18 “Kyakanyan sörunötengu ECHOTYON.
Lïku Dan moroy nyo mi or, mïny nyo mi or kamas, nyo sïröy angole putïlöy, kïtarenta ipinte kïweghö ara patagh.
Okönan sörunötengu, we ECHOTYON, arïpan kirurutkö.
Omchinanïn emö sörunötengu, we ECHOTYON, akï ngörekyenyan kirurutköku.
Nya kungwïnchanïn chomnyengu nyo möwöghökonye, we ECHOTYON, aisörwante kïrïp kegh nko kiyomisötengu.
Kirosinyi, we ECHOTYON Tororötïnyo tökïtenö syonchechanyi, le wölo rostoy mötworintö echotyontenyi, nko wölo rostoy työ korka nyo pöytoy nyinte.
Okönyan kingörokutyo ECHOTYON ompö machat, oghönan ngölyontenyi.
Osoghan nyoman lö tengwïna sörunöto Israel Sayon!* Ekïngörechot kïtya pipö Israel ato igh ECHOTYON pikachi kïsïch perur ngat. Akanya kïturön Yakopo akïngörekyö pipö Israel. Tum pö Daudi.
Kyakanyan ECHOTYON ompö mïkukönöt, kïwaghaka akïter riratenyan.
Oköngan Tororöt ompö sison, ngwïno sörunötenyan wölo mi nyinte.
Oköngan Tororöt ompö sison, ngwïno kikönötenyan wölo mi nyinte.
Porwecha chomnyengu nyo pö kokay, we ECHOTYON, aikonecha sörunötengu.
Okwolan ECHOTYON nyo le owesyenyan akï sörunötenyan. Nyinte kï Tororötïnyan nyo okwolan, Tororöt pö paponyan, otöroran nyinte tya.
Kïkölöngöy mwokïyon ompö ighisyewutkachi cho ghach, wölo nyoru chi pö man ato ghïpo ompö mantanyi.
Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”
Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.
Isyonchecha, we ECHOTYON. Nyi nyo kikönecha. Kartecha yekon anka tïkwïl, aisörwecha ompö osiswo nyarïl.
Apkana angalana nko echotyontenyan pöytoghinto Asirya. Okonokwa angoletin 2,000 ato oyörukwa pich cho pegho kïtenö choni.
Kawïnya kegh ECHOTYON pikachi, wölo oghönan akïtö okönan nyinte.
Karam ECHOTYON ompö pich cho twoyto kegh nyinte nko cho chömöy kïpöghisyechï
Karkegh pipö Epraim nko mïnchïrsyon nyo pöghisyegho ratilin cho lïso pich. Chömöy kïpïröy pich.
Wölo okönyan nyo le ani ECHOTYON onkït okönyan Tororöt pö sörunötenyan, terwanïn akï sörwanïn Tororötïnyan.
Yiyöy nyinte monïng nyo le weri, aikurenenyi nyinte Yeso, ompöwölo söruno nyinte pikachi ngokikwa.”
kungwïn Yosep nyo pö Arimatea, nyo konyïtote ompö Kokwö akikönöy nyinte kingwïnata Pöyunöto Tororöt. Akïwö wölo mi Pilato ompö nyakanat kïsom por pö Yeso.
Kïlenchï malaykayantanay, “Mewöghisyö Marya, ompöwölo kinyorunyi pöropcho Tororöt.
Kimito osiswechoni chi nyo kimönyöy Yerusalem nyo kikïkuro Simion. Kitenate nyinte akuwöghöy Tororöt, kiköngöy chichoni sörunöto Israel. Kimito Mïkulögh nyo Tïlil nko nyinte
Kasïweghan konyichu sörunötengu,
Ki chi nyinte nyo kikönöy kingwïnata Paytaghpa Tororöt. Wölo kimachamnye wölini kimutïta chane ngalekwa nko ighisyengwa lö kïtïghöy Yeso.
Ompöwölo köngöy kïgh anka tïkwïl nyo kikigh ompö emö nyo wow asis nyo ngongu Tororöt monechi.
Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.
Kikönecha cho le acha lö, ighecha Tororöt ketene nko nyinte ompö owesyo Mïkulögh nka nyete kikönisïyecha ompö ara kighanat.
amitö oköngöy Werïnyi nyo ngwïno yïm nyo kigh Tororöt kututunö ngwen, nyoni kï Yeso akï nyinte nyo sörunenecha nörekyo Tororöt nyo ngwïnöy.
