SAKARIA 7:5 - PIPÏLIA

⁵ “Lentöy ECHOTYON Kimuktoghin, mwochinö pich löwïr cho mi kor nko tïsï lö, ‘Kyosönönekwa, akïrur ompö arawa mut nko arawa mut nko odeny ompö könyiswechaye kewer le 70 wölo melö kyaghakwa lenyoni ompöwölo kyokonyïtanïkwa.

SAKARIA 7:5 ပူးပေါင်းရင်းမြစ်များ

2 PÖYTOGHÏ 25:23

Nyini kilïm lenyoni wowïntino lïk nko pipö lïk löwïr lö kakïl pöytoghinto Papilon Kedalia kïlïkwï kirwokin, kïpa Mispa wölo mi Kedalia. Wowïntinechoni kï: Ismael wero Netania nko Yoanan wero Karea nko Seraya wero Tanumet nyo kingwïna kanasyanta Netopa nko Yesania nyo kingwïno Maaka.

2 PÖYTOGHÏ 25:25

Wölo kïwö Ismael wero Netania, kuköto Elisyama nyo kipö ara paytagh kutang Mispa nko pich taman, akïpar Kedalia nko pipö Yaudi nko Papilonia cho kimi tïkwïl Mispa.

ISAYA 43:23

Melö kyopkanïkwa ropöwekwa cho pö kechir, amelö kyokonyïtanïkwa ompö amörostinekwa. Melö kyochikyokwa lö okono ropöw, anta osusokwa lö opelwo tïkwïn cho ngutoy cho onyïn.

ISAYA 58:3

Tepöy pïchoni lö, “Ompö ne tökekïrurecha atökesagha lasiny akwanyï melö sïwïyi ECHOTYON? Ompö ne töketaghenacha kegh omisyö ato melö yongöy nyinte?” Nonchini nyu ECHOTYON chane, “Kömpölelye kï nyï, otini omitekwa okïruröy atasagha lasiny, omitekwa orïpotoy möchutkökwa, amitö otungo piko ighisyewutkökwo nïkisïntin.

YEREMIA 25:11

Lïku koronï kïratyan nyo möchömönye chi kong kuros. Pöghisyechini puntonichoni löwïr pöytoghinto Papilon ompö könyis 70.

YEREMIA 29:10

“Lentöy ECHOTYON, opetekwa omöngöy koro Papilon könyis 70. Atomuchö, ongwïnchokwa atopuntö ayomis nyo kikyamwaghan lö ongwïnan oyokwokwa omïlisyeno korengwo nyete.

YEREMIA 52:12

Ompö asispa taman nyo pö arawa mut nyo pö könyi 19 nyo pö paytaghpa Nepukadnesa, pöytoghinto Papilon kingwïn akïlït Yerusalem Nepusaradan nyo kile kirurin akï yetïn pö ripi pöytoghinto Papilon.

DANIEL 9:2

Kyosomönön kitapun ompö könyi tagh nyo pö paytaghtanyi, kïpköchanïn ngala cho kimwochï Tororöt Yeremia lö, weröy könyiswö cho le 70 akïtö kï kïratyan Yerusalem.

OSEA 7:14

Rirchinanïn chane wölo melö ompö man, wirchini kegh ngwïny akïsölölyö akïlentöy tatakan sowutkökwa cho pagh nko dipay,* wölo tökïtaghanïn chane.

SAKARIA 1:12

Kïlö malaykayan ECHOTYON, “We ECHOTYON Kimuktoghin, inörekyinenyi nko oyï pipö Yerusalem nko kanastina Yuda, chï kinörekyinyi könyis 70 amesyonchï?”

SAKARIA 7:3

akï tep tïsï nko werkoy ompö Kö pö Tororöt Kimuktoghin lö, “Mïchinecha ketasa tagh kesönönö akekïrur le wölo kikighecha ompö könyis cho chang otini ketomtö arawa mut nya?”

SAKARIA 7:4

Kungwïnchanïn ngölyonto ECHOTYON lö,

SAKARIA 7:6

Ayo, melö so kyomisïyekwa agheghsyö akwompö mutïnekwa kegh?

SAKARIA 8:19

“Lentöy ECHOTYON Kimuktoghin, lïku kïrurata nyo pö arawa angwan nko nyo pö arawa taman osiswo ngörekyö nko turönöt akï osiswo ichontin ompö pipö Yuda. Kïlenyona achamena kegh man nko kalya.”

MATAYO 23:5

Ighöy ighisyewutkökwa löwïr lö tökïsïwa pich. Röto mötöwekwa nko ewunekwa angwoy cho kikikirchï Kirurut pö Tororöt akulach sïro cho koghöch akukarkar sïrokö lasiny!

MATAYO 6:16

“Ato okïruröy, makany kïsilonchö tökochwekwo le lïsï, ompöwölo lisöy chane tokochwekwa atökïsïwa pich lö mi chane kïkïruröy. Omwowokwa nyoman lö kikïnyorï chane ropöwontengwa.

MATAYO 6:2

“Kïlenyona nyu, ato itö kïgh chi, itötö ompö sison mengalana, tömekarkegh nko pich cho le lïsï cho ighöy lenyoni ompö kori sowut nko ompö ortïna kanastin atökïkwol pich chane. Omwowokwa nyoman lö kikïnyorï chane ropöwontengwa.

MATAYO 6:5

“Akwotini osoghöy, makarkegh nko pich cho le lïsï, cho chömöy kïsoghöy kughyongo kori sowut nko wölo sochegho ortïna atökumï pich kïsïwa chane. Omwowokwa nyoman lö kikïnyorï chane ropöwontengwa.

1 KORINTO 10:31

Kïlenyona nyu ato koghöy kïgh anka tïkwïl, ato komisïyi anta kogheghsïyi agh choni löwïr ompö ororyo Tororöt.

2 KORINTO 5:15

Kimegha nyinte pich löwïr atökumï pich cho söpsot kïtagh kukön söpontöngwa kegh, wölo tökutwayta kegh Yeso nyo kima akututï ompö chane.

KOLOSAY 3:23

Kïgh anka tïkwïl nyo oghekwa mïchini agha ompö mïkulöwekwo kïmïkul le ato koghchinekwa Echotyon, melö le ato koghchinekwa pich