TITO 1:11 - PIPÏLIA

¹¹ Mïchini ketagha chane kïngalan, ompöwölo köpechï kïwaghach pipö keston kïmïkul ompö tïkwïn cho melö kömïchini kunetöy atökïsïch ropïyeni arasï.

TITO 1:11 ပူးပေါင်းရင်းမြစ်များ

TUMWÖY 107:42

Sïwïyi pipö man choni akïngörekyö, akïnömisyö mwokïyis löwïr kutïway.

TUMWÖY 63:11

Wölo ngörokyini pöytoghintö Tororöt, sölöy Tororöt cho kiwalwal ompö kaynenyi, poto kutïwa putï cho kïnöpöy. Ompö kintöghoghinto tumï. Tum pö Daudi.

YEREMIA 8:10

Kïlenyona, otöninan korukwa pich walaka, otöninan tïkwïl piko walaka parenikwa. Ompöwölo köromchini tïpö lïs pikö cho echön nko cho mïnkech, pöghisyegho putintön chini le ompö tïsï nko werkoy.

ESEKEL 13:19

Kokonanïkwa arasï ompö piköchan, alïs lö tökenyorunö matay kwïle nko makatin tïkwïte aparakwa pich cho kömïchini kïsöpchö, apïstekwa kïsöpchö cho kötomeghot ompö putintönenkwa.”

ESEKEL 16:63

Olöstewunyi lelutköku löwïr cho kighanyi, wölo otini kenananyi, nöminyi kïgh kut ompö arasï.” Mwoghöy Echotyon TORORÖT.

MIKA 3:11

Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”

MIKA 3:5

Lentöy ECHOTYON akwompö werkoy cho lïsöy pikachi. Yomisyini chi kalya, nyo ketö kïgh kwam. Wölo mugho poryot, anka tïkwïl nyo metöninye kïgh nyo kyomöy.

MATAYO 23:13

“Heywey akwa koneti kirurut nko Parisaytin! Lïsï! Kakarekwa pich kuka Pöyunöto Yïm, amolïtekwanye akwane amopïsini ompö pikö walaka cho kömököy kïlïtöy. [

LUKA 20:40

Kimwa lenyoni ompöwölo kimökumïcha kïtep nyinte teputkö walaka.

YOANA 10:12

Ato sïwa chi suyon kungwïnöy nyo melö mösöwon amelö chechi kyaki, kïpïstoy kechiryechoni akuperta. Kungwïn nyu suyontononi kïnam akutoyö kechirye.

RUMI 3:19

Kinkïtöcha ye nyu lö, kïgh anka tïkwïl nyo mwoghöy kirurut, kïmwoghöy ompö pich cho mi paytaghpa kirurut atömömi wölo ghöpöno chi asïyech akurwokini Tororöt ngwïny kïmïkul.

2 KORINTO 11:10

Kïle ato mi manpa Kristo orinyan, kïmöminye chi nyo muköy kïköranïn tömangalanan wop anka tïkwïl ompö koro Akaya kïmïkul.

1 TIMOTEO 5:13

Rwötotoy mïsïktina cho lata choni akuwitwitöy kori pich akï kitö nyu nyo gha tya ompö chane kï ngölono akuswomöy pikö walaka akulut kegh ngala piko walaka akïmwa ngal cho melö keroko.

1 TIMOTEO 5:4

Wölo ato mi mïsïk nyo tïng monechi anta kokötinechi, kïmïchini nyo pö tagh kuporï monechoni kighanatengwa ompö ripöto kutak wölanya kikïnam chane. Chömunote ngölyontononi ompö tawu Tororöt.

1 TIMOTEO 6:5

nko chemölö nyo pö ngal cho möngötöy cho pkono pich cho kikïwïryö kinonut, amökïtïngcha ngölyonto man. Lenchini kegh chane keghan Tororöt kï or nyo kïsïko mökosyö.

2 TIMOTEO 2:18

Kipïstö chane ara man, akïpechï kïwaghach kighanata pich cho te otini netöy lö, kikwigha kitutunötencha.

2 TIMOTEO 3:6

Ompöwölo leptoy kegh pïchoni walaka kïlïtöy kori pich atolapay kulï mötöwöy akïpayta kor cho le sölwöy cho kösönöy nïkisïntino ngokï akï cho mi kïrïpöy pïrchinogh anka tïkwïl.

TITO 1:7

Ompöwölo kiketö kintöghoghinto kanisa kughyongchï pöghisyo Tororöt, kïmïchini nyinte kïlïkwï chi nyo puryö lelut. Melö mïchini kïlïkwï chi nyo anta kwolöy kegh chi nyo mïrmïr möt, anta tömösin, anta köromit, amelö chi nyo pïrchini ropïyen.

TITO 1:9

Mïchini kïrïp lasiny ngölyonto kighanat nko kinetut cho kikinet nyinte. Tökumï nyu nyinte kukil pikö walaka kïrïp kinetut pö man, akuporchï pich cho mölöy kinetutchï lelutkökwa.

TITO 3:10

Rirchinö chi nyo ipu pesyogh kïnyïl odeny, atomalïmnye, ipïstö.