TOWUNÖT 1:1 - PIPÏLIA

¹ Otini le towunöt, kigh Tororöt yïmwöy nko ngwïny,

TOWUNÖT 1:1 ပူးပေါင်းရင်းမြစ်များ

2 PÖYTOGHÏ 19:15

akïsagh lö, “We ECHOTYON Tororöt pö Israel, nyo itöpo ngacharu paytagh, nyo mi paraku kerupimtin,* nyi onkït nyo ichï Tororöt nyo ipöytoy pöytoghi ngwïny kïmïkul. Kighanyi ngwïny nko yïm.

1 OTÖPTINO OSIS 16:26

Tororötino pich walaka kï körkeyïntin, wölo ECHOTYON nyo kigh yïmwöy.

2 OTÖPTINO OSIS 2:11

Kuyokyï Uram pöytoghinto Tiro Solomon palalyan, nyo kikir lö, “Ompöwölo chömöy Tororöt pikachi nka nyoni ketöninyi lïkunanyi pöytoghintengwa.”

NEEMIA 9:6

Atolapay kïsagh Esra lö, “Ichinyi ECHOTYON onkït, kighanyi yïm nyo pö yïmwöy nko kokel nko ngwïny nko tïkwïn löwïr cho mi ori. Akighanyi nanamtin nko tïkwïn löwïr cho mi ori. Ikomönenyi chane löwïr akï soghinyi söpïchis pö yïm.

AYUPU 26:13

Kikigh yïmwöy kïpïchighöchitu ompö kimïnytanyi, kïtora ewunyi moroy nyo pïrtït.

AYUPU 38:4

“Kimitenyi onö nya otini kyapintitan pchörino ngwïny? Mwowante ato itïngetenyi pköchin.

AYUPU 9:8

Nyinte kegh nyo kikarkar yïmwöy akïtyakata mirtino nanam.

TUMWÖY 102:25

Kighanyi ngwïny otini le könyisyok, aighenyi ewuneku yïmwöy.

TUMWÖY 104:24

Kighanyi tïkwïn cho chang, we ECHOTYON! Pö töngönchin lö ne wölo kidenyi chane löwïr. Kinyïghï ngwïny tïkwïn cho kighanyi!

TUMWÖY 104:30

Ato isikinyi yomat, kïsöpchö ngat, nyi nyo itöni ngwïny söpon.

TUMWÖY 115:15

Nya kusoyönokwa ECHOTYON, nyo kigh yïm nko ngwïny!

TUMWÖY 121:2

Ngwïno kingörokutyenyan ECHOTYON nyo kigh yïm nko ngwïny.

TUMWÖY 124:8

Ngwïno kingörokutyencha wölo mi ECHOTYON nyo kigh yïm nko ngwïny. Tum nyo kïtumöy ato kïpustoy Yerusalem.

TUMWÖY 134:3

Nya kusoyönïn ECHOTYON nyo möngöy Sayon* nyo kigh yïm nko ngwïny.

TUMWÖY 136:5

Kigh nyinte yïm ompö ngöghomnyenyi, töpo chomnyenyi kokay.

TUMWÖY 146:6

nyo kigh yïm nko ngwïny nko nanam nko tïkwïn löwïr cho mi oringwa, nyinte nyo kitwoytoy kegh kokay.

TUMWÖY 33:6

Kikigha ngölyonto ECHOTYON yïmwöy, kikigh tïkwïn löwïr cho mi oringwa ompö kimïnytanyi.

TUMWÖY 33:9

Nyini kingalan nyinte, kwigha akwotini kimwa nyinte kïgh, kïrumï.

TUMWÖY 8:3

Otopönan yïm nyo kighenyi ewuneku, nko arawa nko kokel cho kitönönyi woptinekwa:

TUMWÖY 8:4

Inonenyi chi nyo pö ne, akïne tesïngena ptangengmöt?

TUMWÖY 90:2

Ichinyi Tororöt kokay nko kokay nyo kimito kïtomö kïpitï kutïngkotï akitomö ighanyi ngwïny.

TUMWÖY 96:5

Körkeyïntin pat tororötino punton walaka löwïr, wölo ECHOTYON nyo kigh yïmwöy.

WUWÖT 20:11

Ompöwölo kigh ECHOTYON yïm nko ngwïny nko nanam nko tïkwïn löwïr cho mi oringwa ompö osis mut nko akonga, atolapay kumuny ompö asispa mut nko odeny akusoyön asispa Sapato akutïlil.

WUWÖT 31:18

Otini kiwany ECHOTYON kïngalan nko Musa ompö kutïng pö Sinay, kutö nyinte koghïn odeny cho töpölöl cho pö söwintön cho kikira Tororöt ewunyi.

