TOWUNÖT 42:22 - PIPÏLIA

²² Kuyokyï Rupen chane lö, “Olentan kyomwowokwa lö mada kïgh nyo gha montönyo? Wölo opechikwa atagh! Nka nyï ye kakïsïköcha nyarïl ompö kisönkachi.”

TOWUNÖT 42:22 ပူးပေါင်းရင်းမြစ်များ

TOWUNÖT 4:10

Kïlenchï ECHOTYON, “Ne nyini keghanyi nya? Rirchinanïn kisönko werïnkwa cho mi nyïngwïny.

TOWUNÖT 42:23

Kimelö kinkït chane lö kipköchï Yosep ngalechoni kimwoghöy chane, ompöwölo kipöghisyeghö Yosep chi nyo kiwöghöktoy ngalechi.

TOWUNÖT 45:3

Kïlenchï Yosep werkökwa, “Ochan Yosep, tökïsöpöy papo nya?” Wölo kimemïnye werkökwa tökuyokyï ngölyon ompöwölo kiwöghisyö ompö tawunyi.

TOWUNÖT 50:15

Nyini kisïwa werko ompö Yosep lö kima papongwa kïlö, “Muköy Yosep ntökureyecha akutökwecha ghöyityonay kikighchï nyinte.”

1 PÖYTOGHÏ 2:32

Tököy ECHOTYON ompö Yoap kisön pö pich odeny cho kipar nyinte cho le nyökon kïtïl nyinte amelö kinkït paponyan Daudi: Apner wero Ner nyo kintöghoghchini pipö lïko Israel nko Amasa nyo kintöghoghchini pipö lïko Yuda.

1 PÖYTOGHÏ 2:33

Kïlenyona omöy kisön pö pïchoni Yoap nko monechi kokay. Wölo töpo kalya ka Daudi nko monechi nko ngacharunyi pö paytagh kokay.”

2 OTÖPTINO OSIS 24:22

Kiwutyeghö pöytoghintö Yoas köromnyö nyo kighchï Yeoyada papoto Sakaria kïpar werïnyi. Otini kimi kurïlotoy kïlö, “Nya kïsïwa ECHOTYON kïyete kaghakwa akutak.”

TUMWÖY 9:12

Melö wutyegho kitökinto kisön, chane cho kichopöy kong.

ESEKEL 3:18

Ato olenchan chemwokïyon imeghenyi nyo mötïny amewenyi irirchï nyinte anta ingölonchï iteghchï nyinte kïpïstö ortïnechi cho ghach atö manyïl kïsörï kegh, oghokeninyi kisönkachi ato ma.

LUKA 23:41

Kirwokenyan nko nyengu kïpö man ompöwölo kikïnyorucha kïrïpata kegh nko ighisyewutköcho cho kikigh achane, wölo puryö kïgh nyo kilel chichï.”

IGHISYEWUT 28:4

Kïsïwa pïchay pö koronay kïyïsö moroyonay ewu Paulö, kïmwochï kegh lö, “Kipörisyö chichï nyoman, wölo kïrkegh kachïwïta nanam, wölo möpïsininye manpa Tororöt kïsöp.”

RUMI 2:15

Poru ompö otöptöngwa lö, kikekirchï mïkuliskökwa tïkwïn cho mwoghöy kirurut. Söwintönchini chane tïkwïl choghïntino mïkuliskökwa lö, lata choni, ompöwölo muköy kurwokï anta tököwï chane ompö kinonutkökwa.

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

NGONGUT 16:9

Kïpel pich mayay kïchirkönisyö porwöy. Kumwa chane kaynata Tororöt nyini tïng owesyö paraku kinyörilutchoni. Wölo melö kikötö akïpïstö ngokikwa akukus owesyo Tororöt.

1 SAMWEL 19:4

Kïngalana Yonatan nyo karam Daudi akïlenchï Saulö, “Meghchï nyo gha mötworintengu Daudi, ompöwölo möminye kïgh nyo gha nyo kegh. Kilïkwï kingörokut ompö nyi kïgh anka tïkwïl nyo kigh nyinte.