TITO 1:16 - PIPÏLIA

¹⁶ Lenchini kegh chane kinkït Tororöt, wölo ompö ighisyewutkökwa kï kikïtagh nyinte. Pich cho nyïghïtat kireyata, akï tighï nyo melö mïchini pöghisyö anka tïkwïl nyo karam.

TITO 1:16 ပူးပေါင်းရင်းမြစ်များ

AYUPU 15:16

Ekï chi nyu nyo le ptakalyan akïnïnöy, chi nyo gheghöy ngokï le pögh!

NGÖTÏNYÖ 30:12

Kimi pich cho tïlilöch ompö konyikwa kegh, wölo tomöcha kewunö sïmnyontönengwa.

ISAYA 29:13

Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.

ISAYA 48:1

Atere ngölyontonï, akwa pipö Israel, akwa cho opkono koro Yuda, cho owolwolo kegh kaynata ECHOTYON amwoghöy lö kïsoghöy Tororöt pö Israel, akwanyï melö osoghekwa ompö man.

ISAYA 58:2

Soghanïn chane kïtenö osis, akïmi kïlentöy kïtïng machat nyo wow kunkïtï ortïnechan akïrïp kirurutköchan. Mököy otönön chane kirurut cho tenote, akïmwoghöy lö kïngörokyini kïsoghanïn.”

ISAYA 59:13

Kakïpenyacha kirurutköku cho kakiwucha nyi aketaghinyi aketagh kerïpinyi. Kakïpïröcha pikö walaka aketaghacha nyi. Pö putintön kinonutköcha akï pö lïs ngalecha.

YEREMIA 12:2

Kikatkatanyi chane akïpityö, akïyetu kuyin akwa. Ngöloneninyi nyo karam ompö kut, wölo lowöch mïkuliskökwa ompö nyi.

YEREMIA 5:2

Kïrkegh kuwolwolsïyi kïlentöy, “Kïle otini söpöy ECHOTYON,” wölo wolwolöy ompö putintön.

YEREMIA 6:30

Kighöy chane, ‘Sipöpö karïn,’ ompöwölo kikïtagh ECHOTYON chane.”

ESEKEL 33:31

Akïpkonöy wölo imitenyi le ato pkonöy pung, akïtïpï tawungu le piköchan akïter ngal cho imwoghenyi, wölo melö ighöy ompöwölo poru ompö kutïwekwa lö chomöy, wölo sis wölo mi mïkulöwekwa.

KIYITUT 24:16

Ngala chi nyo lïmöy ngala Tororöt akunkït chïreryö nyinte nyo Töror Tya, nyo sïwïyi sïwïyaghpa Tororöt Kimuktoghin, rïwotoy mu akurosïtoy konyichi.

RUMI 1:28

Akwompöwölo kilö pich mökïmököy kenone ngala man paraku Tororöt, kïpïstö Tororöt chane kïrïp kinonutkökwa cho wïryote ntökwanyï ighöy tïkwïn cho merokonye.

EPESO 5:6

Makany kïlïsenak chi ngal cho pö kwïle, ompöwölo nyoru pich cho le penyï nörekyo Tororöt ompö ngal cho lata choni. Kïlenyona

1 TIMOTEO 1:9

Mïchini kïpköchï pich lö kikïtat kirurut amelö ompö pich cho karamach wölo ompö pich cho penyöy kirurut nko cho mökonyïtöcha Tororöt nko mwokïyis, aketötyï cho puryö tïlilyö nko cho mökonyïtöy Tororöt, kikïtötï tïkwïl pich cho pöröy papotïnekwa

1 TIMOTEO 5:8

Wölo atomengaraknye chi pikökwa, ntökïmïr chini pö katangwa, kï kikïpïstö chichoni kighanatenyi akïgha tya kïsir chi nyo meghönönye Tororöt.

2 TIMOTEO 3:17

atökumï lasiny chi nyo pöghisyechini Tororöt, kwigh pöghisyö anka tïkwïl nyo karam.

TITO 3:1

Nonchinö pich kïtech soch, kïlïkwï pich cho konyïtöy pöytoghï akïtïpï kïpsach kwigh pöghisyö anka tïkwïl nyo karam.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

1 YOANA 2:4

Chi nyo lentöy onkït nyinte, akwanyï mörïpönye kirurutkachi, kï putin akï möminye man orinyi.

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”

1 SAMWEL 15:22

Kïlö Samwel, “Kïgh ne nyo mököy ECHOTYON, konyït nya anta kitötogh nko amörostin? Ngwangwa kekonyït nyinte kïtïl ketö amöros pö kech nyo akwagh.

1 SAMWEL 15:24

Kïlenchï Saulö Samwel, “Kyaghan ngokï, ompöwölo kyataghan kirurut pö ECHOTYON nko ngal cho kimwowaninyi. Kyoterchan pich ngalekwa ompöwölo kyawaghan chane.