TITO 2:15 - PIPÏLIA

¹⁵ Kilenyona mwochinö pich ngalechï, aipöghisyeghö owesyengu kïmïkul ikil pich aichil. Mepisyï chi anka tïkwïl kïsasïnyi.

TITO 2:15 ပူးပေါင်းရင်းမြစ်များ

MATAYO 7:29

ompöwölo kinet le chi nyo kitïng owesyö amelö kilata konetikwa cho pö kirurut.

MARKO 1:22

Kïtangany pich cho kilïm kinetutkachi, ompöwölo melö kinet le wölo kinetïtoy koneti kirurut, kinet le chi nyo kitïng owesyö.

MARKO 1:27

Kïtangany pïchay löwïr akutor kïtep kegh lö, “Kïgh ne nyï? Kinetut cho sis? Cho tïng owesyö nyo muköy kuteghchinegho oy akïterchï oy!”

LUKA 4:36

Kïtöngönchï chane löwïr akïtep kegh lö, “Ne ngale chï? Chikyini nyinte oy ompö kimukat nko owesyö akïterchini chane.”

1 KORINTO 16:11

Kïlenyona nyu, makany kïsas chi anka tïkwïl nyinte, wölo angarak kulet tagh nyinte nko rutoghtanyi ompö kalya atökumï kungwïn wölï omitan, ompöwölo okönan nyinte nko werköcho cho omitan tïkwïl.

1 TIMOTEO 5:20

Teghchinö ompö tawu pich, pich löwïr, cho tösöy tagh kwïghöy ngokï, atökuwagh pikö walaka.

2 TIMOTEO 4:2

amtena ngölyonto Tororöt, amekïch iamta (ato kö ompö pöroyïn nyo kömïchini anta kömelö kömïchini). Ichil aiteghchï pich mötosonchö, aikil chane otini inetisyenyi ompö mïkukönöt.

TITO 1:13

Man söwintönonï kïlenyona achila chane lasiny ompö otöpnoni, atökïsïch kighanat nyo pö man

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.