NGÖTÏNYÖ 16:4

Kigh ECHOTYON kïgh anka tïkwïl kïmi kerötenyi, kigh ompö mwokïyis kïlïkwï nyingwa asispa nyarïl.

NGÖTÏNYÖ 3:19

Kitor ECHOTYON ngwïny ompö ngöghomnyö akïkatkat yïmwöy ompö chïreryenyi.

OMTOGHIN 12:1

Inan Ighintengu ompö osisweko chumwaknanengu kïtomö kwitï osiswö cho ghach akïrikwï könyiswö ato ilentenyi, “Mongörökyinanye söpon.”

ISAYA 37:16

“ECHOTYON Kimuktoghin, Tororöt pö Israel nyo impuruno ngacharungu nyo mi paraku kerupim,* nyi onkït nyo ichï Tororöt nyo ipöytoy pöyunötin löwïr cho pö ngwïny. Kighanyi ngwïny nko yïm.

ISAYA 40:21

Monkïtökwanye so? Kimömwowokwanye chi so otini le könyisyok? Tomönye so alïmakwa wölo kikida ngwïny?

ISAYA 40:26

Otopöne köny, wölnö le mïröt! Ngo nyini kigh kokel cho osïwïyekwa? Nkït nyinte nyini ntöghoghchini chane le pipö lïk lö tya chane tïkwïl, akïkuröy kaynötutkökwa löwïr! Wow tya owesyenyi, möminye ompö akong nyo potöy kokay!

ISAYA 40:28

Tomönye so nkïtunönyi? Akïtomönye lïmanyi so? ECHOTYON kï Tororöt pö kokay. Kigh nyinte ngwïny kïmïkul, melö meghöy mu anta aghach, möminye chi nyo nkïtu kinonutkachi.

ISAYA 42:5

Kigh Tororöt yïmwöy akughïtö, kighïtö ngwïny akutö tïkwïn löwïr cho möngöy orinyi. Kitö pich kimïny cho möngöy wöloni mwochini ye nyu ECHOTYON Tororöt mötworintenyi lö,

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 45:18

Ompöwölo mwoghöy ECHOTYON, nyo kigh yïmwöy lö, nyinte kï Tororöt! Nyinte nyo kigh ngwïny kughyö kokay. Melö kigh ngwïnyinï kïlïkwï siriron, wölo kigh kïlïkwï wölo möngöy pich. Nyinte nyini lentöy, “Ochan ECHOTYON akï möminye anka.

ISAYA 51:13

Kewutyeghenyi so ECHOTYON nyo kighinyi, akughïtö wölnö le mïröt akïtek pchörin cho tighöy ngwïny? Akwompö ne tetöpenönyi ompö nyökoryö ompö pich cho reyinyi nko cho mi kïpsach kïparinyi? Melö tökumuköy sïngiryengwa kïswonginyi ngat.

ISAYA 51:16

Kotönön ngalechan kutingu, awïngchinyi rurwo ewunyan. Kyoghïtan wölnö le mïröt atek pchörin cho tighöy ngwïny. Olenchinan pipö Sayon, ‘Ochikwa piköchan!’ ”

ISAYA 65:17

Mwoghöy ECHOTYON lö, “Oghan ngwïny nyo rel nko yïm nyo rel. Kïwutyeghö kïpa kokay tïkwïn cho kipö tagh.

YEREMIA 10:12

Nyinte ECHOTYON nyo kigh ngwïny ompö owesyenyi. Kipintit kor ompö ngöghomnyenyi akukarkar yïmwöy ompö chïreryenyi.

YEREMIA 32:17

“Nyi we Echotyon TORORÖT, nyo kigh möminye kïgh nyo pölinyi!

YEREMIA 51:15

“Nyinte ECHOTYON nyo kigh ngwïny ompö owesyenyi. Kipintit kor ompö ngöghomnyenyi, kighïto yïmwöy ompö chïreryenyi.

SAKARIA 12:1

Lentöy ECHOTYON nyo kikarkar yïmwöy akwigh ngwïny akutö söpon ptangengmöt,

MATAYO 11:25

Kïmwa nyu Yeso atoni lö, “Paponyu, Echotyonto yïm nko ngwïny! Oyokunyi sörö ompöwölo kewïngenyi pich cho ngöghomöch ngalechi aingongchï nyu tengon.

MARKO 13:19

Ompöwölo itu nyarïl osiswechoni nyo tomönye kesïwa kïngeta otini kitowï Tororöt kwigh ngwïny ntökïtenö ye, amökwitunye nyaril nyo lata nyoni ngat.

