TUMWÖY 103:4 - PIPÏLIA

⁴ Sörwanïn achïwïta meghat akusoyönanïn ompö kisyonötenyi nko chomnyenyi nyo pö kokay.

TUMWÖY 103:4 ပူးပေါင်းရင်းမြစ်များ

TOWUNÖT 48:16

Nya kusoyön monechï malaykayan, nyo kisörwanïn ompö ghöyitwok löwïr akekurteghö chane kaynenyan nko nyo pö papotïnechan Apraam nko Isak, oyiyö atösisyö achangitï ompö ngwïny.”

TUMWÖY 103:12

Le wölo low tya kongasis nko ta, lenyoni wölo wirtoy nyinte ngokicha kïlowöchitu nko acha.

TUMWÖY 21:3

Kirutochinyi nyinte ompö kisoyönot nyo wow ailokyinyi mötïnyi tenta nyo pö koltin cho pïchighöch

TUMWÖY 34:22

Söru ECHOTYON mötworichi amelö kirwokyini cho ghïpo nyinte. Tum pö Daudi.

TUMWÖY 5:12

Ompöwölo isoyönenyi chi pö man, we ECHOTYON. Ikörteghonyi nyinte kisoyönöt le longa. Ompö kintöghoghinto tumï, nyo kïtumo pikachi. Kïrïp kegh nko Syeminit. Tum pö Daudi.

TUMWÖY 56:13

Ompöwölo kesörwaninyi achïwïta meghat airipaninyi tömachitan. Nka nyï owesteghonan tawungu Tororöt, ompö löpoyïn pö söpon. Ompö kintöghoghinto tumï. Kïrïp kegh nko tum pö “Menyar.” Tum pö Daudi otini kirïpö wölo mi Saulö ompö köpön.

TUMWÖY 65:11

Iperurenyi koro kïnyorï ilö, rulyot töpotonikwa ompö chongïn pö pagh.

TUMWÖY 71:23

Ngörököy kutinyan nyoman, otini otumunyi sölut akïngörököy mïkulöwunyan, ompöwölo kesörwaninyi.

TUMWÖY 8:5

Keghanyi nyinte kïmïnïngit kïtïl Tororöt, kelokyinyi nyinte tenta ororyö nko konyït.

ISAYA 38:17

Kawaghaka ngwonïntönyan kïlïkwï kalya. Kesörunenyi söpontönyan tapan anka tïkwïl ailöstewaninyi ngokichu löwïr.

ISAYA 54:8

Kyawïngeninyi tokochunyu nyo le kite, wölo oporunyi chomnyenyu kokay. Mwoghöy ECHOTYON Ghetintengu.

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

1 PETRO 5:4

Akwato itï Mösöwonte nyini Wow, onyorukwa nyu tenta ororyö nyo mepoytonye.

NGONGUT 5:9

Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.