SAKARIA 2:9 - PIPÏLIA

⁹ Otökan ante ECHOTYON koroschini opïsinan piköchan kïngötöru koros cho kingatar korengwa akwigh mötwor, kïngatar koroschoni.”

SAKARIA 2:9 ပူးပေါင်းရင်းမြစ်များ

ISAYA 10:32

Mito asisete pung kanasyanta Nop, mito kusösoko morikwa wöloni akïtopönöy kutïng pö Sayon, nyo mi kanasyanta Yerusalem.

ISAYA 11:15

Ighöy ECHOTYON Nanam nyo ipöy pögh lalwa Misri kïteny, akïyonï yomat nyo layate kungwïn kïpel lalwa Yuparet kïteny lakaw, kïpoto kori pöghon cho le mut nko odeny cho kosuno pögh, atökumï chi anka tïkwïl kwoghyö antakwagh.

ISAYA 12:6

Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”

ISAYA 13:2

Kakïsyolö pentera poryot nyo puryö ket! Oteghchinö pipö lïk, asyol ewunekwo atökuporchï chane lö ketïta ato poryegho chane ortïna kanasyantanoni kwolöy kegh.

ISAYA 14:2

Ngöroköy puntonï pipö Israel kïmïlisyö korengwa nyo kitö ECHOTYON. Pöghisyechini nyu puntonï Israel le sekeyikwa. Nömöy Israel pich cho kinam chane ato le tagh, akïpayta pich cho kichopöy kong chane atö kile tagh.

ISAYA 19:16

Itu asis ato nyökoritu pipö Misri le kor. Mïghsot chane ompö otyogh otini kasïwa lö keghïtö ECHOTYON Kimuktoghin ewunyi atökunyaril kong chane.

ISAYA 26:1

Itu asis akonga ato tumo pich tum koro Yuda lö, Awes kanasyantencha! Tororöt nyinte nyo körtoy nïyetwechi!

ISAYA 33:1

Heywey, ochech pich cho le mosï, akï puryö chi nyo kamas chane anta wïchtö! Wölo itïtoy söröm masatengwa nko wïchtoghtöngwa, chane kegh cho wonyegho masat nko wïchtogh.

ISAYA 33:21

Wölo porwecha ECHOTYON ororyenyi ompö atoni. Kïmöngecha kor nyo mi lalwatïna cho yintoy nko champilwoy cho yintegho pögh, wölo mömicha melinö cho köromöch cho pestegho parakungwa.

ISAYA 33:23

Kïrkegh kïlö kïlentöy pich kïchoröy tïkwïn cho kösönöy melinö, kïlïku kwïle ompöwölo melö tyokisyot sïrokö cho kötöy melin! Kïpörunecha sïkönöt kïmïkul nyo kömeno kegh pungköcha. Chongitu pöröwechoni tya ntökemï keporchï ompö pich cho ngwolsot. Nyinte ECHOTYON onkït nyo lïku pöytoghintencha. Pöytonecha nyinte akïghetecha.

ISAYA 4:5

Atolapay kïyonï ECHOTYON polta ato le pöghet nko ighöt ato le nangat nko lyopöt ato le nangat kulïwchï kutïng pö Sayon. Lumöy ororyo Tororöt akïkarta kanasyante kïmïkul.

ISAYA 48:16

“Apkana nyu arikuna atalïma kïgh nyo omwowokwa. Kyangalanan kïlöpo kïngeta otini le tagh, aghan kïtenö osis ngalechan kïrumu lö man.” Kayontanïn ye nyu Echotyon TORORÖT, akïkonanïn owesyo Mïkulöwunyi.

ISAYA 60:18

Melö tökelïmo korengu ngat kiteghata masat. Amelö tökutimtimöy korengu kiwurata ngat. Okörtoninyi aghetinyi le nïyat, isölaninyi ompöwölo kosörunyi.

ISAYA 60:19

“Melö tökïlïku asis löpoyïntöngu atole pöghet. Anta lïkwï arawa löpoyïntöngu ato le oghö. Ani ECHOTYON nyo olïku töpewengu nyo pö kokay. Lïwunyi löpoyïnto töroryenyan.

YEREMIA 27:7

Pöghisyechini koroswö löwïr nyinte nko werunyi nko kukötanyi ntökïtenö ato rulöy paytaghtanyi. Atoni nyu ato ighöy pöytoghï nko koros cho echön, Papilon kïlïkwï sekeyontengwa.

