6 Inet tïkwïl chumwak kïpïr kegh,
kïsïwanïn karachïna akïmal kegh akïngetwanïn poyï ompö konyït.
Asala nyinte akwa mïrön nko kor, asala poyï nko monïng.
Ngörökyinö mïnïngïntöngu chi nyo ichï naran aikany kïngörökyï mïkulöwungu osisweko chumwaknatengu airïp ortïneko mïkulöwungu nko kïgh anka tïkwïl nyo sïwïyi konyiku. Wölo inkïtï lö ipunyi Tororöt ompö tïkuchoni löwïr.
Inan Ighintengu ompö osisweko chumwaknanengu kïtomö kwitï osiswö cho ghach akïrikwï könyiswö ato ilentenyi, “Mongörökyinanye söpon.”
“Kïkany ompö osis cho pkonöy, omïlchinan mïkulöwanyan pich löwïr ngorsïyi werkökwa nko tipikwa rwotïtoy poyikwa kirwotïtogh kïngonchini chumwakökwa ngongut.
Kïlenyona, mökeruyö le pikö walaka, mïchinecha kechïkonchenö akeripsyö.
Meteghchï poyon, wölo ngölonchinö nyinte mut le papongu. Ighchinö mïrön cho le chumwak kïle wölo keghchinenyi werkökwa,
Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”
Kakirwakwa papotïn, ompöwölo onkïtökwa nyinte nyini kimito kïngeta otini le towunöt. Kakirwakwa chumwak ompöwölo kyarïntekwa Mwokïyontonay.
