TOWUNÖT 6:6 - PIPÏLIA

⁶ Kïlenyona kïlangany ECHOTYON ompö mïkulöwunyi akïlö opï oghchine ptangengmöt ngwïny.

TOWUNÖT 6:6 ပူးပေါင်းရင်းမြစ်များ

TOWUNÖT 6:7

Atolapay kïlö, “Omisan ptangengmöt nyanye kyoghchan ngwïny nko tyonkïn tïkwïl nko törit, ompöwölo kalanganyan lö opï oghöy chane.”

2 SAMWEL 24:16

Nyini kirich kunyar malaykayantanay pö ECHOTYON Yerusalem, kwotyechï ECHOTYON sitonay kitö pich akïlenchï malaykayantanay kimi kïpöröy pich, “Pïstenö kikïmïchï.” Kimi malaykayantanay atoni atolekïtö ghatya pagh nyo pö Arauna chi pö Yepusi.

1 OTÖPTINO OSIS 21:15

Kïyonta ECHOTYON malaykayan kunyar Yerusalem, wölo kïwaghach kinonsyewutkachi akïlenchï malaykayantanay, “Pïstenö kikïmïchï.” Kimi malaykayantanay atoni atolekïtö ghatya Arauna nyo pö pipö Yepusin.

TUMWÖY 106:45

Kunan muma* nyo kyam nko chane, kusyonchï chane kïrïp kegh nko chomnyenyi nyo wow nyo möwöghokonye.

TUMWÖY 110:4

Kakuwalwal ECHOTYON amöwöghökönye kiyomisötenyi nyo lentöy, “Ichinyi tïsin kokay, le wölo kilata tïsin Melkisedek.”

TUMWÖY 119:158

Ghöchinanïn pich cho meghönotcha, ompöwölo möripöcha kirurutköku.

TUMWÖY 78:40

Kipeny chane nyinte kïnyïl cho chang ompö surkwen akuchop kong nyinte ompö wölini.

TUMWÖY 81:13

Ntököterwanïn piköchan wey, akïrïp pipö Israel ortïnechan!

TUMWÖY 95:10

Kyonyölechan chane ompö könyis tömönut angwan, ato mi lötï olan, ‘Wechï kipotyö nyoman chete pikö! Katagh ontöghoghchan chane!’

WUWÖT 32:14

Kïpïstö nyu ECHOTYON ghöyityö nyo kimököy kwighchini chane.

ISAYA 48:18

“Ntö kile nyo kyarïpakwa kiyomisutköchan! Kitö kïmïlwokwa kisoyönut cho lata lalwa nyo mötengönye! Kyomïlunyi mantangu le mirtino pögho nanam,

ISAYA 63:10

wölo kïpeny ngalechi akwigh nyinte kuwongwï ompö chane. Nka nyoni kilïkwï ECHOTYON punyontengwo nyo kiporyeghö chane.

YEREMIA 18:7

Ato amwaghan lö, okölöngöy anyarnyar pipö koros nko paytagh anka tïkwïl,

YEREMIA 26:19

Kitïgh so Mika, Esekia pöytoghinto Yuda nko pipö Yuda löwïr? Ewo! Ompöwölo kïkonyït Esekia ECHOTYON akïsom pöropcho ompö tawunyi kimöpïstönye ye ECHOTYON kwïpchï chane meghat kïrkegh kikikïtat tagh lö opchini chane? Anyï ye karich kepchinöcha kegh nyarïl nyo mamïnïng!”

ESEKEL 33:11

Lenchinö nyu chane lentöy Echotyon TORORÖT le ato osopan, kïmelö mïlanïn megha chemwokïyon, wölo omökan kïpïstö nyinte ortïnechi cho ghach tökïsöp, owöghökisyenö pö ne omeghyenö kwïle nya Israel?

