TOWUNÖT 29:1 - PIPÏLIA

¹ Atolapay kïnget Yakopo kïwö pantanyi ntökwit koro pipö kongasis.

TOWUNÖT 29:1 ပူးပေါင်းရင်းမြစ်များ

TOWUNÖT 24:10

Atolapay kïcheng mötworintonay pö Apraam tamasayiko echotyontenyi cho le taman akïwechï kegh. Kimi kwipöy tïkwïn tïkwïl cho pïchighöch cho kiroptoy cho kichenga kato echotyontenyi, akïwö kutang kanasyan nyo kimöngöy Naor, nyo kimi koro Mesopotamia.

TOWUNÖT 25:20

Kitïng Isak könyis tömönut angwan otini kipöy Repeka, chepö Petuel nyo pö pipö Sirya ompö koro Mesopotamia, aki chepto ompö Lapan.

TOWUNÖT 25:6

wölo kutö ropöw werkö koruchi cho kile chemïnïngwen,* otini kitökïsöpöy akuwï chane kïpa wölnö le kongasis tökïlowöchitu nko werïnyi Isak.

TOWUNÖT 35:1

Atolapay kïlenchï Tororöt Yakopo, “Ngeta aiwö ipusta wölnö le Petel, atemanga wöloni aitekyï Tororöt ato kïpelo amöros, Tororöt nyanye kiporunyi kegh atanya kimitenyi irïpo wölo mi werïngwo Esau.”

TOWUNÖT 35:7

Kïtek ato kïpelo amöros atoni akïkurö El Petel, ompöwölo atoni ato kiporchineghö kegh Tororöt Yakopo atanya kipertegho wölo mi werïngwa.

1 PÖYTOGHÏ 4:30

Ki wow ngöghomnyo Solomon kïtïl ngöghomnyo pipö Kongasis, aki wow ngat kïtïl ngöghomnyo pipö Misri.

TUMWÖY 119:32

Orïpan kirurutköku ompö machat, ompöwölo itöswaninyi pköchin.

TUMWÖY 119:60

Kyakuskusan kegh nyoman, arïp kirurutköku lasiny.

OMTOGHIN 9:7

Kikïchömunyi Tororöt kïgh nyo keghanyi, kïlenyona wïyö ama omisyengu aiturön ighegh dipayköku* ompö ngörekyö.

OSEA 12:12

Kiperta Yakopo kïwö Aram kwïgh Israel karï tökïnyorï korka kiwo ngaror tökïnyorï korka

KIYITUT 23:7

Kutor Palaam kïngalan, kïlö, “Kemïtunenanïn Palak pöytoghinto Moap, Ompö Sirya, angwïnan kutïngkoti kongasis. Kïlechanïn, ‘Nyonö chïpkanïn Yakopo, nyonö gheghchinö pipö Israel.’

KIRWOKÏ 6:3

Otini kikötköt pipö Israel parenikwa, kïpusta pipö Midyan wölini nko pipö Amalek nko pich cho kimöngöy okumpö kongasis akïporyö nko chane.

KIRWOKÏ 6:33

Atolapay kïghamït kegh pipö Midyan nko cho pö Amalek nko pich cho kimöngöy okumpö kongasis, kwoghyö lalwa Yordan akïwudö emenikwa ompö mpöghoghyo Yesrel.

KIRWOKÏ 7:12

Kimi wöloni le mpöghogh pipö Midyan nko cho pö Amalek nko pïchoni pö okumpö kongasis. Ki chang chane le talam, akitïng tamasay cho chang le ngayam cho mi nanam.

KIRWOKÏ 8:10

Kimi Sepa nko Salmuna atoni Karkor nko piko lïkengwa cho ngata 15,000 cho kingötunö pipö kongasis. Kepar cho le 120,000.