3 Mi Tororötïncha yïm, kwighöy kïgh anka tïkwïl nyo mököy.
Wow ECHOTYON nyoman, mïchini kekwol nyinte tya, kïkwolöy kïtïl tororötin walaka.
Wölo möwöghökonye nyinte, ekïngo nyu nyo muköy kïwöghököy? Ighöy kïgh anka tïkwïl nyo mököy nyinte kwïghöy.
Ketö ECHOTYON ngacharu paytaghtanyi yïm akïpöytoy tïkwïn löwïr.
Osoghinyi, we ECHOTYON nyo imi yïm, ay nyi nyo itöpo ngacharuto paytaghtangu.
Ighöy ECHOTYON kïgh anka tïkwïl nyo kömököy, ompö yïm nko ngwïny, ompö nanamtin nko ompö pögh ori.
Roröchini nyinte nyo töpo yïm chane. Nyerero Echotyon chane.
Otumchinö Tororöt, asal kaynatenyi asagha nyinte nyo wegho poltoy. Kïkuro kaynatenyi ECHOTYON, ongörökyinö nyinte!
Kyangoran kïgh nyo igho kïngeta otini le awïyay, kyanyaghan angor könyisyok kïgh nyo igho. Kyamwaghan lö ighisyot tötutköchan nyo mötïny, aghan kïgh anka tïkwïl nyo kyamachan agh.
akeyoneninyi wölo möngöy pich wïyö töpenö wuw nko tyonkïn. Akeghinyi ama sus le tany könyis mut nko odeny ntökïtenö nkïtunönyi lö, Tororöt nyo Töror Tya nyo pöytoy pich akutöni paytagh chi nyo kacham.”
Melö yitöy pich ompö ngwïny kïmïkul lö kïgh, pöytoy nyinte malayken ompö yïm nko pich ompö ngwïny ompö machatenyi, Amöminye chi nyo töghöy makatenyi anta lenchï, ne nyï ighenyi?
Asagha nyu le nyï: ‘Paponyo nyo mi yïm, Nya kïtïlitit kaynengu.
Töptoy tepanïn chi akong ompö akwa lö, “Ato lenyoni, kwompö ne nyu tökughechini Tororöt chi lö kalel? Ngo nyo muköy kupöpeköy machatenyi nya?”
Kikegh tïkwïn löwïr kïrïp kegh nko tötutyo Tororöt nko machatenyi, ompöwölo kikïlecha nyinte kelïkuna pikachi otini kikïlinyecha nko Kristo ompö machatenyi le wölo kilata kinonutyenyi nyo kinonöy otini le wïyay.
