TOWUNÖT 41:43 - PIPÏLIA

⁴³ akïchömchï Yosep kïweghö nkarinyi nyo pö odeny nyo pö angoletin. Kintöghoghchini nyinte askarin cho le ripï cho kiteghyot ompö kut nyo wow lö, “Okïtïngö!” Kïlenyona kutö Parao Yosep paytagh nyo pö koro Misri kïmïkul.

TOWUNÖT 41:43 ပူးပေါင်းရင်းမြစ်များ

TOWUNÖT 41:42

Atolapay kïchengunö Parao ewunyi kaymorïs nyo pö machey akutö ewu Yosep akulokyï sïro cho karamach cho pö katani akulokyï katïnyi sïrïmtin cho pö koltin,

TOWUNÖT 41:44

Atolapay kïlenchï Parao Yosep, “Ochan Parao, akoyomisön lö möminye chi nyo le ompö akonga ompö koronete pö Misri kïmïkul nyo muköy kughïtoy ewunyi anta keltanyi ato tomönye chömchinönyi.”

TOWUNÖT 42:30

“Kingölonwecha ompö sïnyoryö wowïnto korononi akimi kïtomtomönöy lö manan kïchicha ghotï cho kikïghotöy korenyi.

TOWUNÖT 42:33

Kïlenchecha chichoni wowö korononi, ‘Onkïtunan lö ochikwa pipö man ompö aranï. Opïstokwa werïngwo akonga kïtöpö nko ani, kwip walaka pagh kaw wölini mito pikökwa cho kyam kömöy.

TOWUNÖT 42:6

Ki Yosep chito odeny nyo kipöytoy korononi osiswechoni aki nyinte nyo kyolchini pagh piko korononi kïmïkul. Kïpka nyu werko ompö Yosep akïkïtïngchï nyinte ntökwit ngwïny ompö könyït.

TOWUNÖT 45:26

Atolapay kïlenchï, “Tökïsatat Yosep, akï yetïn pö koro Misri kïtangogh.” Kwotyö Yakopo nyo kirich kïryalta, ompöwölo melö kighan chane.

TOWUNÖT 45:8

Kïlenyona, melö akwa cho kyoyokwanïn angwïn koronï wölo Tororöt, akwighanïn alïkwï papo ompö Parao, alïkwï echotyon nyo pö konyi kïmïkul nko pöytoghinto koro Misri kïtangogh.

TOWUNÖT 50:18

Kipka werkökwa akupïtyï ngwïny tawunyi, akïlenchï, “Rosa kïchicha mötworiku.”

TOWUNÖT 50:9

Kipa nko nyinte nkarinö nko angoletin, ki söpïch nyo wow nyoman.

ESTA 10:3

Kiyetï Mordekay, chi pö Yaudi, ntökïlïkwï nyo pö odeny ompö paytaghpa Aasuero. Kikïkonyït nyinte tya akïsïch chömchin ompö pikachi, pipö Yaudi, ompöwölo kighchï chane nyo karam atökïtïpï pikökwa löwïr ompö kalya.

ESTA 3:2

Kïmwochï pöytoghintö wowïntinechi löwïr cho kipöghisïyi ompö korenyi kïmïkul kïkonyït Aman akïkïtïngchï nyinte. Kwigh chane löwïr lenyini kimwa pöytoghintö kïpoto Mordekay onkït nyo kitagh kïkïtïng akikonyït.

DANIEL 2:48

Kutö nyu pöytoghintö Daniel konyït nyo wow nko ropöw cho chang echön. Atolapay kwigh nyinte kïpayta koro Papilon kïmïkul akïlïkwï yetïn pö pipö Papilon löwïr cho ngöghomöch.

IGHISYEWUT 7:10

Kïgheta Tororöt nyinte kömpölelutkachi löwïr akutö ngöghomnyö nko tokoch nyo karam ompö tawu Parao, pöytoghinto Misri. Kïlenyona kwigh Parao nyinte kïlïkwï yetïn pö Misri nko konyi kïmïkul.

PILIPI 2:10

Atökïlïkwï nyo kïtïngöy anka tïkwïl ompö kaynata Yeso, tïkwïn löwïr cho mi yïm nko ngwïny nko ngwïny ori