TOWUNÖT 41:14 - PIPÏLIA

¹⁴ Kïlenyona, kïmwatïta Parao kekurï Yosep, kemïtï nyinte panini kungwïna chela. Nyini kiwang kïrwak kegh akïwaghach sïrokachi, kungwïn wölo mi Parao.

TOWUNÖT 41:14 ပူးပေါင်းရင်းမြစ်များ

2 SAMWEL 19:24

Kungwïn Mepiposyet nyo pö ka Saulö kïtarok pöytoghin amelö kiwun kelyechi anta mut tamughyenyi anta mwat sïrokachi, kïngata otini kingeta pöytoghintö Yerusalem ntökïmïla nyo karam.

2 PÖYTOGHÏ 25:29

Kïlenyona, kïngwïsta Yeoyakin sïrokachi cho kiloköy otini kitö kï mi chela akïwö kwomisyö ompö kö pö pöytoghin osiswechoni löwïr.

ESTA 5:1

Otini kitïta asisto sömök nyo pö kïruratenyi kulach Esta sïrokachi cho pö paytagh akïwö kughyongö kiroryo kö pö paytagh, ato topönöy kegh nko ngacharu paytagh. Kimi pöytoghinto kïtöpo ngacharunyi pö paytagh kïpörtoy or.

WUWÖT 10:16

Kïkur Parao Musa nko Aron panini akïlenchï, “Koghchan ngokï ECHOTYON Tororötïnkwa nko akwa.

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

DANIEL 2:25

Kumït nyu Ariok Daniel lawel wölo mi pöytoghintö, akïlenchï, “Konyorwan chi ompö pïnotchay kipkana koro Yuda nyo muköy kïmwowï waghakata kirwotïtoghtöngu.”