IGHISYEWUT 14:15

“Kölö ne taghakwa le nyï nya pïchï? Kichicha ptangengmötin le akwa! Kïmitecha yi kemwowokwa Lökoy cho Karamach, cho pö Yeso atamuka owöghökisyenö atömasagha ngat tïkuchï mötïny kinyiwut apkonchï Tororöt nyo söpöy, nyo kigh yïm nko ngwïny nko nanam nko tïkwïn lapay cho mi orinyi.

IGHISYEWUT 17:24

Mömöngönye Tororöt nyo kigh ngwïny nko tïkwïn lapay cho mi orinyi kori sowut cho kitek pich, ompöwölo Echotyonto yïm nyinte nko ngwïny.

IGHISYEWUT 4:24

Nyini kilïm lenyoni, kïsagh Tororöt tïkwïl ompö kut akonga lö, “Echotyon, Kimuktoghïn nyo kigh yïm nko ngwïny nko nanam nko tïkwïn lapay cho mi ori.

RUMI 11:36

Ompöwölo pkono tïkwïn tïkwïl wölo mi nyinte akïmi tïkuchoni löwïr ompö owesyenyi akwompö parakunyi. Nya kïsïch Tororöt ororyö kokay! Amen.*

1 KORINTO 8:6

wölo kïtïngetecha cho le acha Tororöt akonga kïpoto Tororöt Papo, Ighinto tïkwïn lapay akechicha sötote ompö nyinte. Akïmito Echotyon akong Yeso Kristo* nyo pkono tïkwïn tïkwïl akemitecha ompö nyinte.

EPESO 3:9

atoporchï pich löwïr kunkïtï wölo lata tötutyö nyo pö wïngat nyo kiwïny Tororöt nyo kigh tïkwïn löwïr kingeta könyisyok,

EPRANIA 1:10

Akïmwa ngat lö, “Kipintitanyi ngwïny otini le towunöt, we Echotyon, akï moriku cho kigh yïm.

EPRANIA 1:2

wölo ompö osiswechï pö söröm kïngölonöy nko acha kuwerï Werïnyi nyo kigh ngwïny ompö nyinte akwigh nyinte kïlïkwï mïlinto tïkwïn löwïr.

EPRANIA 11:3

Pköchinecha ompö kighanat lö kigh Tororöt yïm kwigha ngölyontenyi atö kïlïkwï lö tïkuchï kïsïwïyi kï kikigha tïkwïn cho mökïsïwïyinye.

EPRANIA 3:4

Ompöwölo teköy chi anka tïkwïl kö wölo Tororöt nyo le tekinto tïkwïn löwïr.

2 PETRO 3:5

Kwötyini chane, akunkït lö kikïtowï könyisyok yïmöy wölto nko ngwïny ompö ngölyon nyo kimwa Tororöt. Kikigh ngwïny kuchumuna pögh akughyongo kwenu pögh,

1 YOANA 1:1

Kakikirucha akwa paraku ngölyonto söpon, nyo kimito kïngeta otini le towunöt. Ngölyonto söpon nyo kikïlïmacha akesïwegha konyicho, nyo kikirosöcha, aketatapa moricho.

NGONGUT 10:6

akwama muma kaynata Tororöt nyo satate kokay nko kokay, nyo kigh yïm nko ngwïny nko nanam nko kïgh anka tïkwïl nyo mi oringwa. Kïlö malaykayantanoni, “Kikuwonyö osiswö cho kïköngöy lö oyï ato ighöy Tororöt tïkwïn cho kikikïtat!

NGONGUT 14:7

Kïmwa nyinte ompö kut nyo wow lö, “Okonyïtö Tororöt, asal töroryenyi! Ompöwölo ketïta ato rwokyini nyinte pipö ngwïny. Asagha nyinte nyini kigh yïm nko ngwïny wölo tïyame nko nanam nko kori pöghon!”

NGONGUT 21:6

Akïlenchanïn, “Kikwighisyö! Ochan Alpa nko Omeka towunöt nko söröm. Otöninan chi anka tïkwïl nyo amate maral kïgheghöy pögh kwïle cho pkono kongpa pögho söpon.

NGONGUT 22:13

Ochan Alpa nko Omeka, towunöt nko söröm, nyo pö tagh nko nyo pö söröm.”

NGONGUT 3:14

“Kirchinö malaykayan nyo mi kanisa Laodikea ilenchï, ‘Anyï ngölyon nyo ngwïno wölo mi nyinte nyo le Amen, nyo ghanate akï söwinto man akï nyinte nyo pöytoy tïkwïn löwïr cho kigh Tororöt.

NGONGUT 4:11

“Ichinyi Echotyontencha aichï Tororötïncha! Mïchininyi taka ororyö nko konyït nko owesyö. Ompöwölo nyi nyo kitowï tïkwïn löwïr, akïmi tïkuchoni kïsöpsot ompö machatengu.”