TOWUNÖT 35:2 - PIPÏLIA

² Kïmwochï Yakopo piko konyi nko pich tïkwïl cho kimi nko nyinte lö, “Apakaytena körkeyïntino tororötin cho mi kwenunkwa cho pö pipö puntoni walaka atïlil kegh awaghach sïrokökwo.

TOWUNÖT 35:2 ပူးပေါင်းရင်းမြစ်များ

TOWUNÖT 18:19

Ompöwölo onkïtön lö sötöy nyinte monechi nko piko konyi cho rïpu nyinte kïrïp arenyan, akwigh man, atamukan otö Apraam kiyomisutköchan.”

TOWUNÖT 31:19

Kökiwö Lapan atoni kïmut puteko kechiryechi, kïnyorï Rael pöroyïn nyo kichor tororötineko kwanta cho kile körkeyïntin cho kimi konyi.

TOWUNÖT 31:30

Onkïtön lö kerïpönyi ompöwölo kaminyi emö katangwo, wölo kilö ne techorenaninyi körkeyïntineko tororötinechan?”

TOWUNÖT 31:34

Ki Rael nyo kichö ip körkeyïntinechay pö tororötin akïwö kïwïnchï orito tïkwïn cho kïtïpïsot ato kïpegho tamasay akïtöpö parakunyi. Kïmar Lapan wölini le ema ori wölo kimönyorïnye.

TOWUNÖT 34:2

Nyini kisïwa Syekem wero Amor nyo kile chi pö Ipiti, aki nyinte nyo kirwokyini korononi, kïnam chepay akïpatal nyinte ompö owesyö. Kïlenyona, kutö arasï nyinte.

TOWUNÖT 35:22

Otini kitökïmöngöy Israel korononi, kïrï werïnyi Rupen nko Pila nyo kile chemïnïngwenyi.* Kïlïm Israel ngalechoni akïnyala tya. Kitïng Yakopo wor taman nko odeny.

2 SAMWEL 7:23

Mömicha puntonï walaka cho lata pipö Israel ompö ngwïny kïmïkul cho kisörunenyi koro Misri atökïlïkwï piköku kegh, atökwororit kaynengu. Kighchinyi chane tïpö töngönchin otini kiyonenyi pich walaka nko tororötinekwa akwompö piköku.

2 PÖYTOGHÏ 17:29

Kïtas tagh pich cho kimang Samaria kïsagh körkeyïntin akutö wölo kïsogho körkeyïntin cho kitek pipö Israel. Kigh kanasyanta anka tïkwïl körkeyïntanyi nyo kisoghöy.

2 PÖYTOGHÏ 5:10

Kïyonata Elisya chi nyo kiwö kïlenchï Naaman, “Wïyö wunenö kegh lalwa Yordan kïnyïl mut nko odeny atesöpö aitïlilitï.”

1 OTÖPTINO OSIS 16:26

Tororötino pich walaka kï körkeyïntin, wölo ECHOTYON nyo kigh yïmwöy.

AYUPU 1:5

Otini kiwonyö osisweko akortangwa, kïkur Ayupu chane atöketïlil, kingetöy nyinte nyini le kiwasan akïropta ropöw cho kïpelöy kïrïp kegh nko wölo kiteno chane, ompöwölo kinonöy nyinte lö, “Töptoy kikwigh ana werköchan ngokï akïchïp Tororöt ompö lelyot.” Kighöy Ayupu lenyoni kïnomnyö.

TUMWÖY 51:2

Iwunante lasiny ompö ghöyityenyan aitïlilante ompö ngokichan.

TUMWÖY 51:7

Mwata ngokichan atotïlilitwan, wunante atorelitwan löpöt!

WUWÖT 19:10

Kïlenchï ECHOTYON Musa, “Wïyö wölo mi pich aitïlil chane asete nko asïyech. Nya kuwun chane sïrokökwa,

WUWÖT 19:14

Kïrökunö Musa kutïng kungwïn wölo mi pich, akïlenchï otïlilö kegh, kuwun chane sïrokökwa.

WUWÖT 23:13

“Orip löwïr choni komwowunyi. Masagh tororötin walaka anta okur kaynötutkökwa.

