SAKARIA 3:9 - PIPÏLIA

⁹ Otöninan ante ECHOTYON Kimuktoghin tawu Yoswö kogh akonga nyo tïng woptin mut nko odeny. Okiran ompö kïgh nyo ngatip koghoni, apuktan, ompö asis akonga kwïle, ngoki koronete.

SAKARIA 3:9 ပူးပေါင်းရင်းမြစ်များ

1 PÖYTOGHÏ 1:20

Akwanyï inkïtönyi, echotyontenyu pöytoghin lö mi Israel kïmïkul kurosinyi atemwochinö chane lö, ngo nyo töpo ngacharu nyo pö paytagh.

2 OTÖPTINO OSIS 16:9

Ompöwölo pestoy konyi Tororöt ompö ngwïny kïmïkul, akutöni owesyö chane cho ighöy mïkuliskökwa man ompö tawu Tororöt. Keghanyi kïyoni ompö sölwontön ompöwölo kïngeta ye kutang tagh iporyonyi.”

TUMWÖY 103:12

Le wölo low tya kongasis nko ta, lenyoni wölo wirtoy nyinte ngokicha kïlowöchitu nko acha.

TUMWÖY 118:22

Kiwaghaka köghay kitagh tekï, kïlïkwï kinyiwut nyo wow.

WUWÖT 28:11

Kïla chi nyo nkït kukiröy koghïn aikany kukir kaynötut pö werpö Yakopo. Aitö koghichoni kughyongö koltin cho kikïtök.

WUWÖT 28:21

Lïku koghi taman nko odeny kïrïp kegh nko kaynötut pö werpö Yakopo, kagh akonga ompö kaynata chi akonga, ompö ortïne kï taman nko odeny.

WUWÖT 28:36

“Itang aparparatpa koltin cho pïchighöch aikir parakunyi lö, ‘Nyo Tïlil ompö ECHOTYON.’

ISAYA 28:16

Anyï ye nyu kïgh nyo mwowu Echotyon TORORÖT Kimuktoghin lö, “Otöninan Sayon kogh nyo tighöy kö, kogh nyo kiketyam, kogh nyo töpuno luch nyo pö olyot nyo wow, tighöyonto kö nyo pö man, melö kuskusöy chi nyo ghanate.

YEREMIA 31:34

Mökïminye machata osiswechoni kenet chi lö, ‘Mïchininyi nkïtunö ECHOTYON,’ ompöwölo nkïtwanïn pich cho echön nko cho mïnkech. Mwoghöy ECHOTYON. Olöstoghchinan chane ngokikwa amononanye ngat.”

YEREMIA 50:20

Otini ketïta osiswechoni, mönyorchininye chi ngokï koro Israel anta Yuda ompöwölo olöstoghchinan ngötunön choni ngokikwa löwïr.” Mwoghöy ECHOTYON.

SAKARIA 13:1

Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.

SAKARIA 3:4

Kïlenchï malaykayan mötworichi cho kimi tïkwïl, “Angwïsena nyinte sïrochona le sïmnyon.” Akuyokï kïlenchï Yoswö, “Rose kopuktan ngokiku kïpa. Olokunyi ye sïra nyo pö olyot nyo wow.”

SAKARIA 4:10

Atolapay kïlenchanïn, “Tatïnechoni le mut nko odeny kï konyi ECHOTYON cho le mut nko odeny cho topönöy ngwïny kïmïkul.”

YOANA 1:29

Kisïwa Yoana Yeso asista nyo kirïpöy kungwïnöy wölini kimi nyinte, kïmwochï pich lö, “Anyï Wawa Kecha Tororöt nyo ipöy ngokï ngwïny!

YOANA 6:27

Mosïngo omisyö nyo wonyot, wölo asïngena omisyö nyo ghyongtoy ntökwitïta söpon pö kokay. Konokwa omisyononi Wero Chi nyo kakukïniniö Paponyi Tororöt akutö nyinte macheyunyi nyo pö chamat.”

IGHISYEWUT 4:11

Yeso nete köghay kyataghakwa tekï, wölo kawaghaka ye nyu kïlïkwï koghpa luch nyinte.

RUMI 9:33

kogh nyo ngölono Kikirut lö, “Asïwa ya lö, otöninan Sayon* kögh nyo kwötöy pich, ghat nyo ighöy pich kupïtyö. Wölo mösïkönye arasï anka tïkwïl nyo ghönöy nyinte.”

2 KORINTO 1:22

Akutönecha machey nyo poru lö, kïchicha pikachi akutö Mïkulögh nyo Tïlil mïkulöwecha kelïkuna pikachi nyoman.

2 KORINTO 3:3

Rumunote nyoni lö ochikwa palalyanta Kristo* nyo kikir nyinte akïkonecha ketötenö. Melö kikikira winö palalyantanoni, wölo kikikira Mïkulöwu Tororöt nyo satate amelö kikikirchï paraku keronytina, wölo kikikirchï paraku mïkulis pö pich.

2 TIMOTEO 2:19

Wölo metimtimonye kokay kitorötö nyo kitek nyinte Tororöt, akï nyo kikikirchï ngalechï lentöy, “Nkït Echotyon cho le chechi,” akïlö ngat, “Ato mi chi nyo lentöy ochï chi pö Echotyon, kuroko kïpïstö ighisyewut cho ghach.”

EPRANIA 7:27

Sis nyinte nko tïsï walaka cho echön, mötïngnye machat nyo tötoy amörostin osis löwïr cho pö ngokichi kegh atolapay kutötö cho pö ngoki pikö walaka. Kigh lenyoni kïnyïl akonga nyo mïchini könyis löwïr otini kikonï kegh nyinte.

1 YOANA 2:2

Akï nyinte kï tïsöwon nyo pö ngokicha, amelö tïsöwonto ngokicha opïn, wölo cho pö pich lapay.

NGONGUT 5:6

Atolapay asïwan Wawa Kech kughyongo kwenu ngacharu paytagh nko tyonchay sötote le angwan nko poyichay. Kilata Wawa Kech nyo kikepar. Kitïng kuy mut nko odeny nko konyïn mut nko odeny, aki mïkulis pö Tororöt cho le mut nko odeny, cho kikïyonta kïpa ngwïny kïmïkul.