TOWUNÖT 28:14 - PIPÏLIA

¹⁴ Chongitu asïyech piko yiyengu le terïtyo ngwïny, aighömunyi woptin löwïr, wölnö le ta nko kongasis nko wölnö ketang okumpö löt nko wölnö ketang okumpö tagh, akeperuröy pipö ngwïny kïmïkul ompö nyi nko ompö piko yiyengu.

TOWUNÖT 28:14 ပူးပေါင်းရင်းမြစ်များ

TOWUNÖT 12:3

Osoyönan pich cho soyöninyi, wölo ochïpan chi nyo chïpinyi akesoyönöy pipö ngwïny kïmïkul ompö nyi.”

TOWUNÖT 13:14

Kikany kïpesyö Lot nko Apram, kïlenchï ECHOTYON Apram, “Topöne lasiny wop löwïr ompö atoni imitenyi.

TOWUNÖT 13:15

Okoninyi nko moneku koronete kïlïkwï nyengu kokay.

TOWUNÖT 13:16

Oghan moneku kïchongitu le terïtyonto ngwïny, kïle wölini memukönye chi ntökuyit terïtyonto ngwïny, kïmemukönye chi tïkwïl ntökuyit moneku!

TOWUNÖT 18:18

Akwanyï lïku nyinte pipö punton akonga nyo wow nyo awes akeperuröy pipö punton cho pö ngwïny kïmïkul ompö nyinte.

TOWUNÖT 22:17

osoyöninyi aperurinyi. Otösan yiyengu kïchangit le kokelya yïm, le ngayam cho mi nanam. Pöytoy yiyengu kanastina punkökwa.

TOWUNÖT 22:18

Soyönöy kegh asïyech pipö punton cho pö ngwïny kïmïkul, ompöwölo keteranyi kutinyan.”

TOWUNÖT 26:4

Otösan piko yiyengu kïkarkegh nko kokelya yïm tönön chane koroswechete löwïr akeperuröy pipö punton tïkwïl ompö piko yiyengu,

TOWUNÖT 32:12

Akï nyi nyay kimwagh lö, ‘Oghunyi nyo karam nyo mötïny achongitan moneku kïlïk cho makïrar, cho memukönye chi ntökuyit ompö chongïn?’ ”

TOWUNÖT 48:16

Nya kusoyön monechï malaykayan, nyo kisörwanïn ompö ghöyitwok löwïr akekurteghö chane kaynenyan nko nyo pö papotïnechan Apraam nko Isak, oyiyö atösisyö achangitï ompö ngwïny.”

TOWUNÖT 48:19

Wölo kïtagh kwanta akïlö, “Onkïtön lö lenyoni werïnyu, lïku nyinte tïkwïl söpïch, akïyetï, wölo yetu werïngwa nyo mïnïng kïtïl nyinte akïchongitu monechi kïlïkwï pipö ngwïny.”

2 OTÖPTINO OSIS 1:9

Ye nyu, we ECHOTYON Tororöt, nya kïpïntö ayomistöngu nyo kiyomisönyi paponyan Daudi, ompöwölo keghaninyi alïkwan pöytoghinto pich cho chang tya le nyïngwïn.

TUMWÖY 72:17

Nya kenan kaynata pöytoghin kokay nko ororyenyi le asis. Nya kusoyönisyö puntonï löwïr ompö nyinte. Nya kekurö nyo soyönote.

WUWÖT 32:13

Nana mötworiku ompö Apraam nko Isak nko Yakopo cho kiwolwolchinyi chane lö, ‘Otösan yiyenkwa kïchangit le kokelya yïm akï otönan koronini kïmïkul koyomiswokwa yiyenkwa akïmïlöy chane kokay.’ ”

ISAYA 54:3

Inoteghonyi söremwoktineko korengu ompö woptine löwïr. Kiyokyini piköku koroswekwa löwïr cho möngöy puntonï walaka. Kinyïghitöy pich kanastin cho tïryolöch otï le ye.

KIYITUT 23:10

Ngo nyo muköy ntökuyit chongïn pö pipö Yakopo? Chang chane nyoman tenö ngayam. Nya ameghan le chi pö man, akïlïkwï sörömunyan le nyo pö chi pö Tororöt.”

MATAYO 8:11

Omwowokwa nyoman lö pkono pich cho chang kongasis nko ta akïpka kumpur akwomisyö nko Apraam nko Isak nko Yakopo ompö Pöyunöto Yïm.

IGHISYEWUT 3:25

Ochikwa monïngo werkoy apoyekwa muma* nyo kyam Tororöt nko papotïnekwa. Le ato kimwochï Apraam lö, ‘Osoyönan pipö ngwïny kïmïkul kuwerï yiyengu.’

KALATIA 3:16

Kimwochï nyu Tororöt kiyomisutkachi Apraam nko yiyenyi. Melö mwoghöy Kikirut “yiyutkachi,” le ato kösïgh cho chang, wölo lentöy “yiyenyi,” nyo poru chi akonga, nyoni kï Kristo.

KALATIA 3:8

Kinya Kikirut kïngor lö ighöy Tororöt pipö punton kutenöy nko nyinte ompö kighanat. Nka nyoni kinya Kikirut kïmwochï Apraam Lökoy cho Karamach lö, “Soyönöy Tororöt punton löwïr ompö nyi.”

EPESO 1:3

Nya kïsala Tororöt Papoto Echotyontenyo Yeso Kristo! Nyo kisoyönech kenyorunö kisoyönöt anka tïkwïl nyo pö mïkulögh ompö möngot nyo mi yïm kuweri.

KINONO KIRURUT 12:20

“Kïkany ato töswokwa ECHOTYON Tororötïnkwa kore kïyetï, kïrïp kegh nko wölo kiyomistokwa akwamakwa mïnyas nyo pö peny amukekwa ome le wölo komöktoy.

KINONO KIRURUT 13:17

Macheng kïgh anka tïkwïl nyo kikengot, atö kenyar atökïpïstö ECHOTYON nörekyenyi nyo ngwan akusyonchokwa akïtasakwa achangituna lenyini kiyomisyï papotïnekwa,

NGONGUT 7:4

Kemwowanïn nyu lö pïchini kikitö macheyu Tororöt tokochwekwa kï pich 144,000 cho kipkana Punton taman nko odeny cho pö pipö Israel:

NGONGUT 7:9

Kïkany kuwanta kegh, asïwan söpïch pö pich cho makïrar cho kimemukonye chi ntökuyit, kïpkana punton nko ortïn löwïr nko kutïw löwïr akughyongö tawu ngacharu paytagh nyo pö Wawa Kech, kiloköy chane sïro cho koghöch cho relach akïnömöy sostin.