TOWUNÖT 8:21 - PIPÏLIA

²¹ Kïnguchï ECHOTYON sikaka nyo anyïn nyo pö amöros, kïngölonchï kegh nyinte lö, “Melö tochïpan ngwïny ngat ompö kïgh nyo ighöy chi. Onkïtön lö ghach kinonutkachi kïngata mïnïngityenyi. Melö towuran ngat tïkwïn löwïr cho sötote, kïle wölini kaghan ye.

TOWUNÖT 8:21 ပူးပေါင်းရင်းမြစ်များ

TOWUNÖT 3:17

Atolapay kïlenchï Tororöt Adam, “Ompöwölo keterchinyi korkengu, aiyamanyi okinto ketay kyatagheninyi, köchïpö ngwïnya, ompö nyi. Omenyi kighotiku osisweku löwïr ompö ngwïny.

TOWUNÖT 4:12

Mengwïnonye kïgh nyïngwïtyantanoni ato ilenyi okötkötöy kösïgh, imöngenyi ngwïny ompö sowsowönöt.”

TOWUNÖT 5:29

kïkuro Noa, ompöwölo kilö, “Monïngete nyo konecha kimïny kïngetunö ighisyewutköcha cho owesöch cho kighocha ewunecho ompö ngwïnyinï kichïp ECHOTYON.”

TOWUNÖT 6:13

Kïlenchï Tororöt Noa, “Kamachan awang ptangengmöt ompö ngwïny. Owuran chane löwïr ompöwölo kenyïghit chane ghöyityö ngwïny. Owuran chane nko ngwïny tïkwïl.

TOWUNÖT 6:17

Opunan puseryon nyo lumöy kor kïmïkul nyo tïghöy tïkwïn löwïr cho sötote cho mi ngwïny.

TOWUNÖT 6:5

Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.

TOWUNÖT 6:7

Atolapay kïlö, “Omisan ptangengmöt nyanye kyoghchan ngwïny nko tyonkïn tïkwïl nko törit, ompöwölo kalanganyan lö opï oghöy chane.”

AYUPU 14:4

Ngo nyo muköy kwigh kïgh nyo tïlil kungwïna nyo le sïmnyon? Möminye chi nyo muköy.

TUMWÖY 51:5

Ochan lelan kïngata otini kikïyiyanïn akyotïngetan ngokï kïngata omitan mu.

TUMWÖY 58:3

Kitosonchö pich cho ghach kïngata otini kikïsïch akïputï kïngeta otini kikïyï.

TUMWÖY 58:4

Tïngeto ngwonö nyo lata nyo pö moroy, kikar yitikwa kïminyö le mïny nyo kakar yitïn,

WUWÖT 29:18

aipel makalu kïmïkul ompö ato kïpelo amöros pö ECHOTYON. Nguchinanïn nyu nyo karam.

WUWÖT 29:25

Atolapay ichengunö ewunekwa aipel ompö ato kïpelo amöros nko kitötoghtinechay. Nguchinanïn nyu nyo karam. Nyoni kï ropöwon nyo pö ma ompö ani.

NGÖTÏNYÖ 20:9

Ngo nyo muköy kïmwa lö, “Kyotïlilön mïkulöwunyu, ochan tïlil, motïngetanye ngokï?”

OMTOGHIN 7:20

Möminye chi pö man ngwïny nyo ighöy nyo karam amegh ngokï.

ISAYA 47:12

Leta ye tagh nko chepsoköynengu, supchinö kegh pönutköku kïchangit, cho kisïngenyi kïtenö ichinyi mïnïng. Manan ngörokinyi tïkuchoni, töptoy imukenyi iotyeghö punköku.

ISAYA 47:15

Nka nyoni kïgh nyu wölo lïku kiruriku, choni kirurinyi kïtenö ichinyi mïnïng. Pïstoninyi chane akïpechï kegh pantangwa amelö ngötu ompö akonga nyo sörunyi.”

ISAYA 48:8

Kyonkïtön lö melö kyochikwa pich cho kighönöy, pich cho le penyï kïnomnyö. Nka nyoni melö kyalïmakwa nyonikïny ngölyontononi, akunka nyoni tömömi ngölyon nyo kyalïmekwa yitikwo.

