TITO 3:2 - PIPÏLIA

² Imwochï chane tömöngalana chi anka tïkwïl nyo gha, wölo kilïkwï pipö kalya, cho tölose, cho porchini pich lapay otöp nyo karam.

TITO 3:2 ပူးပေါင်းရင်းမြစ်များ

2 SAMWEL 22:36

Kelïkunyi longenyan nyo ripanïn, kïkonanïn kingörokutyengu owesyö.

TUMWÖY 140:11

Mepïsyï kichïmpisï kïmöngisyö nya kïnyorï rïmï ghöyityö lawel!

NGÖTÏNYÖ 19:19

Nyoru sitenyi chi nyo mïrmïr, ompöwölo ato isörunyi nyinte, kïtelimenyi ngat ghete nyinte.

NGÖTÏNYÖ 25:24

Kaykay kemang luchpa kö ato le monchök, kïtïl kemang kö nko korka nyo le syölin.

NGÖTÏNYÖ 6:19

nko söwintön nyo pö putintön, nko chi nyo wulyot kongot kïporyö.

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

MATAYO 11:29

Akanagha kat mchokinyan, anetenanïn kegh, ompöwölo ochan talase, apan kegh ngwïny, atosïkö kimïny ompö söponwekwo.

IGHISYEWUT 23:5

Kuyokyï Paulö lö, “Kömonkïtönye tupchenichu lö, kö Tïsin nyo Wow, ompöwölo lentöy Kikirut, ‘Mengalana nyo gha pöytoghinteto pikökwo.’ ”

1 KORINTO 6:10

anta mosï anta sïköyö anta ptamasis anta kiswomï anta chorï.

1 KORINTO 9:19

Kïlenyona nyu, kïrkegh kö mochanye sekeyonto chi wölo kaghan kegh alïkwï sekeyonto pich löwïr, atömanyïl onyorï pich cho chang cho rïpöy Kristo ato muko.

2 KORINTO 10:1

Osomokwa nyu ante Paulö, ompö kisyonöto Kristo* nko chomnyenyi nyo nonöy pich lö chi nyo talase ato omitan nko akwa, wölo chi nyo körom ato ochan low nko akwa.

2 KORINTO 12:20

Owöghan lö töptoy ato atwan wöloni otomwan kyasisitukwa atïpï otöp nyo melö komökan, kwighanïn nyu nyoni asisitwan nko wölo komöktokwa. Owöghan lö töptoy otomunan omitekwa nko syala nko nyonyintön nko nörekyö nko nyïtat nko söngeryö nko chïput nko semsem nko kwolöto kegh nko kiwulyot.

KALATIA 5:22

Wölo okin nyo yinu Mïkulögh kï: chomnyogh, ngörekyö, kalya, mïkukönöt, tölosyö, köromnyö, kighanat,

KALATIA 6:1

Werköcho ato onyorchikwa chi lelut, kï parakunkwa chona ntöghowokwa Mïkulögh orirchine nyinte tökïsat otöptanyi kuten, wölo agh lenyoni ompö tölosyö. Orip kegh akwane tïkwïl tömökïtyamak.

KALATIA 6:10

Kïlenyona nyu, mïchinecha keghchine chi anka tïkwïl nyo karam otete töketïngetenö pöroyïn tökïmïr tya werköcho cho ghönote.

EPESO 4:2

Alïkuna pich cho opöy kegh ngwïny, pö cho tölose, pö cho mïkukönöy. Otighö kegh ompö chomnyogh ompö ara kingarakata kegh.

EPESO 4:31

Opïstenö nyu ngwonïn nko mïrmïryö nko nörekyö, apïstö syala nko chïpö! Opïstenö kinonut anka tïkwïl nyo gha.

PILIPI 4:5

Kanya kunkïtï pich lapay tölosyenkwa, kilekïtït ato mïlo Echotyon.

1 TESALONIKE 2:7

Wölo kikïchicha tölose ompö kwenunkwa le yo nyo pöghöy monechi.

1 TIMOTEO 3:11

Mïchini tïkwïl kingöroki cho le kor kïkonï kegh lasiny akïlïkwï cho ghönote akïtïng otöp nyo karam amelö kiswomï.

1 TIMOTEO 3:3

chi nyo melö ptamasyan anta poryeghin wölo nyo talase akï chi pö kalya, chi nyo melö chömo kegh ropïyen.

YAKOPO 3:17

Wölo nyo pö tagh, ngöghomnyö nyo ngwïno yïm kï tïlil, tïng kalya. Talase, teröy ngal akïyongöy pich. Tïngeto kisyonöt nyo wow akuyinu akwa cho pö ighisyewut cho karamach. Mötïngnye kïltagh anta lïs.

YAKOPO 4:11

Tupchenichu, mangalana kegh nyo gha akwane. Chi anka tïkwïl nyo ngölono nyo gha anta rwokyï tupchenyi kingölono nyinte nyo gha anta akurwokyï Kikirut. Ato irwokyinyi kirurut, kïmelö kötelïkunanyi chi nyo rïpöy kirurut, wölo kelïkunyi chi nyo rwokyini kirurutchoni.

1 PETRO 2:1

Opïstenö nyu ghöyïn anka tïkwïl nko lïsa nko nyonyintön nko kiswomöt.

1 PETRO 3:10

Kïle wölo mwoytoy Kikirut lö, “Anka tïkwïl nyo mököy kïngörökyini söpon akïpïrchï kïsïwa osiswo köromnyö, kïmïchini kïkïr ngalyapunyi mangalan cho ghach akïpïstö kïngalan putintön.

1 PETRO 3:8

Anyï nyu ngölyonteto söröm, mïchinokwa alïkuna pich cho tïng kinonut akonga, acham kegh akwane le cho otupchö. Oporchï kegh köromnyo alïkwï cho mïnïngitöy kegh.

1 PETRO 4:4

Mi ye nyu pïchoni pö puntoni menkïtcha Tororöt kïtöngönyöy otini sïwïyi lö monomnyotonekwanye nko chane ngat ompö otöpnoni gha, nka nyoni mwoghokwa chane.

2 PETRO 2:10

ntökïmïr pich cho rïpöy pïrchintin pö por cho ghach cho le sïmnyon akï sas wowïn pö Tororöt. Pkatis konetichoni akunisonchot ametönicha konyït ighan cho ororöch cho mi parak, nyinö köteghöy lenyoni kumwa.

YUDA 1:10

Wölo pïchï kumwoghöy kïgh anka tïkwïl cho möpköchinicha chane. Wongöy chane ngalechaye nkït chane ompö oringwa le ato nkït tïpö wudïn cho mötïngcha chïreryö.

YUDA 1:8

Lata choni pïchete tïkwïl. Mïtöy chane kirwotïtoghtinekwa ngokï ompö porwöyikwa, akïsas paytaghpa Tororöt akumwa tïpö yïm cho töroröch cho kïgh Tororöt.