TOWUNÖT 3:22 - PIPÏLIA

²² Atolapay kïlö ECHOTYON Tororöt, “Kakarkegh ye nyu chi nko acha, kenkïtï tïkwïn cho karamach nko cho ghach. Melö mïchini kechömchï kwam okin nyo ngwïno ket pö söpon, tömösöp kokay!”

TOWUNÖT 3:22 ပူးပေါင်းရင်းမြစ်များ

TOWUNÖT 1:26

Atolapay kïlö Tororöt, “Kegha chi ompö kïtontönyo, nyo karkegh nko achone tökïpayta kaghagh nko törit nko kyak nko tïpö wudïn löwïr cho mi wuw, cho echön nko cho mïnkech.”

TOWUNÖT 2:9

Akwigh kïpita wöloni ket anka tïkwïl nyo karam nyo yiyu akwa cho karamach cho mïchini kïlïkwï omisyö. Kimito kwenu paranoni ket pö söpon nko ket nyo kinkïtuno kïgh nyo karam nko nyo gha.

TOWUNÖT 3:21

Atolapay kïnöpchï ECHOTYON Tororöt Adam nko korkenyi sïro pö kyak akulokyï chane.

TOWUNÖT 3:23

Kïlenyona, kutulö ECHOTYON Tororöt chichay paranay pö Eden, tökïngor nyïngwïtyan wölini kikigha nyinte.

TOWUNÖT 3:5

Kimwa Tororöt lenyoni ompöwölo nkït lö nyini kamakwa akweko ketoni, kïyotisyö mötöwekwa akarakwa kegh nko Tororöt nyo nkït kïgh nyo karam nko nyo gha.”

TUMWÖY 22:26

Omisïyi meyï akïpïghyö lasiny, pich cho pkonchini ECHOTYON kïsölöy nyinte. Nya kïnyorï chane perur kokay.

NGÖTÏNYÖ 3:18

Ket pö söpon ngöghomnyö ompö chane cho rïpöy lasiny akusoyönote anka tïkwïl nyo nomnyotoy nko nyinte.

YEREMIA 22:23

Akwa cho omonto kegh kori tarakit cho kikipunö Lepanon! Itwokwa nyarïl olokyenö kumes onyorunekwa ngwonïn nyo lata nyo pö korka nyo lusïyi.

NGONGUT 2:7

“ ‘Ato itïng chi yitïn, ilïm ngal cho mwochini Mïkulögh kanisen! Otöninan nyinte nyo rïntoy kwam okinto ket pö söpon nyo mi ka Tororöt.’

NGONGUT 22:14

Soyönote pich lapay cho mwötöy sïrokökwa, ompöwölo tïng chane chömchin nyo omöy okinto ket pö söpon akïlïtöy kanasyan kuweröy kukotichi.

NGONGUT 22:2

Kiyintoy lalwanoni kuweröy kwenu ara mït nyo pö kanasyan. Kimito ket pö söpon lalwanoni antakwagh nko ontökwowu, nyo yinöy akwa kïnyïl taman nko odeny ompö köny akonga akwotini yinöy ompö arawa anka tïkwïl. Sakït söko ketoni cho sopöy pipö punton.