TITO 1:15 - PIPÏLIA

¹⁵ Tïlil kïgh anka tïkwïl ompö pich cho tïlilöch, wölo möminye kïgh nyonikïny nyo tïlil ompö pich cho le sïmnyon cho puryö kighanat, ompöwölo kikesïmnyon kinonutkökwa nko pköchintöngwa.

TITO 1:15 ပူးပေါင်းရင်းမြစ်များ

NGÖTÏNYÖ 21:4

Konyi sas nko mïkulögh nyo kwolöy kegh, kuporu lötok ngoki pich cho ghach.

NGÖTÏNYÖ 30:12

Kimi pich cho tïlilöch ompö konyikwa kegh, wölo tomöcha kewunö sïmnyontönengwa.

AKAY 2:13

Kïtep Akay chane ngat lö, “Ato lïkwï chi sïmnyon ompöwölo kanam mïntïrïch akïnam omisyewutchoni, lïku omisyewutkö sïmnyon tïkwïlï?” Kïlö tïsï, “Owöy.”

MATAYO 15:18

Wölo tïkwïn cho pkono kut, kïpkono mïkulögh ori, tïkwïn cho lata choni cho sïmnyonöy chi.

IGHISYEWUT 10:15

Kungwïnchï kut ngat nyo pö odeny lö, “Mekur kïgh anka tïkwïl nyo kakwanyïnit Tororöt lö, sïmnyon.”

RUMI 14:14

Ompöwölo kyolinyan nko Echotyon Yeso otïngetan man lö, möminye omisyö nyonikïny nyo lïku sïmnyon onkït. Wölo ato nonchï chi kegh lö sïmnyon omisyö anka, kïlïku omisyononi sïmnyon ompö nyinte.

RUMI 14:20

Menyar nyu ighisyo Tororöt ompö ngala omisyö. Kyomöy omisyewut löwïr, wölo mömïchïninye kyam omisyö nyo ighöy chitö anka kupïtyï ngokï.

RUMI 14:23

Wölo ato tïng chi tomtomönöt ompö omisyö nyo omöy, kurwokyini Tororöt nyinte ato am, ompöwölo melö kam omisyononi kïrïp kegh nko kighanatenyi. Akï kïgh anka tïkwïl nyo mörïpönye kegh nko kighanat, kï ngokï.

1 KORINTO 10:23

Mwoghöy chane lö, “Kïchomwecha keghe kïgh anka tïkwïl.” Lata nyoni nyoman, wölo melö karamach tïkwïn tïkwïl, “Kïchomwecha keghe kïgh anka tïkwïl,” wölo melö ngörokecha tïkuchoni löwïr.

1 KORINTO 10:25

Ama kïgh anka tïkwïl nyo kyoltegho donyo pany amateptep kïgh akwompö sïkunötenkwa,

1 KORINTO 10:31

Kïlenyona nyu ato koghöy kïgh anka tïkwïl, ato komisïyi anta kogheghsïyi agh choni löwïr ompö ororyo Tororöt.

1 KORINTO 8:7

Wölo mötïngcha pich tïkwïl kinkïtötononi. Ompöwölo mi pikö walaka cho kikïnaghta körkeyïntin nko nyete le ye nyo otini omöy chane omisyewut, kunonöy lö kikeropchï omisyononi körkeyïntin. Akwompöwölo nyarkalal kighanatengwa, kïlïmchini kegh lö kesïmnyon omisyononi chane.

1 TIMOTEO 6:5

nko chemölö nyo pö ngal cho möngötöy cho pkono pich cho kikïwïryö kinonut, amökïtïngcha ngölyonto man. Lenchini kegh chane keghan Tororöt kï or nyo kïsïko mökosyö.

EPRANIA 10:22

Akanya nyu kerika wölo mi Tororöt ompö mïkulögh nyo pö man nyo tïng kighanat nyo mötïngnye tomtomönöt. Kaketïlilwecha mïkulisköcho kïngetunö sïkunöt nyo gha akemwata porwöyicha pögh cho tïlilöch.

EPRANIA 12:15

Okil kegh lasiny tömötöp chi anka tïkwïl ntökïchïwïta pöropcho Tororöt. Orip kegh tömakarkegh nko ket nyo ngwan nyo ipu nyörilwok cho chang ködöwichi.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.