11 Opöghisyechinö ECHOTYON ompö konyït,
nyo konyïtote ompö kokwo cho tïlilöch, wow akewöghöy kïtïl löwïr cho kiwit nyinte.
Pöytoghin ECHOTYON! Ngaraka, ngwïnya! Oturonchenö koroswo nanam!
Pöytoghin ECHOTYON nya kïpotonchö pich! Töpo nyinte ngacharu paytagh ompö kerupimtin* nya kïpotan ngwïnya!
Kïlenyona nyu chamankachu, otïpinö otöpnanye pö terchin kyotïngetekwa kïnomnyö, ntökïmïr tya otete le ye ochan low ompö akwa. Opöghisyenö ompö kiwaghat nko mïghöt ompöwölo sörunötengwo,
Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?
