SAKARIA 7:6 - PIPÏLIA

⁶ Ayo, melö so kyomisïyekwa agheghsyö akwompö mutïnekwa kegh?

SAKARIA 7:6 ပူးပေါင်းရင်းမြစ်များ

1 OTÖPTINO OSIS 29:22

Kingörekyö chane asisoni akwomisïyi: akïgheghsïyi ompö tawu ECHOTYON. Nyo pö odeny kïkïl Solomon kïlïkwï pöytoghin. Kuyil nyinte ompö kaynata ECHOTYON kïlïkwï pöytoghintengwa, kïlïkwï Sadok tïsinte.

ISAYA 43:23

Melö kyopkanïkwa ropöwekwa cho pö kechir, amelö kyokonyïtanïkwa ompö amörostinekwa. Melö kyochikyokwa lö okono ropöw, anta osusokwa lö opelwo tïkwïn cho ngutoy cho onyïn.

ISAYA 58:3

Tepöy pïchoni lö, “Ompö ne tökekïrurecha atökesagha lasiny akwanyï melö sïwïyi ECHOTYON? Ompö ne töketaghenacha kegh omisyö ato melö yongöy nyinte?” Nonchini nyu ECHOTYON chane, “Kömpölelye kï nyï, otini omitekwa okïruröy atasagha lasiny, omitekwa orïpotoy möchutkökwa, amitö otungo piko ighisyewutkökwo nïkisïntin.

OSEA 8:13

Chömöy kutötoy amörostin, atökwam nyu panye, wölo melö tökïngörökyini ECHOTYON chane. Nonöy ye nyu nyinte ngokikwa akutö sitöt, mïlisyot akïlïkwï sekey ompö Misri.

OSEA 9:4

Melö pightoy chane dipay kïpighchini ECHOTYON. Amelö tökïngörökyini nyinte ropöwekwa lïku omisyengwa ompö chane nyo pö lok, akïlïku chane löwïr cho kam sïmnyon. Lïku omisyengwa nyo pö mu kwïle, amelö mïchini kepï le amöros Kö pö Tororöt.*

SAKARIA 7:5

“Lentöy ECHOTYON Kimuktoghin, mwochinö pich löwïr cho mi kor nko tïsï lö, ‘Kyosönönekwa, akïrur ompö arawa mut nko arawa mut nko odeny ompö könyiswechaye kewer le 70 wölo melö kyaghakwa lenyoni ompöwölo kyokonyïtanïkwa.

SAKARIA 7:7

Nka chete ngal cho kïwow mökosyo kanasyanta Yerusalem akïchang pich cho kimöngöy. Kichang tïkwïl osiswechoni pich cho kimang kanastin cho kilekïtino Yerusalem, kumporö nko ta nko okumpö koro Nekep* nko tömköyi Syepela.’ ”

1 KORINTO 10:31

Kïlenyona nyu ato koghöy kïgh anka tïkwïl, ato komisïyi anta kogheghsïyi agh choni löwïr ompö ororyo Tororöt.

KINONO KIRURUT 12:7

Kïkany otini komisyekwa ompö wölo mi ECHOTYON Tororötïngwo nko piko kongwo, ongörekyö ompö kïgh anka tïkwïl nyo kotötekwa, ompöwölo kesoyönokwa ECHOTYON Tororötïnkwa.

KINONO KIRURUT 14:26

Atolapay olonekwa ropïyenichoni kïgh anka tïkwïl nyo kömököy, ato kö tïch anta kechir anta dipay anta kumïn anta kö kïgh kïnye anka tïkwïl nyo pïrchinokwa mu, ama tawu ECHOTYON Tororötïngwo angörekyö nko monekwo.

KOLOSAY 3:17

Akï kïgh anka tïkwïl nyo oghekwa anta nyo omwoghekwa kïmïchini agha ompö kaynata Echotyon Yeso, ayokyï sörö Tororöt Papo ompö nyinte.

1 SAMWEL 16:7

Wölo kïlenchï ECHOTYON Samwel, “Meros wölo lata nyinte anta koghïnto portanyi, ompöwölo kataghan nyinte. Melö rosöy ECHOTYON le ptangengmöt nyo rosöy wölo lata chi, wölo rosöy ECHOTYON mïkulögh.”