4 Ketunganïn ngokichan, nïkisïn nyo momukanye osïtöy.
alenchï, “We Tororötïnyu, ochan lalïyanate osyol tokochunyu kurosinyi, ompöwölo kitösisyö kïchangit ngokicha nyoman, teno ghöyityencha ngwïny nko yïm.
“Piriro Tororöt chi kichïr kwigh kïrï pöröyunyi akïnyagh kïgh koyechi osis tïkwïl,
Kilïkwï sölwöy walaka, tökwipchï ngokikwa chane kösotyö.
Kewitanïn kömpölelut cho makïrar. Kelumanïn lelutköchan ntömosïwïyanye or chang lelutchoni kïtïl puto mötïnyan nyo kimeghanïn ye nyu mu.
Lentöy ECHOTYON, “Nyini kewonyö söpon pö kiwongunöt, nyoru nyu mötworintenyan ngat ngörekyö. Nkïtu lö melö kiwir wuw kiwongunötenyi. Ompö ngöghomnyenyi ighöy mötworintenyan nyo ighöy man pich keyityï man. Kösönöy nyinte nyörilwok pö pich cho chang alöstoghchinan chane ngokikwa ompö nyinte.
“Kisup Echotyon ngokichan löwïr akuwusö katïnyan kutunganïn le nyayma Kipïsyanïn ECHOTYON mori punkachan cho kimokönganye ompö poryot.
Kïkïröy ato kyam pempö ropöwontononi asispa sömök, melö tökïchömöy Tororöt. Melö tökeyityini nyinte nyo tötoy, ompöwölo orus, chi nyo kam kite kïnye kï nömöy ngokï nyinte.
“Opkonchanïn pich löwïr cho osusöy kegh nko nïkisïntin atomunywok.
Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.
