Kötö owonyan pungkökwa lawel, akötö orïntonan pich cho nyorïlöy chane kong.
Ompöwölo ECHOTYON kï Tororöt nyo wow, Pöytoghin nyo wowö tororötin walaka löwïr.
Awes ECHOTYON ompö Sayon* akïtöror kïtïl pich lapay.
Ngo nyo mewöghinyi nyo ichï Pöytoghinto koros? Mïchini kekonyïtinyi lenyoni, möminye nyo karkegh nko nyi ompö kwenu pich cho ngöghomöch ompö koros löwïr nko ompö paytaghtinekwa löwïr.
Lïku nyu ECHOTYON, pöytoghinto ngwïny kïmïkul akïlïku nyinte Tororöt onkït akesoghöy nyinte onkït.
“Chïpote chi nyo yomisanïn lö oropkanïn makal nyo karam ompö kyakichi atolapay kïlïsanïn akïropkanïn nyo ngwolöy. Ochan pöytoghin nyo wow akuwöghanïn puntoni ngwïny kïmïkul.” Mwoghöy ECHOTYON.
Ompöwölo pöytoy Kristo lenyini tökïtenö kïrïnta Tororöt pungkachi löwïr akutö chane ngwïnyito kelyechi.
Ochikwa ngörechote kïtya nya pipö Israel! Möminye chi nyo karkegh nko akwa, pich cho kisörï ECHOTYON, longenkwa nyinte nyo ghetokwa akï chokenkwa nyo konokwa rïntagh. Pkonchinokwa pungkökwa akïsaghsaghakwa lö, osyonchech, wölo otyökekwa chane.”
nyo wöghököy porwoyicha chï nyörkölöl akwigh kïkarkegh nko portanyi nyo pö ororyö, ompö owesyö nyo muköy kï pöyuno tïkwïn lapay.
Atolapay kutö ECHOTYON chane kalya ompö pungkökwa löwïr, lenyini kiwolwolchï papotïnekwa, melö mi ompö chane nyo kimï ntökughyongtö, ompöwölo kökikutö ECHOTYON chane morikwa.
