TUMWÖY 15:3 - PIPÏLIA

³ Nyo melö mïröy putintön, anta ighchï kongenyi nyo gha anta cham pöröryenyi,

TUMWÖY 15:3 ပူးပေါင်းရင်းမြစ်များ

NGÖTÏNYÖ 22:10

Yona kichïmpisin atökuwonyö syala, akïsï kimöloto kegh nko kimwoghsyö.

NGÖTÏNYÖ 25:3

Kïle wölo lowtö yïmwöy nko ngwïny, anta kenkïtï lö low kïtya toyo ngwïny, kïlenyoni tïkwïl mïkulis pö pöytoghï, melö kinkïtu.

ISAYA 56:2

Osoyönan pich löwïr cho ripöy asispa Sapato,* cho melö sïmnyonöy asisoni. Osoyönan tïkwïl pich cho meghöcha tïkwïn cho ghach.”

LAWIN 19:16

Amengalansategha piköku, ilïkwï kïyole putin amemwagh söwintöno putintön nyo muköy kïpar pöröryengu. Ochan ECHOTYON.

MATAYO 7:12

Oghchinö pich tïkwïn cho omökekwa kwighwekwa chane. Nka nyoni kïgh nyo netöy Kirurut pö Musa nko kinetut pö werkoy.

RUMI 1:30

Pich chane cho ngölono kegh ompö or nyo gha akï töghöy Tororöt, cho kölköl akï cho mwoghöy kegh, cho kwolöy akïsyolöy kegh. Pich cho nonöy kïnomnyö ortïne walaka cho igho tïkwïn cho ghach akï cho möterchinicha yiyikwa.

RUMI 12:17

Ato ighunyi chi nyo gha meghchï nyinte nyo gha. Aimukyï igh tïkwïn cho sïwïyi pich lapay lö karamach.

RUMI 13:10

Melö ighchini chi nyo chömöy pöroryenyi kïgh nyo gha. Kïlenyona nyu kecham, pörör kï kerïp kirurut löwïr.

TITO 3:2

Imwochï chane tömöngalana chi anka tïkwïl nyo gha, wölo kilïkwï pipö kalya, cho tölose, cho porchini pich lapay otöp nyo karam.

YAKOPO 4:11

Tupchenichu, mangalana kegh nyo gha akwane. Chi anka tïkwïl nyo ngölono nyo gha anta rwokyï tupchenyi kingölono nyinte nyo gha anta akurwokyï Kikirut. Ato irwokyinyi kirurut, kïmelö kötelïkunanyi chi nyo rïpöy kirurut, wölo kelïkunyi chi nyo rwokyini kirurutchoni.

3 YOANA 1:11

Kongenyu, memustö kegh kïgh nyo gha, wölo irïp nyo karam. Anka tïkwïl nyo ighöy nyo karam, kïpo nyinte Tororöt, akwanka tïkwïl nyo ighöy nyo gha kïtomönye kunkïtï Tororöt.

1 SAMWEL 24:11

Rose apoy, kareranto sïrengu nyï mi ewunyan, kamutan sïrengu, amelö kaparinyi nkïtunö nyu lö möminye ghöyityö nyo otïngetan ompö nyi, amöminye kïgh nyo kolelunyi, kïrkegh yörenyi pöranïn.