SAKARIA 8:8 - PIPÏLIA

⁸ atolapay aghamïtwan kïpka kanasyanta Yerusalem. Lïku nyu chane piköchan, alïkwan Tororötïngwa. Opöytenan chane ompö kighanat nko man.”

SAKARIA 8:8 ပူးပေါင်းရင်းမြစ်များ

TOWUNÖT 17:8

Okoninyi tönan moneku koronete kemitenyi imöngöy kïle chi nyo le ton koronete pö Kanan kïmïkul tökïlïkwï nyinkwa kokay atalïkwan Tororötïnkwa.”

YEREMIA 11:4

Mumanete nyaye kyaman nko papotïnekwa otini kyamïtunan chane koro Misri. Ompö chane, kilata korononi mapa karïn nyo kinagh kula lakat. Kyolenchan chane atera kutinyan, agh löwïr lenyini komwochan. Lïku nyu chane piköchan, alïkwan Tororötïngwa

YEREMIA 23:8

wölo, ‘Kïle ato satate ECHOTYON nyo kityak akwipunö pipö Israel kor nyo mi okumpö löt nko koros löwïr cho kyotoytoyechï chane.’ Atolapay kïmang korengwa.”

YEREMIA 24:7

Otöninan chane mïkulögh nyo muköy kunkïtu lö ochan ECHOTYON. Lïku nyu chane piköchan, alïkwan Tororötïngwa ompöwölo yoku kegh chane kïpka wölo omitan ompö mïkuliskökwa kïmïkul.

YEREMIA 31:1

Lentöy ECHOTYON, “Ompö osiswechoni, konyïtanïn kestoni pipö Israel löwïr lö ochan Tororötïngwa akïlïkwï chane piköchan.”

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

YEREMIA 32:41

Ongörökyinan oghchï chane tïkwïn cho karamach achïchimchan chane kïmang koronï ompö mantanyan.

YEREMIA 4:2

akwato awalwalakwa ompö man olentöy, ‘Le ato söpöy ECHOTYON,’ kïnyoru nyu pipö koros, kisoyönöt nko ororyö ompö ani.”

ESEKEL 11:20

Atökïrïp kirurutköchan akïrïp kiyomisutköchan akïtagh kïlïkwï nyu chane piköchan alïkwan Tororötïngwa.

ESEKEL 36:28

Atamanga koronï kyotönön papotïnekwa, talïkuna piköchan alïkwan Tororötïnkwa.

ESEKEL 36:33

“Omwoghan ante Echotyon TORORÖT lö, asisini kotïlilokwa ompö ghöyitwokökwa löwïr, aghan nyu kanastinekwa kemang aketek koros wölo kikilïkwï kïratyan.

ESEKEL 37:25

Möngöy kor nyo kïmöngöy papotïnekwa nyo kyotönön mötworintenyan Yakopo. Möngöy nyu chane nko monekwa nko moneko monekwa kokay nko kokay, akïlïkwï Daudi nyo le mötworintenyan pöytoghintengwa kokay.

ESEKEL 37:27

Lïku möngenyan wölo mi chane alïkwan Tororötïngwa kïlïkwï chane piköchan.

OSEA 11:11

Pkonöy ompö ngörekyö le törit cho pkono Misri, le cheptuken cho pkono koro Asirya. Oyokyinan nyu chane kïpa kestonikwa ngat. Mwoghöy ECHOTYON.

YOEL 3:20

Wölo lïku Yuda möngot kokay akïlïkwï Yerusalem möngo lenyoni kurel pïnwöy lapay.

LAWIN 26:12

Owesteghonan kwenunkwa alïkwan Tororötïnkwa alïkukwa piköchan.

SAKARIA 10:10

Oyokunan chane kaw kïpkana koro Misri, oghömïtunenan koro Asirya. Atolapay kïpka kïmang koro Kiliad nko Lepanon ntökïnyïghï lakas.

SAKARIA 10:6

“Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

NGONGUT 21:3

Atolapay alïman kut nyo wow nyo kingölonuno ngacharu pö paytagh kïlentöy, “Töngönchin ye nyu kwïle! Kömöngisyö Tororöt nko pich! Kömöngisyö nyinte nko chane atökïlïkwï chane pikachi, kïlïkwï nyinte Tororöt, Tororötïngwa.

NGONGUT 21:7

Anka tïkwïl nyo rïntoy otöninan tïkuchete löwïr, alïkunan Tororötïnyi, kïlïkwï nyinte montönyan.