TITO 2:2 - PIPÏLIA

² Inet poy cho kayetu kïrïp kegh, kïlïkwï cho tïng konyït akï cho chïreröch. Mïchini kïsïch kighanat nyo roko nko chomnyogh, akïmïkukonchö.

TITO 2:2 ပူးပေါင်းရင်းမြစ်များ

AYUPU 12:12

Mi ngöghomnyö nko poyontön, kïmi pköchin pich cho tïng könyis cho chang.

TUMWÖY 92:14

Yinu chane akwa, kïrkegh kikïyositu, nyörilöch akïtïng owesyö kïtenö osis.

NGÖTÏNYÖ 16:31

Kirawïni chi karwal cho pö ororyö, kïnyoru ompö otöp nyo pö man.

ISAYA 65:20

Melö tökïmeghsot mnyarkiltin ompö monïngnön akï möminye poyon nyo rörchini osiswechi. Kiyitöy pich cho kökikwit könyis 100 lö mïnkech, wölo kïchïpöy mwokïyon nyo tïng könyis 100.

LAWIN 19:32

“Ongetyï pich cho kayositu akonyït chane. Atekanïn ompö konyït, ochan ECHOTYON.

MARKO 5:15

Kïpa wölo mi Yeso kïsïwa chichay kipote oy kumpuröy kulakate sïrokachi, akisöp mötïnyi, chichaye kitïng oy cho chang: kuwöghisyö.

LUKA 8:35

Kïngetï pich kïpa kuros ngalechoni kighisyö. Kïpka wölo mi Yeso akïnyorï chichay kingeta oy mpuröy kelyo Yeso, kikulach sïro akisöp mötïnyi, kuwöghisyö pïchay.

IGHISYEWUT 24:25

Wölo otini kimi Paulö kuletöy tagh kïngölono ngala rangata kegh nko kingwïnata asispa Echotyon ato itu kurwokini pöghisyewut pö pich, kuwöghisyö Peliki kïlö, wïyö nyi nyu. Okurinyi ngat ato osïkön pöroyin.

RUMI 12:3

Akwompöwölo kicham Tororöt kïkonanïn pöropchenyi, omwowokwa lapay lö, mop kegh yïm tya kïtïl wölo kalatekwa. Wölo akanya kurwokyï kegh chi anka tïkwïl kïrïp kegh nko kighanat nyo ketö Tororöt nyinte.

1 KORINTO 15:34

Ochïkonchenö, alet tagh otïpï otöp nyo karam, amagha ngokï ngat. Kamwaghan ngalechoni ompöwölo mi kwenunkwa pich cho menkïtcha Tororöt. Onyorunonekwa ngalechoni arasï komwowokwa.

1 KORINTO 9:25

Kilöy kegh chi anka tïkwïl nyo omöy kanyanyighos akïmul kegh tïkwïn cho mököy portanyi. Ighöy lenyoni atökïnyorï tenta nyo wïröy, wölo kighecha atökenyorunö tenta nyo töpo kokay.

2 KORINTO 5:13

Töptoy kïlatecha pich cho kep oy, wölo kïlatecha choni ompö Tororöt, kwoto tenote kinonutköcha, kutenote lenyoni ompö tösunötenkwa.

KALATIA 5:23

ipöto kegh ngwïny nko pïröto kegh. Möminye kirurötö nyo töghöy ngalechoni.

PILIPI 4:8

Nyo pö löt tupchenichu omwoghan lö, anyïghita kinonutkökwo tïkwïn lapay cho pö man nko cho pö konyït nko cho puryö lïs nko cho tïlilöch nko cho pö töroryö nko pïchighyö.

1 TESALONIKE 5:6

Kïlenyona, mökeruyö le pikö walaka, mïchinecha kechïkonchenö akeripsyö.

1 TESALONIKE 5:8

Wölo kichicha pipö pöghet akïmïchinecha keripö kegh. Mïchinecha kelacha kighanat nko chomnyogh le longa nyo körtonecha takat nko kikönötencha nyo pö sörunöt le kopiyo karïn.

