9 Kupun yïmwöy akungwïn ngwïny akimi polta nyo tuw kelyechi.
Kupun yïmwöy akungwïn ngwïny akimi polta nyo tuw kelyechi.
Ngwïnöy Tororötïncha amelö sisonu, mi lyopötö nyo ngwan tawunyi, chepkïrïri nyo wow nyo kiwit nyinte.
Otumchinö Tororöt, asal kaynatenyi asagha nyinte nyo wegho poltoy. Kïkuro kaynatenyi ECHOTYON, ongörökyinö nyinte!
Ntöghoghchini ma tawunyi akïpel pungkachi ompö wop löwïr.
Kulum ighöt kutïng pö Sinay, ompöwölo kirökyï ECHOTYON ompö ma. Kïpusta ighenyi parak nyo lata nyo pö ma nyo wow, kurïngring kutïngay tya.
Otopöne köny wölnö le yïm, aros ngwïny, weröy yïmö le kapuret, kuwer ngwïnya le sïra nyo kawïr, akuwonyot pikachi lömïs le kolyong. Wölo töpo sörunötö nyo opunan kokay, amöngötönye ghetunötö nyo opunan.
Ompöwölo ECHOTYON nko ma. Wegho nyinte köpepoy pö chepkiriri otini ngwïnöy kuchopöy kong pungkachi.
Akïtïlö ECHOTYON Sayon* akïngalan nyoman kelïma Yerusalem kutimtimö yïmö nko ngwïny.
“Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm.
Otini kighyö asis kulum tuwïn kore kïmïkul, kïtuwit satïn sömök.
Kuyokyï Yeso lö, “Möpköchininyinye kïgh nyo oghan otï le ye, wölo tenkïtunenyi ato le soya.”
Kuwanta Musa lö, “Akwa pipö Israel, Möminye tororöt nyo karkegh nko Tororötïnkwa, nyo weru poltoy atökungarakekwa, ngwïno mïröt ompö ororyenyi.
Kitimtim kutinyi osiswechoni ngwïny, wölo keyomisï nyinte ye lö, “Totimtiman ngwïny ngat amelö ngwïny onkït wölo otimtiman yïm kïmïkul.”
Wölo miru asispa Echotyon le chorin. Weröy yïmöy Asisoni nko kighumöt nyo wow, kiwuro ma tïpö yïm, kïpelöy ngwïny nko tïkwïn löwïr cho mi orinyi.
Atolapay asïwan Tororöt ngacharu kïtöpo paytagh ngachar nyo wow akï rel kïpa lö weng ompö tawunyi ngwïnya nko yïm amelö kitökesïwa chane ngat.
