TUMWÖY 12:2 - PIPÏLIA

² Mïrchini kegh chane löwïr putintön, ngölono kutïwekwa ngala lïs.

TUMWÖY 12:2 ပူးပေါင်းရင်းမြစ်များ

TUMWÖY 10:7

Nyïghitat kutinyi chïpö nko putintön nko köromnyö, tïng ngalyapunyi kiwurat nko ghöyityö.

TUMWÖY 116:11

Otyan amwaghan lö, “Möminye ptangengmöt nyo kighönöy.”

TUMWÖY 144:11

Sörwante ompö choko pungköchan aighetante ompö owesyo pipö punton cho ngölonöy putintön, kïrkegh otini omöy muma.

TUMWÖY 144:8

cho ngölonöy putintön, kïrkegh otini omöy muma.

TUMWÖY 28:3

Amerwokyante nko mwokïyis nko pich cho ighöy ngokï, pich cho ngölonöy nyo karam wölo ghach mutïnö.

TUMWÖY 38:12

Tekwanïn ngöghöp chane cho mököy kïpöranïn. Ngölonenanïn nyo gha pich cho mököy kïpöranïn, möminye ato sisyot menan wölo wöktenanïn.

TUMWÖY 41:6

Rutoghwanïn chepölköstinechoni akïngalan nyo karam, wölo ngölonenanïn nyo gha ompö sany.

TUMWÖY 5:9

Möminye man kutïwekwa. Nyïghitate kiwurata mïkuliskökwa. Pïrïm nyo yatate sïghinywekwa. Ngölono kong ngölyepkökwa.

TUMWÖY 55:21

Onyïne le kumat ngalechi, wölo möro kong mïkulöwunyi poryot! Karamach ngalechi le mwagh, wölo mutöy le chok nyo ngatip.

TUMWÖY 59:12

Nya kïlïkwï ngöghöp menotönengwa, kïrïp kegh nko ngokiko kutïwekwa! Chïpisïyi chane akïmwoghöy putintön,

TUMWÖY 62:4

Nonöy chane pat lö tökirultö nyinte ompö ngacharunyi. Ngörökyini chane putintön. Soyöno chane pich kutïwekwa, wölo chïpisïyi ompö mïkuliskökwa.

NGÖTÏNYÖ 20:19

Ngongtoy wïngut chi nyo le kiswomin, malena kegh pich cho ngölonöy kïsamta.

NGÖTÏNYÖ 20:6

Poru chi anka tïkwïl köromnyenyi ompö chitö anka, wölo ngo nyo muköy kïnyoru chi nyo kighönöy?

NGÖTÏNYÖ 29:5

Ato putput chi pöroryenyi, kwighchini kelyechi ngöghöp.

YEREMIA 7:28

Ilenchinenyi nyu chane, ‘Ochikwa pich cho melö kiter kuti ECHOTYON Tororötïngwa, amachamcha kïpïstö or nyo gha kïrkegh sitöt nyo kyonyorukwa. Melö tochikwa pich cho ghönote, amökengölononye kwenunkwa ngölyontononi.’

YEREMIA 9:8

Lenye ngölyepkökwa pem nyo tïng ngwono, kikïnagh putintön. Ngölono chi pöröryenyi nyo karam, wölo ompö mïkulöwunyi yöröy or nyo tïgho nyinte.

ESEKEL 12:24

“Kïngeta atoni mokïminye nyu putintön nko werkoynöno putintön ompö pipö Israel.

MIKA 7:2

Möminye chi pö man ngwïny, möminye chi nyo pö man ompö pich, möro sera porsyö chane, mököy chi anka tïkwïl kïrïm werïngwa.

RUMI 16:18

ompöwölo möpöghisyechinicha pich cho lata choni Kristo Echotyontenyo wölo pöghisyechini mutïnekwa. Lïsöy chane pich cho tomöcha kïnagh ortïn cho ghach ompö kïnkïno ngalekwa cho onyïn.

1 TESALONIKE 2:5

Onkïtökwa lö melö kikïpkanacha korenkwa kepï ngal cho kikïlïsecha pich anta kyamta Lökoy cho Karamach atökesïkenö kinyiwut wölo omitekwa, söwintencha Tororöt.