TITO 2:13 - PIPÏLIA

¹³ otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*

TITO 2:13 ပူးပေါင်းရင်းမြစ်များ

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

MATAYO 16:27

Ompöwölo, ngwïnöy Wero Chi atoni ompö ororyeto Kwanta nko malaykenichi atökïghokyï chi anka tïkwïl kïrïp kegh nko ighisyewutkachi.

MATAYO 25:31

“Otini kengwïn Wero Chi ompö ororyö kïmi nko malayken löwïr kïtöpö ngacharenyi nyo pö paytagh,

MATAYO 26:64

Kuyokyï Yeso nyinte lö, “Kemwaghanyi! Wölo omwowokwa ye lö osïwïyekwa kïngeta ye Wero Chi kïtöpo ewu tagh nyo pö Kimuktoghin Tororöt akungwïno poltoy ompö yïm.”

MARKO 14:62

Kïlö Yeso, “Ochan asïwïyekwa Wero Chi kumpuröy okumpö tagh nyo pö Kimuktoghin nyo pö owesyö löwïr akungwïnöy ompö poltoy pö yïm.”

MARKO 8:38

Chi anka tïkwïl nyo lolïyonöy ompö ani nko ngalechan ompö tawu pïchï pö osiswechï le kalomok akïmwokïyis, kïlolïyonchini tïkwïl Wero Chi chane ato ngwïn nko ororyeto Kwanta kïmi nko malaykeni Tororöt cho tïlilöch.”

IGHISYEWUT 24:15

Atïngetan kighanatanini le akonga tïng chane ompö Tororöt lentöy, tutu pich tïkwïl, cho karamach nko cho ghach.

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

RUMI 5:5

Amelö ipkecha kikönötononi langanyat, ompöwölo kikunyïghit Tororöt chomnyenyi mïkulöwecha ompö ara Mïkulögh nyo Tïlil nyo kikïkonecha nyinte.

RUMI 8:18

Moyitanye lö, kïgh kiwongunötö nyo pö ye ato kikongityö nko ororyö nyo tökïsis kengongwecha.

1 KORINTO 1:7

tömörörchokwa konunötö anka tïkwïl nyo pö mïkulögh otini omitekwa oköngöy ato kiporu Echotyontenyo Yeso Kristo.

2 KORINTO 4:4

Melö ghönöy chane ompöwölo körchini tororöt pö ngwïnyinï tuwïn pköchintöngwa, atömemï chane kïsïwa löpoyïn pö Lökoy cho Karamach cho pö töroryo Kristo* nyo le kïton pö Tororöt.

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

KOLOSAY 1:5

Ghyongo kighanatenkwa nko chomnyenkwa kikönöt nyo kikekomönwokwa ompö yïm. Kyalïmakwa ngala kikönötononi panto tagh atanya kikyomwokwa Lökoy cho Karamach cho pö man.

KOLOSAY 3:4

Akwotini kechumï Kristo nyini le söpontönkwa nyo pö nyoman ochumunekwa tïkwïl nko nyinte ompö ororyö.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

2 TESALONIKE 2:8

Atolapay kengongwï Mwokïyontononi, wölo ato itï Echotyon Yeso kïtïgho nyinte kimungöteto kutinyi akunyar ompö kwörkwöryeto rumunötenyi.

1 TIMOTEO 1:1

Kakirwan ante Paulö kiyoktoghinto* Kristo* Yeso kïle wölini kimakta Tororöt Ghetintenyo nko Kristo Yeso nyo le kikönötenyo.

2 TIMOTEO 1:2

Kakirunyi werïnyu Timoteo, nyo ichï chamanenyan. Nya kïkonïn Papo Tororöt nko Echotyontenyo Kristo Yeso, pöropchö nko kisyönöt nko kalya.

2 TIMOTEO 4:1

Omwowunyi ompö tawu Tororöt nko nyo pö Kristo* Yeso nyo ngwïnöy kurwokini pich cho söpsot nko cho kimeghö, akungwïnöy kïpöytoy le pöytoghin lö,

2 TIMOTEO 4:8

Nyo köngötwanïn ye kekonön ropöwonto man, nyo konanïn Echotyon nyinte nyo le kirwokinto man ompö Asisini mïlo nyinte. Amelö nyu konanïn onkït, wölo töni tïkwïl pich lapay cho köngöy ompö chomnyogh asisini chumu nyinte.

TITO 1:2

nyo rïpöy kegh nko kikönöto söpon pö kokay. Kiyomiswecha Tororöt, nyo mömïrönye putintön söpononi kïngeta otini le towunöt,

TITO 1:4

Okirchinan Tito, nyo le werïnyan nyo pö nyoman ompö kighanatanini kïghömtocha tïkwïl. Nya kïkoninyi Tororöt Papo nko Kristo Yeso, Ghetintenyo pöropchö nko kalya.

TITO 3:4

Wölo otini kirumï köromnyö nko chomnyo Tororöt Ghetintencha,

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

1 PETRO 1:3

Keyokyinö Tororöt sörö, Papoto Echotyontenyo Yeso Kristo! Ompö kisyonötenyi nyo wow, nyo kimuka kïyiyecha yiyöt nyo rel otini kigh nyinte Yeso Kristo kututunö ngwen. Nka nyoni kïgh nyo konecha kikönöt nyo chïchïmate

1 PETRO 1:7

Keröto työmutchoni kï tökïrumï lö pö man kighanatenkwa. Arose lö kïtyömo ma koltin cho kinkït lö wïryot. Kïlenyona nyu, kïtyömöy nyo mötïny kighanatenkwa nyo tïng olyot nyo wow tya kïtïl koltin tökïchïchïm, sörömunyi onyorunekwa salat nko ororyö nko konyït. Asisoni kïngongu Yeso Kristo.

2 PETRO 1:1

Kakiran palalyantanï ante Simon Petro nyo ochï mötworin achï akonga ompö kiyoktoghinto* Yeso Kristo.* Kakirwakwa cho kyonyorï kighanat nyo pö olyot nyo wow lenyini kikïnyorucha ompö manpa Tororötïncha nko Ghetintencha Yeso Kristo:

2 PETRO 3:18

Wölo atasa tagh oghetunö ompö pöropchö nko kinkïtöto Echotyontenyo akï Ghetintenyo Yeso Kristo.* Nya kïsïch nyinte ororyö kïngeta ye nko kokay! Amen.

1 YOANA 4:14

Akakesïwecha akemwochinecha pich, lö kiyonï Papo Werïnyi kïlïkwï Ghetinto ngwïny.

YUDA 1:21

akany kïkamanakwa chomnyo Tororöt otini omitö oköngöy Echotyontenyo Yeso Kristo, kïkonokwa söpon pö kokay ompö kisyonötenyi.

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.