YEREMIA 28:9

Wölo ato ngor werkoyonta anka tïkwïl lö ngwïnöy kalya, akïpïntö lenyini kangor, kemuköy kenkïtï man lö köyoni nyinte ECHOTYON.”

YEREMIA 8:19

Atere piköchan cho lokyot, karir kore kïmïkul kïlentöy, “Mökïminye so ECHOTYON Sayon?* Kiwö onö Pöytoghinto Sayon nya wey?” Yokyini nyu chane ECHOTYON Pöytoghintengwa lö, “Kyanarekan ompöwölo kyasaghakwa tororötin cho le kwïle, akïtïngchï körkeyïntin cho monkïtökwanye?”

ESEKEL 39:10

Tömökïpetönye pich kwen wuw ompöwölo kegh kari lïk kïlïkwï kwenkakwa. Chengöy nyu pöröw le wölo kiparta chane kïlïkwï pöröw. Mwoghöy Echotyon TORORÖT.

YOEL 2:27

Onkïtunekwa lö omitan kwenu pipö Israel ankïtunkwa lö ani nyo ochï Tororötïnkwa nyo möminye anka, amöketöninye ngat piköchan arasï.

APAKUK 2:17

Ketörönyi wudïno Lepanon, törinyi ye nyu pich kiparanyi tyonkïn, otyegheninyi ye nyu chane, akwompö kisön pö pich nko rïmö nyo kikighchï koronete nko kanastine nko pich cho möngöy oringwa.

APAKUK 2:8

Kasarekwa puntoni koros cho chang tïkukwa, wölo sörenokwa ye nyu tïkukwo pïchoni tökïsöpchot. Igho kïyoni ompöwölo kyamïltekwa kisön cho chang, apöghisyeghekwa pkatnan ompö pipö punton nko kanastinekwa.

SEPANIA 2:9

Kïlenyona, le ato ochan satate ECHOTYON Kimuktoghin, Tororöt pö Israel, owolwolan lö, ‘Oghan Moap nko Amon le Sodoma nko Komora. Lïku koro kato nko ngormöm akunyara kokay.’ Pkonöy nyu piköchan cho köngötï kïchengo tïku akïmïl korengwa.”

SEPANIA 3:15

Kikïmolchï ECHOTYON kamas kirwok nyo könöminyi, akutul pungkökwa löwïr, ompöwölo mi ECHOTYON, pöytoghinto Israel kwenunkwa, möminye nyu kïgh nyo ighokwa owöghisyenö ngat.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

SAKARIA 2:8

Kiyoktanïn ECHOTYON Kimuktoghin ompö ororyenyi owö omwochï koros cho kirang pikachi kipa pïnotön lö, “Kor anka tïkwïl nyo swongöy piköchan kïlenye ato körïtanïn kong nyini tuw.

SAKARIA 4:9

“Ketor Serupapel teksyo Kö pö Tororöt* akï nyinte nyo wonyöy teksyononi. Kïkany kumuchö, kunkïtï nyu piköchan lö ani ECHOTYON Kimuktoghin nyo koyoktinyi ompö chane.

SAKARIA 6:15

Pkono pich koros cho lowöch cho pkonöy kungöroköy ompö teksyo Kö pö Tororöt. Atoteka kumuchö, onkïtukwa lö nyinte ECHOTYON Kimuktoghin nyo kiyokwanïn ompö akwa. Ighisyot choni löwïr ato arïpakwa lasiny lenyini mwowokwa ECHOTYON Tororötïnkwa.

SAKARIA 9:15

Ripöy ECHOTYON Kimuktoghin pikachi, akumï pikachi kunyar pungkakwa. Teghyot kïpöröy pungkakwa le ptamasis mïltoy kisönkökwa kuyinta le cho pö kyaki amöros, cho kïmïluno otupö akemïlchï wölo kïpelo amöros.

YOANA 13:19

Kanyaghan omwowokwa ye kïtomö kwighisyö ngalechoni, töto itïta amukakwa nyu aghan lö, ‘Ochan nyinte.’

YOANA 16:4

Kanyaghan omwowokwa ngalechoni tö ato itï sayanoni ighöy chane tïkuchoni ananakwa nyu lö kökomwowokwa. “Kimanyaghanye omwowokwa ngalechï otini le towunöt, ompöwölo kitomitan nko akwa.