OMTOGHIN 5:1

Irip kelyeku ato iwetöy Kö pö Tororöt,* ompöwölo kaykay kïwö chi ato lekït atökïter, kïtïl kutötö nyinte ropöwo sölwöy, ompöwölo menkïtcha chane lö kighöy ngokï.

ISAYA 1:16

Owunö kegh atotïlilitunö, awirteghena wölo omitan ghöyityö,

ISAYA 52:11

Angeta apegha yi! Angetena koro Papilon! Amaswany kïgh nyo kïkïröy. Apeghena kwenunyi atïlil kegh, akwa cho opöy kari Kö pö Tororöt.

YEREMIA 13:27

Kasïwan oghekwa tïkwïn cho töghöy konyichan, karïpatakwa tororötino putintön ompö kutïngkot nko tömköy le wölo ripotoy kegh cheporestin. Ochech nyi we Yerusalem! Oyï ato itïlilitunenyi nya?”

YEREMIA 16:20

Ayo, muköy so pich kwighchï kegh tororötin cho söghöy? Ewo! Ntökemuköy, melö kötö tororötino man choni!”

YEREMIA 5:7

Tepöy ECHOTYON lö, “Olöstowunyi lö ne nya we Yerusalem? Isïwïyenyi lö kapeny piköku ngalechan, akuwalwala kegh tororötin cho möle. Atanya kyapaghakwa ntopïghyö, opïstanïkwa apa aghata cheporesnan, osupchïkwa kegh kori chepkarten.

ESEKEL 18:31

“Opïstenö ngokï löwïr cho kaghakwa ompö tawunyan acheng mïkulögh nyo rel. Pö ne omeghenö nya we pipö Israel?

ESEKEL 20:7

Kyolenchan chane opïstenö tïkuchï ghach sïwïyi konyikwa, amesïmnyonö kegh chi körkeyïntino Misri ompöwölo ochan Echotyon TORORÖTïnkwa.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

DANIEL 5:4

Kïgha dipaychay atolapay kïkwol tororötin cho kikigha koltin nko silpa nko taghoy nko karïn nko ket nko koghïn.

LAWIN 15:5

Chi anka tïkwïl nyo swongöy pöröyenyi kï mwötöy sïrokachi akuwun kegh akïlïku sïmnyon ntökwimön.

LAWIN 17:16

Wölo ato melö kewun sïrokachi anta wun portanyi, kïnömöy nyinte ngokichi.”

KIYITUT 31:24

Owunekwa sïrokökwa ompö asispa mut nko odeny atotïlilitunökwa, atolapay apkanakwa nyu otöngwï möngot.”

IGHISYEWUT 19:26

Kasïwekwa alïmakwa ngal cho ighöy kïyï le Paulö. Lentöy, melö tororötincha kokay chona ighöy pich, akïkïnkïn pich cho chang cho mi yi le Epeso nko cho mi koro Esya kïmïkul, ntökïcham ngalechi.

1 KORINTO 10:7

anta kïsagh körkeyïntin le wölo kisaghta walaka ompö chane. Le wölo mwoytoy Kikirut lö, “Kimpur pïchoni ngwïny akwomisyö akïgheghsyö atolapay kïnget akïnyal.”

2 KORINTO 7:1

Kïlenyona nyu, werköcho, otï kakekonecha kiyomisutchï löwïr, ketïlilö nyu kegh akewirta kïgh anka tïkwïl nyo muköy kusïmnyonöy por nko mïkulögh atökelïkuna pich cho tïlilöch lasiny ompö techata Tororöt.

KALATIA 4:8

Kimonkïtökwanye Tororöt atanya le tagh, opöghisyechikwa nyu tororötin cho kimelö tororötino man.

KINONO KIRURUT 11:28

Wölo lïku chïpöt ato marïpakwanye kirurutchoni, amastekwa ompö aranoni asagh tororötin walaka cho melö kyonkïtökwa.

KINONO KIRURUT 32:16

Kigh chane ECHOTYON kïlïkwï söstoghin, ompö saghata tororötin walaka, kïnarek nyinte ompö ngokikwa.

KINONO KIRURUT 5:7

“ ‘Mesagh tororötin walaka kïpoto ani.

