TOWUNÖT 35:4 - PIPÏLIA

⁴ Kïlenyona, kutö chane Yakopo körkeyïntino tororötin löwïr cho pö punton cho kitïng chane nko taghoy cho kimi yitikwa. Kïtïpchï Yakopo ket ghït nyo kimi atolekïtö Syekem.

TOWUNÖT 35:4 ပူးပေါင်းရင်းမြစ်များ

TOWUNÖT 12:6

Kïruto Apram kuwerata kwenu korononi ntökïtenö kwitïta Syekem, wölo kimi ket nyo tïlil ompö More. Kimöngöy pipö Kanan korononi osiswechoni.

TOWUNÖT 35:3

Atolapay anget tökepustena kepe Petel, atowan otekyï Tororöt ato kïpelo amöros. Nyinte nyini kiterwanïn saghatenyu asis nyo kyotïngetan nyarïl akimi nyinte nko ani ompö wop anka tïkwïl wölo kyowan.”

TOWUNÖT 35:5

Otini kirutoy Yakopo nko werkachi, kïlïtyï otyogh nyo kingwïna wölo mi Tororöt kanastin lapay cho kile pöröriskökwa, melö kitökïrïp nyu chane werpö Yakopo.

WUWÖT 32:20

Kïcheng moghay kigh chane akïpel akïnga ntökïlïkwï pïsya akïtankwara pögh akuchikyï pipö Israel kïgha.

ISAYA 2:20

Löstoy chane asisoni körkeyïntin cho pö koltin nko silpa cho kitang atökïsagh, kïlöstoghchini pungung nko reresoy.

ISAYA 30:22

Ichengenyi körkeyïntin cho kikïmala silpa nko koltin, aiwirtenyi tïkuchoni le tïkwïn cho le sïmnyon, aitegh lö, “Angetena tawunyan!”

OSEA 2:13

Ochopan kong nyinte ompö osis cho ropchini Paal amörostin akïmina kegh karïn yitïn cho pïchighöch akïwö kïrïpata chamankachi, akïwutyeghenanïn, mwoghöy ECHOTYON.

KINONO KIRURUT 7:25

Apelekwa körkeyïntinekwa cho kipötöy. Mopïrchï ropïyen anta koltin cho kikïminchï körkeyïntinekwa atömölïkwï choni ngöghöp ompö akwa ompöwölo ghöchini ECHOTYON Tororötïnkwa.

KINONO KIRURUT 7:5

Kïlenyona anganya ato kïpelo amöros arul pchörinekwa cho tïlilöch atörotör tororötïngwa Asyera* apel körkeyïntinekwa cho kipötöy.

KIRWOKÏ 9:6

Kïpka nyu pipö Syekem löwïr nko pipö Pet Milo, akïpa kwigh Apimelek pöytoghin ompö ato kilekïtö ket nyo tïlil nyo kimi Syekem.