OSEA 11:8

Opïröneninyi lö ne nya Epraim, apïsteninyi lö ne nya Israel? Omukan lö ne taghinyi le wölo kyadan Adma, anta aghinyi lö ne le Sepoim? Möchömönye mïkulöwunyan kokay ngalechoni akïmi kïyetu kisyonötenyan ompö nyi.

YOEL 2:13

Nyo kötö oköreröy sïrokökwo, akarer mïkuliskökwo. Omïlisyenö wölo mi ECHOTYON Tororötïngwo, nyo kinyïghï pöropchö nko kïsyonöt. Mönörekönye nyinte lawel akinyïghï kisyonötö akïlöstowecha ngokicho.

YONA 3:10

Nyini nyu kisïwa Tororöt lö kipïstö chane ortïnekwa cho ghach, kïwaghaka kïmolchï kamas kïgh nyo gha nyo kikakïmwa lö oghchini chane.

MALAKI 3:6

“Ochan ECHOTYON amelö owöghökonan. Nka nyoni nyu, we akwa pipö ara Yakopo, tomönye owonyenökwa lömïs.

KIYITUT 23:19

Melö lenye Tororöt chi nyo mïröy put? Amelö lenye chi nyo wöghököy ngalechi. Ato kimwa kwighöy akupuntoy kïgh nyo kiyomis.

RUMI 11:29

Ompöwölo möwöghökönye Tororöt konutkachi ompö chi nyo kakïl akusoyön.

EPESO 4:30

Orip kegh magh Mïkulögh nyo Tïlil nyo pö Tororöt kïnarek, ompöwölo nyinte kï macheypa Tororöt nyo poru lö ochikwa pikachi akukïniniot lö itu Asis ato tyokokwa Tororöt.

KINONO KIRURUT 32:29

Ntökingöghomöch chane, kitenkïtu kïgh nyo kigho!

KINONO KIRURUT 32:36

Söru ECHOTYON pikachi otini kasïwa lö kewonyö owesyengwa. Syonchini pich löwïr cho pöghisyechini nyinte, otini kasïwa nyörkölölyo pïchoni löwïr.

KINONO KIRURUT 5:29

Wechï kö karam tya ntökölata choni mïkuliskökwa osis löwïr, nyo kötökonyïtanïn akïrïp kirurutköchan löwïr, atökuten osiswekwa chane nko monekwa kokay!

EPRANIA 3:10

Ompö atoni nyu onörekyan pïnoni amwaghan lö, ‘Mostoy kokay kinonutkökwa akïtomöcha kunkïtï chane ortïnechan nyonikïny.’

EPRANIA 3:17

Akwompö ngo choni kinörekyï Tororöt könyis tömönut angwan? Möchanecha löwïr cho kigh ngokï, akï chane chay kimeghö kusyewa ompö surkwen?

YAKOPO 1:17

Ngwïno yïm ropöwonta anka tïkwïl nyo karam nko konunöt anka tïkwïl nyo kïltït. Rökuno wölo mi Paponyo le ighinto löpoyïntin cho mi yïmwöy akï nyo möwöghökönye anta ipï rurwö ompö waghakatenyi.

1 SAMWEL 15:11

“Opï atanye okïlöy Saulö kïlïkwï pöytoghin, ompöwölo köpïstö kïrïpanïn akïtagh kwigh ngal cho kyomwochan.” Kïnyala nyinte akïlokyï ECHOTYON oghononi kïyech.

1 SAMWEL 15:29

Melö putin Tororöt, nyinte nyo le ororyo Israel, amelö wöghököy kinonutkachi ompöwölo melö ptangengmöt nyo muköy kïwaghakan chechi.”

1 SAMWEL 15:35

Makïsïwanye Samwel Saulö ngat ntökïrapas. Kïlangany Samwel ompö Saulö, ompöwölo kilö ECHOTYON, opï atanye okïlöy Saulö kïlïkwï pöytoghinto pipö Israel.