KINONO KIRURUT 6:14

Marïp tororötine walaka cho pö pipö punton cho möngöy kuwitwitokwa.

KINONO KIRURUT 7:25

Apelekwa körkeyïntinekwa cho kipötöy. Mopïrchï ropïyen anta koltin cho kikïminchï körkeyïntinekwa atömölïkwï choni ngöghöp ompö akwa ompöwölo ghöchini ECHOTYON Tororötïnkwa.

EPRANIA 10:22

Akanya nyu kerika wölo mi Tororöt ompö mïkulögh nyo pö man nyo tïng kighanat nyo mötïngnye tomtomönöt. Kaketïlilwecha mïkulisköcho kïngetunö sïkunöt nyo gha akemwata porwöyicha pögh cho tïlilöch.

YAKOPO 4:8

Arika wölo mi Tororöt atökïrikakwa nyinte. Owunö ewunekwo akwa mwokïyischï! Amwata mïkuliskökwo, akwa lïsichï!

YOSWÖ 23:7

atömoghömö nko puntonichoni köngötyï kwenunkwa anta okur kaynötut pö tororötinekwa anta awalwal anta opöghisyechï chane anta asagh,

YOSWÖ 24:14

Kïlenyona kïtas tagh Yoswö kïlö, “Okonyïtö ECHOTYON, apöghisyechï nyinte ompö mïkulögh nyo melö pö lïs nko ompö man, opïstenö tororötinechay kipöghisyechini papotïnekwa ompö koro Mesopotamiya nko ompö Misri, apöghisyechï ECHOTYON.

YOSWÖ 24:15

Wölo ato mochömekwanye opöghisyechinö ECHOTYON akïl asisete lö ngo opöghisyechini, ato kö tororötinechay kipöghisyechini papotïnekwa ompö koro Mesopotamiya, anta tororötino pipö Amori chï omöngekwa korengwa, wölo ani nko katanyan opöghisyechinan ECHOTYON.”

YOSWÖ 24:2

Atolapay kïlenchï Yoswö pïchay löwïr, “Lentöy ECHOTYON Tororöt pö Israel, ‘Kimöngöy könyisyok papotïnekwa Tera papoto Apraam nko Naor, lalwa Yuparet antakwagh, akipöghisyechini tororötin walaka.

YOSWÖ 24:20

Ato opïstekwa ECHOTYON apöghisyechï tororötin cho monkïtökwanye, kïnyöpöno nyinte kwighwekwa nyo gha akuwanyakwa, kïrkegh kökikwighwakwa nyo karam.”

YOSWÖ 24:23

Kïlö nyu Yoswö, “Alastena tororötinechï le to mi kwenunkwa, akany kutang mïkulöwekwa wölo mi ECHOTYON Tororöt pö Israel.”

YUDA 1:23

osörunenö lawel pikö walaka mapa kirwok. Mi pikö walaka cho mïchini oripenö kegh tömenamtak sïmnyontönengwa nyo pö ngokikwa otini omikwa osyonchini chane. Atagha ntatagh ompö chini le sïrokökwa cho kikïnam sïmnyonto pïrchintinekwa cho ghach.

KIRWOKÏ 10:16

Atolapay kïlasta pïchay pö Israel tororötinechay pö tontön akïsagh ECHOTYON. Kusus nyinte nyarïl nyo kitïng pipö Israel.

RUS 1:15

Kïlenchï nyu Naomi Rus, “Kesïwenyi lö kiwö korkenkwa kïmïla wölo mi pikökwa akïmi tororötïnyi. Mïlena rïpa korkengwo.”

1 SAMWEL 16:5

Kïlö nyinte, “Owöy! Kangwïnan ompö pöghisyö otö ECHOTYON amöros, otïlilö kegh akepa nko ani ketötö amöros.” Kutïlil Samwel Yese nko werkachi akïkur chane ompö amörosnoni.

1 SAMWEL 7:3

Kïlenchï Samwel pipö Israel löwïr, “Ato komïlonchekwa wölo mi ECHOTYON ompö mïkulögh akonga, anategha nyu tororötinechay le to nko Astarot* ompö kwenunkwa atang wölo mi ECHOTYON apöghisyechï nyinte onkït. Atökïsörunenok mori Pilisti.”