SAKARIA 4:6 - PIPÏLIA

⁶ Kimwowanïn malaykayan lö, “Ipchinö Serupapel ngölyonto ECHOTYON nyo lentöy Irïntonenyi kïgh anka tïkwïl amelö ompö owesyo lïk anta owesyengu kegh wölo ompö owesyo mïkulöwunyan. Kamwa ECHOTYON Kimuktoghin.

SAKARIA 4:6 ပူးပေါင်းရင်းမြစ်များ

TOWUNÖT 41:16

Kuyokyï Yosep Parao lö, “Motïngetanye owesyö, wölo Tororöt nyo töni Parao waghakate nyo mïchini.”

1 PÖYTOGHÏ 19:12

Nyini kiwonyö kirïngringötonay, kwitï ma, wölo melö kimi ECHOTYON mayoni. Nyini kiwonyö ma, kungwïn kut nyo mïnïng nyo kikïlïm nyo pö chamat.

2 OTÖPTINO OSIS 14:11

Kïlokyï Asa ECHOTYON Tororötïnyi lö, “ECHOTYON, möminye chi nyo lata nyi nyo ngöroköy cho nyarkalal ompö kwenu cho tïng owesyö. Ngarakecha, we ECHOTYON Tororötïnyo, ompöwölo kitwoytonecha kegh nyi kakïpkanacha kepar kegh nko söpïchï wöw le nyï ompö kaynengu. We ECHOTYON, ichinyi Tororötïncha. Mekany kïkwol kegh ptangengmöt ompö tawungu.”

ESRA 2:2

Kintöghoghikwa kï Serupapel nko Yoswö nko Neemia nko Seraya nko Reelaya nko Mordekay nko Pilsyan nko Mispar nko Pikpay nko Reum nko Paana. Achï pïpö artïna Israel löwïr cho kimïlisyeghö pïnotön:

ESRA 3:10

Nyini kitek tekï kitoröto Kö pö Tororöt kïpa tagh tïsï cho kilach sïrokökwa nko kontin nko pipö Lawi nko werpö Asap cho kitïng karïn cho töpölöle cho pö tumöt. Kïtum akïkwol ECHOTYON lenyini kimwa Daudi pöytoghinto Israel.

ESRA 5:2

Kïlenyona kutor Serupapel wero Syealtiel nko Yoswö wero Yosadak akïtek ngat Kö pö Tororöt* ompö Yerusalem akimi werkoyi Tororöt kungöroköy chane.

TUMWÖY 33:16

Melö rïntoy pöytoghintö ompö lïkenyi nyo wow, akï melö pölisïyi nyakana ompö owesyenyi nyo wow.

OMTOGHIN 9:11

Asïwan ngat ompö ngwïnyinï lö melö pö kirïpötö pich cho pïrtït amelö pö poryot pich cho owesöch anta pöyit omisyö pich cho ngöghomöch anta pöyit sïkönöt pich cho chïreröch anta pöyit chömchin pich cho le tïngan, wölo ngwïnchini asis nko pöroyïn chane löwïr.

ISAYA 30:1

Lentöy ECHOTYON, “Heywey! Ochech pich cho pöytoy koro Yuda, ompöwölo kapeny chane ngalechan. Mito chane kïrïpöy tötut cho melö kyotönön chane, akwam mumos cho melö kyomwochan akïtosyï kegh ngokï kïchangit.

ISAYA 32:15

Wölo tökïyonwecha Tororöt mïkulöwunyi ngat. Wöghöko korö wölo tïyame kïlïku paren cho okwoghöch akïrïro omisyö nyo wow.

ISAYA 34:16

Ayare köny kitapu ECHOTYON, asomön ngala tyonkïn cho söpchot atasïwena kïgh nyo mwoghöy. Möminye kïgh ompö chane nyo le ompö akonga ompö tyonchoni nyo melö mito, möminye nyo le ompö akonga nyo rörchini chitöngwa. Ompöwölo kïgh nyo kamwa ECHOTYON kwighöy lenyoni. Akï nyinte ECHOTYON nyo tuyot chane.

ISAYA 59:19

Lïmöy chi anka tïkwïl ngaleko owesyenyi kïngetunö kongasis ntökwit wölnö le to. Ngwïnöy nyinte le puseryon nyo kiwachta nyo toru kimïny pö ECHOTYON.

DANIEL 2:34

Otini kiterosenyi kïchïnï kagh nyo möminye chi nyo kiswany akïwir kelyo körkeyïnay kïpasyangana wölay le karïn nko nyïngwïtyan.

OSEA 1:7

Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”

AKAY 1:1

Kingwïnchï ngölyonto ECHOTYON Serupapel wero Syealtiel, pöytoghinto Yuda nko Yoswö wero Yeosadak, Tïsin nyo Wow* kuwerï werkoyon Akay ompö asispa tagh arawa mut nko akonga könyi odeny nyo pö paytaghpa Daryas, pöytoghinto Pasya lö,

AKAY 2:21

Kimwochï lö lenchinö Serupapel, pöytoghinto Yuda, “Lentöy ECHOTYON, ‘Kikïrik ato otimtiman yïm nko ngwïny.

SAKARIA 6:12

Atomuchö, imwochï lö lentöy ECHOTYON Kimuktoghin, arosa, pitunoy chi akong atoni mi nyo kïkuro Morïn!

KIYITUT 27:16

“ECHOTYON Tororöt pö söpon, osoghinyi lö kïla chi nyo ntöghoghchini pïchï,

EPESO 6:17

Atacha sörunöt le körtöwonto möt, atach ngölyonto Tororöt nyo le choko Mïkulögh nyo Tïlil.

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.

1 SAMWEL 14:6

Kïlenchï Yonatan ipintonay pö karichi pö poryot, “Nyonö kepe möngonï pö sompenichï mi yi ate. Töptoy muköy ECHOTYON kungarakech, ompöwölo möminye kïgh nyo körtoy ECHOTYON kïsörï ompö pich cho chang anta kö ngörï.”

1 SAMWEL 17:47

Akunkïtï pïchï löwïr lö, melö söru ECHOTYON ompö chok anta ngot onkït, ompöwölo pö ECHOTYON porye akutönokwa moricha.”