TOWUNÖT 17:16 - PIPÏLIA

¹⁶ Operuran nyinte akoninyi monïng nyo le weri ompö nyinte. Operuran nyinte akïlïku yoto punton cho chang, akïpkono nyinte pöytoghi pipö punton.”

TOWUNÖT 17:16 ပူးပေါင်းရင်းမြစ်များ

TOWUNÖT 1:28

Kusoyön Tororöt chane akïlenchï, “Oyiyenö achangitï atanyïghita ngwïny apayta. Apaytena kaghagh nko törit nko tyonkïn löwïr cho mi ngwïny.

TOWUNÖT 12:2

Oghinyi lïkune pipö kor akonga cho chang tya. Osoyöninyi aghinyi rumtenö lasiny atelïkuna kisoyönöt.

TOWUNÖT 15:4

Atolapay kïlenchï ECHOTYON Apram, “Melö lïku sekeyontonï le Elieser mïlintengu, werïngu kegh nyo mïlinyi.”

TOWUNÖT 17:15

Kïlenchï Tororöt Apraam, “Melö mïchini ngat kurenönyi korkengu Saray, kurenö kaynenyi kïngata ye kutang tagh Sara.

TOWUNÖT 17:19

Wölo kuyokyï Tororöt lö, “Ewo! Sïkunyi korkengu Sara monïng nyo le weri nyo ikuronyi kaynenyi Isak. Okïninionan mumenyan nko nyinte nko monechi cho rïpu nyinte kokay.

TOWUNÖT 17:6

Oghinyi yiye monïng cho chang tya aghinyi lïkuna pipö punton akïpkono wölo imitenyi pöytoghï.

TOWUNÖT 21:1

Kusoyön ECHOTYON Sara kïrïp kegh nko kiyomisöt nyo kimwochï.

TOWUNÖT 24:60

Kusoyön nyu chane Repeka kïlenchï, “Cheptönyo, lïkwï kama söpïchis cho makïrar, ikany kïrïnta moneku punkökwa!”

TOWUNÖT 25:23

Kïlenchï ECHOTYON, “Mi muyengu puntonï odeny Akï syölöy puntonichï kwodeny iyiyenyi. Owesitu anka kïsir anka, pöghisyechini nyo wow nyo mïnïng.”

TOWUNÖT 35:11

Atolapay kïlenchï Tororöt, “Ochan Tororöt Kimuktoghin, isïch monïng cho chang. Pkono nyi pich cho le pipö kor akonga akïpkono nyi chongïn pö pipö koros akïpkono portöngu pöytoghï.

TOWUNÖT 36:31

Achï pöytoghï cho kipayta koro Edom otini kitomönye kïpayta chi anka nyo le pöytoghin pipö Israel: Pela wero Peor Edom nyo pö kanasyanta Dinapa Yopap wero Sera nyo pö kanasyanta Posra Usyam nyo pö koro Teman Adad wero Pedad nyo pö kanasyanta Apit (kirïnta nyinte pipö Midyan ompö koro Moap) Samla nyo pö kanasyanta Masreka Syaul nyo pö kanasyanta Reopot, okumpö lalwa Yuparet Paal Anan wero Akpor Adad nyo pö kanasyanta Pau (korkenyi kï Meetapel chepö Matred nyo kile koköto Mesaap)

ISAYA 49:23

Lïku ompö akwa pöytoghï papotïn, kïlïkwï korï cho pöytoy yotïn. Kïtïngchinokwa chane akïkonyïtokwa, ipöy kegh ngwïny chane akïkïtïngchokwa. Atonkïtunökwanyu lö ochan ECHOTYON, akwanka nyo könöy kingörokut ompö ani kïmelö nyoru arasï.”

RUMI 9:9

Ompöwölo kikïmwowï ayomis pö Tororöt ompö ngalechï, “Ongwïnan könyinïna ato teno nyete, sïköy nyu atoni Sara werïnyi.”

KALATIA 4:23

Kikïyï weri nyo pö sekeyon le wölo kïyïytoy monïng löwïr, wölo keyï nyay pö taran kïrïp kegh nko kiyomisöto Tororöt.

1 PETRO 3:6

Ki Sara akong ompö chane. Kitech nyinte Apraam nyoman ntökïkurö nyinte echotyon. Kalïkukwa ye nyu tipichi ato aghakwa nyo karam amakany kwotyeghenok kïgh anka tïkwïl.