TITO 2:10 - PIPÏLIA

¹⁰ anta chora tïkukwa. Wölo mïchini kuparta kegh lö pich cho tölose akughönote, atökïsïch kinetut pö Tororöt Ghetintenyo salat ompö or anka tïkwïl.

TITO 2:10 ပူးပေါင်းရင်းမြစ်များ

TUMWÖY 101:6

Ochöman pich cho ghönote ompö kor, tökïtïpï chane nko ani. Pöghisyewanïn chi anka tïkwïl nyo puryö lelut.

ISAYA 12:2

“Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

MATAYO 24:45

Kulet Yeso tagh kïlö, “Ngo mötworintö nyo ghanate akï ngöghom nyo töni echotyontenyi kïpayta pikachi atökutö mötworichi omisyengwa otini kömïchini ketö?

MATAYO 5:16

Akanya nyu kulïwunö löpoyïntöngwo tawu pich atökïsïwa chane ighisyewutkökwa cho karamach atökïsal Papongwo nyo mi yïm.

LUKA 1:47

Ngörökyini söpontönyan Tororöt, Ghetintenyan,

LUKA 1:80

Kïyetï monïngay akïchïrerit. Akïmang surkwen ntökwit asis ato kiporchï kegh nyinte, pipö Israel.

LUKA 16:10

Chi anka tïkwïl nyo ghanate ompö kïgh nyo mïnïng tya, keghönöy ompö nyo wow tïkwïl. Akwanka tïkwïl nyo meghanatenye ompö kïgh nyo mïnïng, kïmeghönönye chi ompö nyo wow tïkwïl.

YOANA 12:6

Kimwa lenyoni amelö ompöwölo kiyongöy nyinte mey, wölo ompöwölo ki chorin, akwompöwölo ki komöninto mïloto ropïyen, akimi kïchoro mïlotononi kïnomnyö.

1 KORINTO 4:2

Kïgh nyu ngat nyo kïmöko komönini anka tïkwïl kï kighanat.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

PILIPI 1:27

Kïgh nyo pïchigh wechara, kï otïpinökwa kïrïp kegh nko möchut pö Lökoy cho Karamach cho pö Kristo, töto orutoghwan wöloni omitekwa anta kochan low olïman kïnye lö omitekwa oghyongöy lasiny ompö mïkulögh akonga nko ompö machat akonga amitekwa okilöy kegh oporyegho kighanat nyo pö Lökoy cho Karamach.

PILIPI 4:8

Nyo pö löt tupchenichu omwoghan lö, anyïghita kinonutkökwo tïkwïn lapay cho pö man nko cho pö konyït nko cho puryö lïs nko cho tïlilöch nko cho pö töroryö nko pïchighyö.

1 TIMOTEO 1:1

Kakirwan ante Paulö kiyoktoghinto* Kristo* Yeso kïle wölini kimakta Tororöt Ghetintenyo nko Kristo Yeso nyo le kikönötenyo.

1 TIMOTEO 5:17

Mïchini poy cho le kintöghoghi kanisa cho pöghisïyi nyo karam konyït ompö konyït nyo wow, kïmïr tya cho noghyot ompö amtagh akunetisïyi.

1 TIMOTEO 6:1

Mïchini pich cho le sekey kïkonyït yetïntinekwa atömömi chi nyo swomöy kaynata Tororöt anta kinetutköcha.

1 TIMOTEO 6:3

Chi anka tïkwïl nyo netöy kinetut walaka cho sis, akïmörïpönye ngaleko Echotyontenyo Yeso Kristo cho pö man nko kinetut pö otöp nyo pö konyïtöto Tororöt,

TITO 1:3

kïkany kwitïta osiswö cho kitat nyinte, kïngongwecha ngölyontenyi. Kingongwanïn ngölyontononi amta kïrïp kegh nko kiyomisöto Tororöt, Ghetintenyo.

TITO 3:4

Wölo otini kirumï köromnyö nko chomnyo Tororöt Ghetintencha,

1 PETRO 2:12

Mïchinokwa apartena otöp nyo karam nyoman ompö kwenu pich cho tomönye kughan, nyo kïrkegh kö mököy kïmïrchokwa put lö oghekwa tïkwïn cho ghach, kumuköy kïsïwa ighisyewutkökwa cho karamach akïsal Tororöt Asisto kingwïnatenyi.

1 PETRO 3:16

Wölo omwochï lenyoni ompö tölosyö nko konyït. Orip lasiny totöpinö ompö choghïn nyo karam, nyo ato mwagha pich, kïlolïyonchö choni ngölono nyo gha otöptönkwa nyo karam le pipö Kristo.

2 YOANA 1:9

Chi anka tïkwïl nyo mïröy sany, amörïpöy kinetut pö Kristo, kïmötïngnye Tororöt. Kïkany nyo rïpöy kinetutchoni kïtïng chane kwodeny, Papo nko Weri.

1 SAMWEL 22:14

Kïlenchï Aimelek Saulö, “Möminye anta nyo ghanate ompö mötworiku le Daudi akep cheptöngu akïwowö ripiku akï konyïtote ompö kongu.

1 SAMWEL 26:23

Töni ECHOTYON chi anka tïkwïl ropöwontenyi ompö mantanyi nko kighanatenyi, ompöwölo ketöninyi ECHOTYON oghonete morichan, wölo melö kaparinyi nyo le kïlana ECHOTYON.