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

ISAYA 65:6

Kyomutyan kirwok pïchï, Mosisyinanye kïgh nyo kegh chane, oghokyinan chane,

YEREMIA 17:9

“Lïsin mïkulöwu ptangengmöt kïtïl kïgh anka tïkwïl, möminye wölo kisoptoy. Ekï ngo nyo muköy kunkïtu?

YEREMIA 18:12

Wölo mwoghöy chane lö, ‘Wechï kwïle choni ngale! Kighecha lenyini kikemwagh, kïrïp kegh nko oghïghyö nko ghöyïn pö mïkulisköcha.’ ”

YEREMIA 8:6

Kyakapan yit ater ngalekwa, wölo puryö nyo kimwa man, möminye nyo kötoy ngokichi, anta nyo tepöy kegh lö, ‘Kïgh ne nyï gha kaghan nya?’ Kinam chi anka tïkwïl arenyi, karkegh nko angole nyo rïpchini poryot.

ESEKEL 20:41

Ochömokwa nyu le ngutöwon nyo karam, otini kopkokwa apkanena koros cho kikitoytoychekwa aghamïtekwa löwïr, achaman nyu amörostinekwa atolapay oporunenokwa tïlilïntanyan ato kïsïwa puntonï.

LAWIN 1:13

Wölo köytoy nyinte kwanka akïmwata pögh ngortine, atolapay kutö nyu tïsin ECHOTYON panye löwïr akïpel ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 1:17

Chengöy nyinte tarite akïkarer kïmi nko köpepokö, wölo melö köreröy kïlïkwï odeny. Atolapay kïcheng tïsin akïpel tarite kïmïkul ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 1:9

Köytoy nyinte kwanka akïmwata pögh ngortine, atolapay kïpel tïsin panye löwïr ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 26:31

Onyoran kanastinekwa arultan korikwa pö saghat. Amelö tökïnguchinanïn nyo karam tïkukwa chay onyïn.

LAWIN 4:31

Chengöy nyu tïsin sunetkö löwïr le ato chengöy cho pö ropöwo pöghisyö. Atolapay kïpel ompö ato kïpelo amöros atökïlïkwï tïkwïn cho ngutoy cho onyïn ompö ECHOTYON. Ighöy tïsin lenyoni ompö ngoki chi, atökïlinyö nko ECHOTYON atökelöstoghchï.

LAWIN 8:28

Atolapay kïchenga Musa chane akïpela ato kïpelo amöros nko amörostin cho kïpelöy tïkwïl le ropöw cho pö ngotat nyo ngutoy nyo karam ompö ECHOTYON.

KIYITUT 15:3

Otötenekwa egh anta kech anta aran le ropöwon nyo kïpelöy anta le amöros nyo kiwalwal chi lö otötoy anta nyo kacham chi ompö mïkulöwunyi nyinte anta nyo pö ichontin cho tïlilöch, le kïgh nyo ngutoy nyo karam ompö ECHOTYON.

MATAYO 15:19

Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.

YOANA 3:6

Nyo kiyï chi kï chi kïkany nyo kiyï Mïkulögh kï mïkulögh.

RUMI 1:21

Nyoman kinkït chane lö ngo Tororöt, wölo kimökonyïtnye nyinte le wölo keroko kekonyït Tororöt anta ompö kïyang kuyokyï nyinte sörö. Nyinö kötö ighöy lenyoni, kïwöghökisyö kinonutkökwa kïlïkwï kwïle ntömökunan lenyini keroko.

RUMI 3:23

ompöwölo kikwigh pich löwïr ngokï akïrörchï ororyo Tororöt.

2 KORINTO 2:15

Ompöwölo kïlatecha sikak nyo ngutoy nyo karam nyo ropchini Kristo Tororöt körösyon nyo ngutoy nyo karam ompö pich cho kïsöru nko cho mi kupotyot.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

PILIPI 4:18

Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.

1 YOANA 5:19

Kinkïtöcha lö kïpoyecha Tororöt, kïrkegh kömi ngwïnya kïmïkul pöyunöto Mwokïyontonay.

1 SAMWEL 26:19

Tere ye nyu pöytoghin ngal cho mwoghöy mötworintengu. Ato ECHOTYON nyo keghinyi ighwanïn le nyï, otöninan ropöwo kalya, kïnyïl ato pich, kïchïpote chane ompö ECHOTYON, ompöwölo kayonenanïn chane koro ECHOTYON tömonyorwan mïlat akïlenchanïn, ‘Wïyö pöghisyechinö tororötin walaka.’