SAKARIA 8:3 - PIPÏLIA

³ Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

SAKARIA 8:3 ပူးပေါင်းရင်းမြစ်များ

TUMWÖY 2:6

“Kotönön pöytoghintenyu kïtöpö Sayon,* kutïngtönyan nyo tïlil.”

TUMWÖY 48:1

Wow ECHOTYON akïmïchini kesal tya ompö kanasyanta Tororötïncha.

WUWÖT 29:45

Otöponan kwenu pipö Israel alïkunan Tororötïngwa.

ISAYA 1:21

Kötöpö onö kanasyantanï kighanate tökïlïkwï chepores! Kinyïghitate pipö man orinyi osiswe walaka, wölo köngötï ye nyu rïmï opïn.

ISAYA 1:26

Otöninan pöytoghiku kirurut cho kongityot nko cho kipö tagh. Kïkuro nyu Yerusalem kanasyan nyo pö man, nyo ghanate.”

ISAYA 11:9

Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.

ISAYA 12:6

Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”

ISAYA 32:16

Kïpöghisyeghö man onkït ompö korononi kïmïkul.

ISAYA 60:14

Pkonöy pipö ara pïchoni reyinyi kïkïtïngö tawungu ompö konyït, kïpka cho kisösinyi kïkïtïng akïsagh ompö kelyeku. Kurinyi lö, ‘Kanasyanta ECHOTYON,’ ‘Sayon,* kanasyanta Tororöt pö Israel Nyo Tïlil.’

ISAYA 65:25

Oketïyi suyï tïkwïl nko wara kechir. Omöy ngötunywö sus le tïch amelö tökesïko meghat moroyut. Mökïminye kïgh kutïng pö Sayon* nyo ngwan anta mwokïyon.”

ISAYA 66:20

Yoku chane pikökwa cho kitoyechï koroswechoni atökïpkana puntonichoni akïkonanïn kïlïkwï ropöw. Mïtu chane kïpkonöy kutïngtönyan nyo tïlil nyo mi Yerusalem, pkono chane angoletin nko sïkïröy nko tamasay nko nkaritin cho kichutöy kïkongityö nko ato ipu pipö Israel ropöwo pagh Konyan ompö tïkwïn cho tïlilöch.

ISAYA 8:18

Omitan yi nko monïng cho kökonanïn ECHOTYON. Kayontecha ECHOTYON Kimuktoghin nyo mi ngacharunyi nyo pö paytagh kutïng pö Sayon* kelïkuna lökoyechi cho söpchot cho kipchini pipö Israel.

YEREMIA 14:9

Ayo, kegha ne tekara kegh nko chi nyo le kwöngön, le nyakana lïk nyo kepöl kïsörï chi? Wölo iminyi kwenuncha we ECHOTYON, kïchicha piköku, mepïstecha!’ ”

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

YEREMIA 31:23

Lentöy ECHOTYON Kimuktoghin, Tororöt pö Israel, “Otini koyokwan pipö Israel kïpka korengwa, mwoghöy chane ngat ompö koro Yuda nko kanastinechi lö, ‘Nya kusoyönin ECHOTYON we kutïng pö Yerusalem nyo tïlil, Ichinyi kimpïr pö tïlilyö!’

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

ESEKEL 48:35

Ki miten 9,000 koghïn pö nayat, kekur kayna kanasyan kïngeta atoni, “Mi ECHOTYON atoni.”

DANIEL 9:16

We Echotyon, yodena nörekyengu nko sïngiryengu ompö kanasyantengu Yerusalem, kutïngtöngu nyo tïlil, ompöwölo ighenyi man kïnomnyö. Kisasecha pich akïsas kanasyantengu cho kimang Yerusalem kuwitwitecha akwompö ngokicha nko cho pö papotïnecha.

YOEL 3:17

“Onkïtunekwa nyu lö ochan ECHOTYON Tororötïnkwa nyo omöngöy Sayon kutïngtönyan nyo tïlil. Akïtïlilitu Yerusalem amökïtïkönye pïnotyontö orinyi ngat.

YOEL 3:21

Otökan kisön pö pipö Yuda amopïstenanye pich cho tïng lelut kïchïwïtyö ompöwölo omöngan ECHOTYON Sayon.”

MIKA 4:1

Pkonöy ompö osis cho pkonöy ato kichïchimöy kutïng pö Kö pö Tororöt. Akekany kïkoghit kïtïl kutïngkot löwïr wuwöy chichöntö kïsoröy kutïngoni.

SEPANIA 3:13

Melö nyu tökwighöy cho ghach pipö Israel cho kingötï, pïstoy putintön nko lïs. Pöghisïyi chane nyo karam, karkegh nko kechir cho oketïyi akïrusot wölo tïghume, akï puryö kïgh nyo muköy kwotyeghö chane.”

SAKARIA 1:16

Kïlenyona, osyonchinan ngat kanasyanta Yerusalem aketek Konyan ngat nko kanasyante tïkwïl.

SAKARIA 12:6

“Oghan osiswechoni pipö ortïna Yuda kïlïkwï ma nyo pelöy wuw, le ma nyo pelöy roro pagh. Pelöy koros cho le pöröris pö Yerusalem kuwonyo lömïs wölo ngötu pipö Yerusalem akïmöngisyö ompö kalya.

SAKARIA 14:10

Lïku kore kïtangogh mpöghogh kïngeta Kepa, nyo mi Yerusalem kuntoka ntökwit Rimon nyo mi kumporö. Wölo töpo kanasyanta Yerusalem ato syolote kïngeta Kuka Penchamen, kuwer ato kimi asistanka nayatu Ananel nyo kiwo chak ntökwit wölo kïryöko dipay* pö pöytoghin.

SAKARIA 8:16

“Achï tïkwïn cho mïchini agha, angalana man amutyï pich kalya.

SAKARIA 8:19

“Lentöy ECHOTYON Kimuktoghin, lïku kïrurata nyo pö arawa angwan nko nyo pö arawa taman osiswo ngörekyö nko turönöt akï osiswo ichontin ompö pipö Yuda. Kïlenyona achamena kegh man nko kalya.”

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

YOANA 14:23

Kuyokyï Yeso nyinte lö, “Chi anka tïkwïl nyo chömanïn kïrïpöy ngölyontenyan akïchömöy nyinte Paponyan akepkonecha wölo mi nyinte aketïpïyö nko nyinte.

2 KORINTO 6:16

Tïngeto tïlyantan ne Kö pö Tororöt* nko körkeyïntino putintön? Ompöwölo kïchicha Kö pö Tororöt nyo satate. Kïle wölo mwoytoy nyinte Tororöt lö, “Oghan möngenyu orito pikachu, atöponan nko chane. Olïkunan Tororötïngwa, kïlïkwï chane piköchan.”

KOLOSAY 2:9

Ompöwölo mi asïl pö Tororöt kïmïkul orito por pö Kristo ompö otöptanyi nyo pö ptangengmöt

NGONGUT 21:10

Kïnamanïn Mïkulöwu, Tororöt atolapay kumïtanïn malaykayantanay ntatan paraku kutïng nyo kogh tya. Kuporwanïn Yerusalem, Kanasyan nyo Tïlil nyo ngwïno yïm wölo mi Tororöt

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

NGONGUT 21:3

Atolapay alïman kut nyo wow nyo kingölonuno ngacharu pö paytagh kïlentöy, “Töngönchin ye nyu kwïle! Kömöngisyö Tororöt nko pich! Kömöngisyö nyinte nko chane atökïlïkwï chane pikachi, kïlïkwï nyinte Tororöt, Tororötïngwa.