TOWUNÖT 20:5 - PIPÏLIA

⁵ Melö Apraam so nyo kimwa lö cheptöngwa nyinte? Akïmwa korkenyi tïkwïl ngat lö werïngwa nyinte? Kaghan ngölyontonete ompö mïkulögh nyo puryö sïmnyontön, puryö kïgh nyo kalelan.”

TOWUNÖT 20:5 ပူးပေါင်းရင်းမြစ်များ

TOWUNÖT 12:13

Kïlenyona imwochï chane lö, ichinyi cheptöncha tökïpïstanïn akwighwanïn nyo karam ompö nyi.”

TOWUNÖT 20:13

Kïlenyona, otini kiyonwanïn Tororöt ongetunö koto paponyu, atepan nyinte kungarakanïn kïmwochï pich ompö wop anka tïkwïl nyo kïpetecha lö ochan werïngwa.”

TOWUNÖT 20:16

Akïlenchï Sara, “Otöninan werïnkwa ropïyeni silpa cho le 1,000 tökukïniniechï pïchï löwïr mi nko nyi lö metïngetenyinye lelut aichinyi chi pö man ompö wölo mi chane.”

1 PÖYTOGHÏ 9:4

Nyo ato ipöghisyeghwaninyi ompö man nko kitenat nyo pö mïkulögh, le ato kigh papongu Daudi, airïpanyi kirurutköchan aigh kïgh anka tïkwïl nyo omwowunyi,

2 PÖYTOGHÏ 20:3

“Inan, we ECHOTYON ighisyewutköchan löwïr cho kaghan ompö kighanat nko ompö mïkulögh akonga amukyan osis agh kïgh anka tïkwïl nyo karam ompö tawungu.” Atolapay kïrir kïlok nyoman ompö ngwonïn.

1 OTÖPTINO OSIS 29:17

Onkïtön lö ityömenyi mïkulis, aichömenyi pich cho tïng konyït. Kokonwan chete ompö konyït nko ompö chamatenyan kegh, akasïwan piköku chï kötuyechï yi lö kepunyi ropöw ompö ngörekyö.

AYUPU 33:9

kemwaghanyi lö, ‘Ochan tïlil amotïngönye ngokï, ochan kïltït mötïngönye lelut.

TUMWÖY 24:4

Kïpoto chi nyo mötïngnye sïrïp akï kïltït mïkulöwunyi nyo melö soghöy körkeyïntin anta wolwolisyö ompö putintön.

TUMWÖY 25:21

Nya kïrïpanïn kitenatenyan nko mantanyan, ompöwölo oghöninyi.

TUMWÖY 26:6

Omwötan morichu, we ECHOTYON, motïngetanye lelut. Oriman ato kïpelo amörostöngu,

TUMWÖY 7:8

Rwokyini ECHOTYON pipö ngwïny. Irwokyanïn, we ECHOTYON ompö mantangu. Irwokyanïn kïrïp kegh nko pöropchenyan.

TUMWÖY 7:9

Nyarnyara ghöyityo mwokïyis, wölo ichïchim chipö man. Nyi nyo inkït kinonutköchan nko möchutköchan. Ichinyi Tororöt pö man.

TUMWÖY 73:13

Ayo, kichö oripan so mïkulöwunyu kïtïlilit arip portanyu tömagh ngokï kwïle?

TUMWÖY 78:72

Kiyakwïy Daudi chane ompö man akuntöghoghchï ompö ngöghomnyö. Tum pö Asap.

NGÖTÏNYÖ 11:3

Ntöghoghchini mantangwa pich cho pö man wölo wongöy mwokïyis kipotötengwa.

NGÖTÏNYÖ 20:7

Chi pö man nyo kïltït arenyi, kusoyönote monechi.

DANIEL 6:22

Keyokwï Tororötïnyan malaykayantenyi kungwïn kïkar kutuwa ngötuny. Möminye wölo kedanïn, ompöwölo möminye kïgh nyo gha nyo kyaghan ompö nyinte nko ompö nyi, we pöytoghin.”

2 KORINTO 1:12

Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

1 TESALONIKE 2:10

Ochikwa söwï nko Tororöt tïkwïl nyo pö wölo kikïtöptecha ompö kwenunkwa chona ochï ghönote, ki tïlil otöptöncha akitenate nyo kimötïngnye kigheghchin.

1 TIMOTEO 1:13

kïrkegh ato le tagh kyochïpön nyinte achop kong amwagh. Wölo kisyonchanïn Tororöt ompöwölo kitomönye osïkön kighanat, nyo kimonkïtönye kïgh nyo kyoghöy.

YOSWÖ 22:22

“Wow tya Tororöt! Nyinte kï ECHOTYON! Nyo Wow tya Tororöt! Nyinte kï ECHOTYON! Akunkït lö, ompö ne tökeghacha le nyï akemökecha onkïtunökwa tïkwïl. Ato ki ompö penyat anta melö kikighanacha ECHOTYON,