TOWUNÖT 34:25 - PIPÏLIA

²⁵ Ato mi asisto sömök, otini kitökuchiryot pïchay kikïmut, kïcheng chokonikwa werpö Yakopo odeny, Simion nko Lawi cho tupchö nko Dina, kïpa kïlïtöy kanasyantanay ompö nyakanat akïpar mïrön löwïr.

TOWUNÖT 34:25 ပူးပေါင်းရင်းမြစ်များ

TOWUNÖT 34:26

Kïpara chok Amor nko werïnyi Syekem akumïtuna Dina kö pö Syekem, kïpechï kegh pïchay.

2 OTÖPTINO OSIS 32:25

Wölo metönye Esekia ECHOTYON sörö ompö ngal cho karamach cho kikighchï nyinte ompöwölo kikwol kegh. Kïnyorï nyinte sitöt akïnyorï pipö Yuda nko pipö Yerusalem.

NGÖTÏNYÖ 4:16

Ompöwölo mörusocha, ato tomöcha kwïgh kïgh nyo gha, amelö ngwïnchini rïwonto, ato tomöcha kïmïghit chi.

KIYITUT 31:17

Para ye nyu karöchïnin anka tïkwïl nko korka nyo kikïrï nko mïrön.

KIYITUT 31:7

Kïporyeghö chane pipö Midyan le ato kimwochï ECHOTYON Musa, kïpar pich cho le mïrön löwïr,

YOSWÖ 5:6

Ompöwölo kipesta pipö Israel könyis tömönut angwan ompö surkwen, ntökuwonyö löwïr cho kile pipö lïk cho kipkana Misri, ompöwölo kimelö kiter ngala ECHOTYON. Kiyomisyï ECHOTYON chane lö mösïwïyicha kokay koronay kiwolwolchï ECHOTYON papotïnekwa lö okonekwa, kor nyo kinyïghï chö akïwow kumata.

YOSWÖ 5:8

Otini kimuchö mutata pipö Israel, kumpur otengwa ompö möngot ntökïsöpchö.