7 Osörunenan piköchan koros cho mi okumpö kongasis nko ta
wölo ato oyokyanïkwa kegh arip kirurutköchan agh, oghömïtwokwa kïrkegh kyapekwa wölo low kïtya, omïtokwa ape wölo kyakïlan kesaghenanïn.’
Kïngata wölo pusuno asis ntökwit wölo röytoy asala kaynata ECHOTYON!
Teköy ECHOTYON Yerusalem ngat, yoku pipö Israel cho le pïnot.
Ngölonöy Tororöt nyo wow tya, mwochini ECHOTYON ngwïny kïngata kongasis ntökwit okumpö ta.
Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”
Lïmöy chi anka tïkwïl ngaleko owesyenyi kïngetunö kongasis ntökwit wölnö le to. Ngwïnöy nyinte le puseryon nyo kiwachta nyo toru kimïny pö ECHOTYON.
Arosa, omïtunenan chane kor nyo mi okumpö löt. Oghömïtunenan söremwok pö ngwïny. Rotu löwïr puryö nyo dongöy, ngwïnöy chepkarot nko mwolöy. Pkonöy korï cho mirsyot nko cho kïghöy, mïlo söpïch nyo wow nyoman.
“Lenchinö lentöy Echotyon TORORÖT, ‘Oghömïtokwa löwïr ompö koroswechoni kyapekwa, akonokwa ngat koro Israel.
“Omwoghan ante Echotyon TORORÖT lö, asisini kotïlilokwa ompö ghöyitwokökwa löwïr, aghan nyu kanastinekwa kemang aketek koros wölo kikilïkwï kïratyan.
“Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.
Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.
Syonchinokwa nyu ECHOTYON Tororötïnkwa akuyokunenokwa puntonichoni löwïr kiyonchokwa nyinte akuperurokwa.