1 TIMOTEO 1:10

nka cheporestin nko mïrön cho le ptakalis nko pich cho choröy piko walaka nko putï nko cho mïrchini pich put anta kïnye anka tïkwïl nyo ighöy kïgh nyo chuniote nko kinetut pö man,

1 TIMOTEO 1:14

Kuyinwanïn Echotyontenyo pöropchenyi nyo puryö söröm akïkonanïn kighanat nko chomnyogh cho mi Kristo Yeso.

1 TIMOTEO 1:2

Ompö Timoteo werïnyan nyoman ompö ara kighanat: Nya kïkoninyi Papo Tororöt nko Kristo Yeso Echotyontenyo, pöropchö nko kisyonöt nko kalya.

1 TIMOTEO 1:5

Keröte tamwaghan ngalechete, kï tökumuka angetnget ompö orinkwa chomnyogh nyo ngwïno mïkulögh nyo puryö lelut nko choghïn nyo karam nko kighanat nyo pö man.

1 TIMOTEO 3:11

Mïchini tïkwïl kingöroki cho le kor kïkonï kegh lasiny akïlïkwï cho ghönote akïtïng otöp nyo karam amelö kiswomï.

1 TIMOTEO 3:2

Mömïchininye kïntöghoghinto kanisa kïsïch kaynat nyo gha nyonikïny. Mïchini kwip korka akonga kïpoto akï chi nyo ripöy kegh, chi nyo röröy ngal lasiny akï tïng konyït nko otöp nyo karam, chi nyo toköy to akï nyo muköy kunetisïyi,

1 TIMOTEO 3:4

Mïchini tïkwïl kïlïkwï chi nyo muköy kïpayta katanyi akunet monechi terchini nko konyït ompö ngal lapay.

1 TIMOTEO 3:8

Mïchini pich cho ngöroköy kanisa tïkwïl kïlïkwï pich cho kikonï kegh lasiny akï cho mösököy ngölyep, pich cho kighönöy. Mömïchinicha kïlïkwï pich cho tömesyot anta cho sururchini ropïyen.

1 TIMOTEO 5:1

Meteghchï poyon, wölo ngölonchinö nyinte mut le papongu. Ighchinö mïrön cho le chumwak kïle wölo keghchinenyi werkökwa,

TITO 1:13

Man söwintönonï kïlenyona achila chane lasiny ompö otöpnoni, atökïsïch kighanat nyo pö man

TITO 1:8

Wölo mïchini kïlïkwï chi nyo toköy to, akïchömöy kïgh anka tïkwïl nyo karam, mïchini kïlïkwï chi nyo pöytoy kinonutkachi, nyo pö man, nyo tïlil akï nyo pïröy kegh.

TITO 2:7

akwompö kïgh anka tïkwïl lïkune körkeyïn nyo karam ompö chane. Iparta otöp nyo puryö lïsat ompö kinetatengu.

PILEMON 1:9

Wölo ompö chomnyogh, kasïwan lö mïchini osominyi lö ighwante kïyoni. Kosomön lenyoni kïrkegh kochan ante Paulö, ngöloninto Kristo Yeso akï nyo omi ye chela akwompö parakunyi.

1 PETRO 1:13

Kïlenyona, ye nyu mïchinokwa anapa kegh atïpï kïpsach. Otönö kikönötengwo lapay ompö pöropchö nyo konokwa Tororöt asïyech ato kïngongwï Yeso Kristo.

1 PETRO 4:7

Kikïlekïtit sörömu tïkwïn lapay. Mïchinokwa nyu otïpinö ompö tölosyö nko ripöto kegh atïpï kïpsach atamuka asagha.

1 PETRO 5:8

Otïpï kïpsach arip kegh ompöwölo mito punyontenkwa nyay le Onyöt kïwestotoy akïmororöy le ngötïny nyo möröy kïgh nyo nyïkwïdoy.

2 PETRO 1:6

atasa ngöghomnyengwo ripöto kegh, atasa ripöto kegh mïkukönöt atasa mïkukönötengwo kiwaghata Tororöt,