TITO 3:14 - PIPÏLIA

¹⁴ Mïchini kunet kegh piköcho löwïr kwigh pöghisyewut cho karamach, tökïpöghisyeghö kungaraka pich cho tïng möchut ompö lawel. Merokonye kïtïpï chane otöp nyo puryö kinyiwut.

TITO 3:14 ပူးပေါင်းရင်းမြစ်များ

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

MATAYO 21:19

Kïsïwa moköngwö ompö ara or kamas kïwö kuros, puryö kïgh ketini kïpoto sökö kwïle. Kïlenchï ketay, “Meyinenyinye akwa kokay!” Kïyam moköngwonay lenyini.

MATAYO 7:19

Kïtöröy ket anka tïkwïl nyo meyinönye akwa cho onyïn akewirchï ma.

YOANA 15:16

Kimakïlanïkwanye, kyakïlakwa acherokwa ape atayina akwa cho chang, akwa cho pö kokay. Atökïkonokwa nyu Paponyan kïgh anka tïkwïl nyo osomekwa nyinte ompö kaynenyan.

YOANA 15:8

Kïkonyïtöy Paponyan ato ayinukwa akwa cho chang alïkwï nyu ompö aranoni kinetankachi.

IGHISYEWUT 18:3

akumpur nko chane akïpöghisyö tïkwïl ompöwölo ki nöpinto emen nyite le chane.

IGHISYEWUT 20:35

Kyoporwokwa ompö tïkwïn lapay lö ato opöghisyekwa le ani, kïmïchini angaraka pich cho nyörkölöle, akïkaram anana ngölyonto Echotyontenyo Yeso nyay kimwa nyinte lö, ‘Mi ngörekyö nyo wow otinö kakitötö kïsir ketach.’ ”

RUMI 12:13

Angarak pipö Tororöt ompö möchutkökwa, atach to ompö kestonikwo.

RUMI 15:28

Kïkany nyu otini kawanyan ighisyononi kipchini chane ropïyeni choni kipas kanisen, orutowokwa nyu otini omitan owetöy Spein.

EPESO 4:28

Nya kïpïstö chorin chorsyö akïpöghisyö atökïsïch kïgh nyo poröy nko nyo chopöy.

PILIPI 1:11

Kinyïghitöy söponwekwa akwa man cho muköy Yeso Kristo nyinte kuyinu ompö ororyö nko salata Tororöt.

PILIPI 4:16

Ompöwölo kyokonanïkwa kingarakat, kïnyïl cho chang ato kyotïngetan rörchin ompö Tesalonike.

PILIPI 4:17

Amolenchï kegh ompöwölo omökan pat otoke konut pö pich, wölo omökan kïtösisyot akwekwa ompö kaplawachtankwa.

KOLOSAY 1:10

Omukekwa nyu omöngisyö kïrïp kegh nko machata Tororöt, amukakwa agh kïnomnyö tïkwïn cho ngörokyini Echotyon. Oporunekwa ompö söponwekwa ighisyewut cho karamach atasakwa tagh onkïtunö Tororöt tya.

1 TESALONIKE 2:9

Ononekwa tupchenichu, wölanye kikinoghyecha kïlïkwï, kikïpöghisyecha pöghet nko nangat atömökïkonokwa nïkisïn ompö omisyewut otini kikïmitecha kyomwokwa Lökoy cho Karamach cho pkono wölo mi Tororöt.

2 TESALONIKE 3:8

Melö kikyamacha omisyo chi anka tïkwïl amökïghaktecha. Nyinö kitökyomecha kwïle, kesïngacha nangat nko pöghet atömökitö nïkisïn chi anka tïkwïl ompö kwenunkwa.

TITO 2:8

Ipöghisyeghö ngal cho isunate, cho puryö kigheghchin, atökutö punköku arasï atö lentöy kïngölononecha ngal cho ghach.

TITO 3:8

Pö man ngölyontonï. Amöchan chïchïmanyi lasiny ngalechï tökumï pich cho kikughan Tororöt, kwigh kegh ompö pöroyïn anka tïkwïl nyo tökwigha pöghisyewut cho karamach cho tïng kinyiwut ompö pich löwïr.

2 PETRO 1:8

Ato tïkuchoni löwïr ompö chongïn kwighokwa malïkwï körsong anta pich cho puryö akwa, otini konkïtukwa Echotyontenyo Yeso Kristo.