TOWUNÖT 24:40 - PIPÏLIA

⁴⁰ Kïlenchanïn, ‘Yokunyi ECHOTYON nyo okonyïtan malaykayantenyi atape tïkwïl tökuperur pantangu: atewenyi ipchinö werïnyan korka nyo pö tïlyayichan, nyo ngwïno koto paponyan.

TOWUNÖT 24:40 ပူးပေါင်းရင်းမြစ်များ

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

TOWUNÖT 24:56

Wölo kïlö chichay, “Morötanïn ngat ompöwölo kikusoyönwanïn ECHOTYON pantanyu, ochömwanïn owö wölo mi echotyontenyu.”

TOWUNÖT 24:7

Kyomwanïn muma ECHOTYON, Tororöt nyo pö yïm, nyo kimïtwanïn ongetunö koto paponyu wölini kikïyichanïn, akïngalan nko ani akïmwa lö otöni piko yiyenyan koronete, yonu nyinte malaykayantenyi kuntöghoghunyi, atepchinönyi werïnyan korka ompö wöloni.

TOWUNÖT 48:15

Kusoyön Yosep kïlenchï, “Nya kusoyön Tororöt werchï, Tororöt nyo kipöghisyechï papotïnechan Apraam nko Isak, nyinte nyo kintöghoghwanïn kïngeta otini kyapitan nko ye!

TOWUNÖT 5:22

Kitöpö nyu Enok nko Tororöt könyis 300 akisïch monïnge walaka cho le wor nko tipïn.

TOWUNÖT 5:24

Kïlïmchinö Enok nko Tororöt, atolapay kïmökïrumïnye ompöwölo kicheng Tororöt nyinte.

TOWUNÖT 6:9

Achï monïngo Noa. Kipö man Noa, chi nyo kitenate ompö piko pïntanyi. Kilïmchinö Noa nko Tororöt.

1 PÖYTOGHÏ 2:3

airip lasiny tïkwïn cho möcheninyi ECHOTYON Tororötïngu ighe airip nko kirurutkachi nko kikirutkachi, kïrïp kegh nko kirurut pö Musa, atenyorunö perur ompö kïgh anka tïkwïl nyo ighenyi nko wölo iwetenyi.

1 PÖYTOGHÏ 3:6

Kuyokyï Solomon lö, “Kiporchinyi chomnyogh nyo pö kokay mötworintengu Daudi, paponyan, ompöwölo kïrïpinyi akutwaytinyi kegh ompö man nko ompö kighanat nko ompö mïkulögh nyo puryö lïsat ompö tawungu. Keporchinyi ye nyinte chomnyengu nyo wow nyo pö kokay, itö worö nyo kapayta otini kömi nyinte.

1 PÖYTOGHÏ 8:23

akïsagh lö, “We ECHOTYON Tororöt pö Israel, melö mito tororöt anka nyo karkegh nko nyi ompö yïm parak anta ompö wöl ngwïnyi ngwïny! Iripenyi muma* nyo kyamanyi nko piköku aiporchï chane chomnyogh otini karïp chane kirurutköku ompö mïkulöwekwa kïmïkul.

2 PÖYTOGHÏ 20:3

“Inan, we ECHOTYON ighisyewutköchan löwïr cho kaghan ompö kighanat nko ompö mïkulögh akonga amukyan osis agh kïgh anka tïkwïl nyo karam ompö tawungu.” Atolapay kïrir kïlok nyoman ompö ngwonïn.

TUMWÖY 1:3

Lata nyinte ket nyo kapita champilwa nyo mi pögh, nyo yinu akwa ompö osiswechi amelö yomot sökechi, perurote kïgh anka tïkwïl nyo ighöy nyinte.

TUMWÖY 16:8

Ononan ECHOTYON osis löwïr. Mi nyinte ewunyan nyo pö tagh, kïlenyona möminye kïgh nyo timtimanïn.

TUMWÖY 91:11

Ompöwölo mwochini Tororöt malaykenichi kïripinyi ompö wop anka tïkwïl nyo iwetenyi.

WUWÖT 23:20

“Oyokunan malaykayan kïwö tawunkwa kïripotokwa ompö rutogh akumïtakwa ntat wölo kyaghwakwa.

WUWÖT 33:2

Oyontonan malaykayan kuntöghoghwokwa, ayonan pipö Kanan nko Amori nko Ititi nko Peris nko Ipiti nko Yepusi.

DANIEL 3:28

Kïlö Nepukadnesa, “Nya kïsala Tororöt pö Syadrak nko Mesyak nko Apedneko nyo kiyokwï malaykayantenyi kungwïn kïsörï mötworichi cho kighönöy nyinte. Kitagh ngalechan akusalta kegh, kïtïl kïpöghisyechï akïsagh tororötin walaka kïpoto Tororötïngwa.

EPRANIA 1:14

Mömïkulisnye so chane cho kikïyonï kïpöghisyechï pich cho nyoru sörunöt asïyech?

NGONGUT 22:16

“Ani Yeso nyo koyonï malaykayantenyu kungwïn kïmwochï kanisen ngalechï. Opoyan ara Daudi. Ochan tapogh nyo lïwu kiwasan.”

NGONGUT 22:8

Ani Yoana nyo kalïm, asïwa ngalechete. Kïkany alïman asïwa, opïtyan kelyeko malaykayantanay kiporwanïn ngalechoni amachan asagh nyinte.