SAKARIA 3:10 - PIPÏLIA

¹⁰ Kuröy chi anka tïkwïl asisoni pöröryenyi kïngörokyï kalya nko payasat ompö rurwo keti sapipun nko mitini ompö parenyi.” Mwoghöy ECHOTYON Kimuktoghin.

SAKARIA 3:10 ပူးပေါင်းရင်းမြစ်များ

1 PÖYTOGHÏ 4:25

Kitïpï pipö Yuda nko cho pö Israel ompö kalya kïngeta Dan ntökwit Persyepa otini kitökïsöpöy Solomon. Kitïng pich löwïr keti sapipun nko cho pö makany.

1 PÖYTOGHÏ 5:5

Kïlenyona kamachan ye nyu otekyï ECHOTYON Tororötïnyu Konyi nyo kiyomisyï nyinte paponyan Daudi lö, ‘Werïngu nyo otöninan ngacharu paytagh kïmïlinyi nyo teköy köyoni ompö Kaynatenyan.’

ISAYA 32:18

Chïwutyegho pipö Tororöt kisusut akïtïpï kestonikwa ompö kalya nyo puryö otyogh.

ISAYA 36:16

Mater ngala Esekia! Kömwowokwa pöytoghinto Asirya lö, ongetunenö kanasyantanï akonï kegh. Pïswokwa nyu nyinte pöroyïn ama sapipuneko ketiko parenikwo nko makany, aghegh dipaykökwo* aghegha kori pöghonikwo,

YEREMIA 32:15

Ompöwölo lentöy ECHOTYON Kimuktoghin, Tororöt pö Israel, ‘Tökyolöy ngat korïn nko paren, ompö pareni sapipun ompö koronete.’ ”

OSEA 2:18

Oman nyu muma* asisoni nko tïpö wudïn nko törit nko tïkwïn cho chuto kegh ngwïny akwompö chane, atömökïswany ngat piköchan. Ochengonan kari lïk löwïr korengwa nko chokon nko kïwantis, apïsyan piköchan kïmöngisyö ompö kalya wölo tïghume.

MIKA 4:4

Töpo chi anka tïkwïl ketïnyi pö sapipun nko moköngwenyi ghït ompö kalya möminye chi nyo otyegho chane. Mwoghöy ECHOTYON Kimuktoghin.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.