SEPANIA 2:3 - PIPÏLIA

³ Ayara ECHOTYON wey, akwa cho ochï tölose, akwa cho orïpöy kirurutkachi. Agha man, ap kegh ngwïny. Töptoy ana ochïwïtyonekwa mönyorwok sito ECHOTYON asispa nörekyenyi.

SEPANIA 2:3 ပူးပေါင်းရင်းမြစ်များ

2 SAMWEL 12:22

Kïlö Daudi, “Kyalokan akïruran ato kisöpöy monïngay alan, ‘Nkït ngo töptoy muköy ECHOTYON ntökusyonchanïn akusop montö?’

TUMWÖY 105:4

Opechinö wölo mi ECHOTYON tosïkö kingarakat, asagh nyinte kïtenö osis.

TUMWÖY 149:4

Yömöy ECHOTYON pikachi, töni rïntagh pich cho tölose.

TUMWÖY 22:26

Omisïyi meyï akïpïghyö lasiny, pich cho pkonchini ECHOTYON kïsölöy nyinte. Nya kïnyorï chane perur kokay.

TUMWÖY 31:20

Iwïnchinenyi chane ato tïghume ompö möngengu, ato lowö tötut wökï. Ripote chane ompö kongu, ato lowö semsem.

TUMWÖY 45:4

Leta tagh ompö wowïntöngu aterïntena atenoghyechinö kirwoko kisyonchin nko man ipu owesyengu rïntaghtin cho echön.

TUMWÖY 57:1

Isyonchante, we Tororöt, isyonchante, ompöwölo ghïpeninyi söpontönyan. Oghïpenan köpepoköku wölo tïghume, ntökïtenö kuwer chepkïrïri pö kinyarat.

TUMWÖY 76:9

otini kinget ECHOTYON akurwok, atökïsörï pipö ngwïny löwïr cho kikirey.

TUMWÖY 91:1

Chi nyo mi ori pö ECHOTYON nyo Töror Tya, nyo wuro kegh Kimuktoghin,

WUWÖT 12:27

Olenchikwa, ‘Amöros pö Pasaka ECHOTYON ompöwölo kitïl ECHOTYON kori pipö Israel ompö koro Misri, otini kipar chane kïpïstö koricha.’ ”

NGÖTÏNYÖ 18:10

Tiwöwon nyo aghïgh kaynata ECHOTYON, rïpchini chi pö man akïnyoru ato ghïpo.

ISAYA 1:17

anet kegh agh tïkwïn cho tenote. Asïwa lö keghisyö ngala man, angaraka pich cho kireyöy atö pönon tïkukwa angarak mïsïktin.”

ISAYA 11:4

wölo rwokyini mey ompö man akïtiwu pich cho memuktocha kegh. Mungöy ngölyontenyi pipö ngwïny otini kangalan, akïpar mwokïyis ngalanatenyi.

ISAYA 61:1

Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,

YEREMIA 39:18

Osörunyi nyo mötïny, puryö chi nyo pörinyi. Kechïwitanyi söpontongu ompöwölo kitönönyi kighanatengu wölo omitan. Kamwaghan ante ECHOTYON lenyoni.”

YEREMIA 45:5

Ayo, iyörenyi so kewunyi nyo karam tya kïtïl pikö walaka? Ikïrö kegh ngölyontononi! Ompöwölo onyoran ngwïny kïmïkul. Wölo ropöwontengu kï akonga. Ichïwïtenyi amönyorunyinye ngot ompö wop anka tïkwïl nyo kewenyi.” Mwoghöy ECHOTYON.

ESEKEL 13:5

Melö kip kïrïp adoketis cho ponkos anta tek nïyet cho kirulyö tökïgheta kegh pich ato ngwïn poryot ompö asis ECHOTYON.

OSEA 10:12

Akatkata köromnyö ompö tösunötengwo atonyorunö akwa chomnyogh nyo mewonyotnye. Angora parenichay kiruyö ompöwölo ketomtö ato kïyöröy ECHOTYON ye tökungwïn kïropönï kisoyönut.

OSEA 7:10

Rwokyini pipö Israel menotönengwa kegh, ompöwölo kïrkegh lapay chaye keghisyö, möwöghökisyönye kïpkonchanïn ani ECHOTYON Tororötïngwa.

YONA 3:9

Nkït ngo ne, muköy ana Tororöt kïwöghöko akïpïstö nörekyenyi nyo körom atömökiwonyö!’ ”

SAKARIA 8:19

“Lentöy ECHOTYON Kimuktoghin, lïku kïrurata nyo pö arawa angwan nko nyo pö arawa taman osiswo ngörekyö nko turönöt akï osiswo ichontin ompö pipö Yuda. Kïlenyona achamena kegh man nko kalya.”

MATAYO 5:5

Soyönote pich cho tölose, ompöwölo mïlöy ngwïny.

1 TESALONIKE 4:1

Sörömuto choni nyu, tupchenicho, kyanetekwa kegh acha otöp nyo ngörökyini Tororöt. Akï nyoman komitekwa omöngisïyi lenyoni. Kïsomecha ye nyu akwa nyoman akesoghokwa ompö kaynata Echotyon Yeso lö, atasa tagh lenyoni.

1 TESALONIKE 4:10

Omitekwa oghöy ighisyononi pö chomnyogh ompö tupchenicho löwïr cho mi Makedonia kïmïkul. Nka nyoni kïsoghecha akwa tupchenicho lö, agha atas lenyoni kïtïl.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

1 PETRO 3:4

Wölo nya kïpöyit pïchighyenkwa nyo pö ori, pïchighyö nyo möwïrönye nyo pö mïkulögh nyo talase akï nyo pö kalya akï nyo pö olyot nyo wow ompö tawu Tororöt.

2 PETRO 3:18

Wölo atasa tagh oghetunö ompö pöropchö nko kinkïtöto Echotyontenyo akï Ghetintenyo Yeso Kristo.* Nya kïsïch nyinte ororyö kïngeta ye nko kokay! Amen.