1 Terwante, we ECHOTYON, saghatenyu nyo pö man, aiterwante lokechu Ikany kïlïm yitiku saghatenyan nyo melö ngwïno kuti lïsin.
Motïngetanye kigheghchin ompö nyinte ompöwölo melö kyarikan ngokï.
Sïwïyi nyu konyichan akïter yitichan saghat nyo kïsogho yeteyi.
Iterwante airosanïn otini osoghan pöghet nko nangat ompö mötworiku pipö Israel. Okötenan ngoki pipö Israel cho kiwunyi. Kyaghan ngokï tïkwïl nko papotïnechan.
Kïrkegh meghnye morichan kïgh nyo gha akutenate saghatenyan.
Melowitï nko ani ato itwanïn nyarïl! Ikap yitïngu ompö ani, aimölyöngwï lawel otini kokursyan.
Onkïtön, we ECHOTYON lö, isöröpunenyi cho kïpïröy aigh man ompö chopot.
Orirchinan ECHOTYON tökungarakanïn, osoghan nyinte ompö kiteghat.
Terwante riratenyu, ompöwölo omitan tangany nyoman. Sörwante achïwïta punkachu, ompöwölo owesöch tya kïtïlanïn.
Terwante saghatenyu, we ECHOTYON! Ilïm riratenyan ompö otöptöngu nyo ghanate, aiwöghökwante ompö mantangu.
Lekït ECHOTYON ompö pich cho kuröy nyinte, chane cho kuröy nyinte ompö man.
Kikonanïn ECHOTYON perur, ompöwölo ochan chi pö man. Kesoyönanïn ompöwölo motïngönye lelut.
Nyini kalïmanïn chane kïterwanïn, kïtïngchinanïn pipö koros walaka.
Rwokö, we Tororöt aiporï lö motïngetanye lelut, sörwante ompö pich cho mewöghinyinye nko putï nko cho melö pö man.
Iter kutito riratenyan, nyi pöytoghintenyan aichï Tororötïnyan, ompöwölo nyi nyini osoghan.
Wölo Tororöt nyo ngörokanïn. Tighöy Echotyon söpontönyan.
Tyokanïn nyinte atachïwïtan pungköchan ompö poryot nyo mi tawunyan, ompöwölo chang pungköchan.
Ilïmwante lokechu, we Tororöt, aiter saghatenyan!
Orirchininyi ompö sörömu ngwïny, ato meghanïn mu. Imïtante apus köpön nyo kogh ompö ani,
Wölo nyoman, köterwanïn Tororöt, owöy, kalïm nyinte saghatenyan.
Rwokyini ECHOTYON pipö ngwïny. Irwokyanïn, we ECHOTYON ompö mantangu. Irwokyanïn kïrïp kegh nko pöropchenyan.
Soyönö pöytoghintencha, we Tororöt, aisyonchï kïlanengu.
Iterwante, we ECHOTYON, aiwöghökwante, ompöwölo ochan meywon achan nyarkalal.
Iterwante saghatenyu, we ECHOTYON ailïm lokechan.
Ompöwölo omitan nyarïl kwen nyo karich olïtön ngwen.
Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.
Amelö ompö kitökïmïleghchanïn Yuda, cheptompö Israel nyo le lïsin ompö mïkulöwunyi kïmïkul wölo ompö lïs.” Mwoghöy ECHOTYON.
‘Techanïn pïchï ompö kutïw kwïle, wölo lowöch mïkulöwekwa nko ani.
Otini kisïwa Yeso Natanael kungwïnchini nyinte, kïlö ompö, “Rose köny! Anyï chi pö Israel nyo pö man nyo möminye lïsata orinyi!”
Kïlenyona chamankachu, ato merwokwechanye choghïnto mïkulisköcha, ketïngetecha nyakanat ompö tawu Tororöt.