SAKARIA 2:8 - PIPÏLIA

⁸ Kiyoktanïn ECHOTYON Kimuktoghin ompö ororyenyi owö omwochï koros cho kirang pikachi kipa pïnotön lö, “Kor anka tïkwïl nyo swongöy piköchan kïlenye ato körïtanïn kong nyini tuw.

SAKARIA 2:8 ပူးပေါင်းရင်းမြစ်များ

TOWUNÖT 20:6

Atolapay kïlenchï Tororöt ompö kirwotïtogh, “Owöy, onkïtön lö keghanyi ngölyontononi ompö mïkulögh nyo puryö sïmnyontön, akwani nyini katagheninyi tömeghwanïn ngokï nka nyoni melö kyochömunyi swanga nyinte.

2 PÖYTOGHÏ 24:2

Kïyonta ECHOTYON söpïchu Papilonia nko cho pö Sirya nko cho pö pipö Moap nko cho pö pipö Amon kïpa kïporyeghö Yeoyakim atökunyar koro Yuda kïrïp kegh nko ngölyonto ECHOTYON nyo kimwa ompö mötworichi werkoy.

TUMWÖY 17:8

Ikamanante le kong, iwïngenante köpepoköku

NGÖTÏNYÖ 7:2

Irip kirurutköchan tesöpö airip kinetutköchan le kontangu.

ISAYA 49:19

“Nyo pö nyoman kikenyar korengu, wölo ye kikïmarikit tya, ntömelö tökïnyoru piköku cho mïlonchot wölo möngöy. Kilowito nyu wölo imitenyi pïchoni kinyarinyi.

YEREMIA 12:14

Lentöy ECHOTYON, “Mi kïgh nyo omwoghan ompö pöröris pö Israel cho kinyar kor nyo kyotönön piköchan Israel. Okölöngenan chane korengwa atolapay osörwan Yuda ompö kwenungwa.

YEREMIA 27:7

Pöghisyechini koroswö löwïr nyinte nko werunyi nko kukötanyi ntökïtenö ato rulöy paytaghtanyi. Atoni nyu ato ighöy pöytoghï nko koros cho echön, Papilon kïlïkwï sekeyontengwa.

ESEKEL 25:12

Kïlenchï Echotyon TORORÖT pipö Edom, “Kïle wölo kyoghchikwa nyo gha pipö Yuda, kyaghakwa ghöyïn nyo mamïnïngnye otini kotökisyekwa.

ESEKEL 25:15

Lentöy Echotyon TORORÖT, “Kigh Pilisti nyo gha kutökisyö ompö pipö Israel. Kïpar chane ompöwölo pungkökwa cho pö köny.”

ESEKEL 26:2

Kïlenchanïn, “Wero chi, köroröchï pipö Tiro pipö Yerusalem lö, ‘Kimïrö tekechonto ara pich, kiyata ye nyu tolïtön, tökwighöy ne ye nyu? Melö tökïtïng owesyö nyonikïny.’

ESEKEL 26:20

Chutokwa nyu pögh atanga wölo mi pich cho kimeghö wölo kipa pich cho pö köny omönyekwa wölini nko samï. Amelö temöngisyenyi ompö koro pich cho sötot.

ESEKEL 35:5

“Kichinyi punyonto pipö Israel nyo kikany kepar pipö Israel cho möngörï atö kïchïnchï chane nyarïl nko sitöt nyo kinyorï chane söröm.

ESEKEL 36:11

Atösan pich nko kyak kïnyïghï koronï, tösisyot akïyiyö. Oghan koronï kemang le köny, awunyi nyo karam kïtïl atay le tagh, tenkïtunö lö, ochan ECHOTYON.

ESEKEL 38:11

Ilentenyi nyu, ‘Opokyinan kor nyo melö kikiwach okumpö kiror. Opöran pich cho mi kalya, chane löwïr cho möngöy wölo puryö nïyet okumpö kiror amelö tïng tekech pö karïn anta kukot.

ESEKEL 38:14

Kïlenyona wero chi ngora ailenchï Kok lentöy Echotyon TORORÖT, “Asisini möngisïyi piköchan Israel ompö kalya inapanyi kegh.

AMOS 1:11

Lentöy ECHOTYON, “Melö oyodeghonan sitöt Edom ompö ghöyitwokachi cho pö kïnomnyö ompöwölo kiyona werïngwa chok nyo mesyonchïnye kïnörekyï nyinte osis löwïr akirorchï mïkulöwunyi kokay.

AMOS 1:13

Lentöy ECHOTYON, “Ompöwölo kachama kegh pipö Amon ngokï, mopïstonanye omungöy chane. Kichukö ngötwö mutïno kor cho kimirsïyi ompö Kiliad, ato kiporyot lö tökïtasa korengwa.

AMOS 1:9

Lentöy ECHOTYON, “Melö oyodeghonan sitöt Tiro ompö ghöyitwoköku cho pö kïnomnyö cho kigh ompöwölo kirang pikö löwïr kïpa pïnotön koro Edom amenancha muma pich cho tupchö.

MIKA 4:11

Pkonöy pung kupokyinokwa kïlentöy nyarïl nyu olenchinö asïwena Sayon wölo kikida.

MIKA 5:6

Pöytoy koro Asirya ompö chok akïpayta koro Nimrod ompö chok nyo mi kisach kisörwecha nyu chane ompö mori pipö Asirya otini kapka chane korencha akïlïtu rotyotïnecha.

MIKA 7:10

Sïwïyi nyu pungköchan, akïnam arasï chane cho mwowanïn lö, “Mi onö ECHOTYON Tororötïngu tagh nya?” Orosan ye nyu chane ketyökotyököy le norayonto ara kanasyan.

APAKUK 2:17

Ketörönyi wudïno Lepanon, törinyi ye nyu pich kiparanyi tyonkïn, otyegheninyi ye nyu chane, akwompö kisön pö pich nko rïmö nyo kikighchï koronete nko kanastine nko pich cho möngöy oringwa.

APAKUK 2:8

Kasarekwa puntoni koros cho chang tïkukwa, wölo sörenokwa ye nyu tïkukwo pïchoni tökïsöpchot. Igho kïyoni ompöwölo kyamïltekwa kisön cho chang, apöghisyeghekwa pkatnan ompö pipö punton nko kanastinekwa.

SEPANIA 2:8

Mwoghöy ECHOTYON Kimuktoghin lö, “Kalïman kimwaghata pipö Moap, nko mïnata pipö Amon cho kamïn piköchan akïkwol kegh ompöwölo kama kat korengwa.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

SAKARIA 2:9

Otökan ante ECHOTYON koroschini opïsinan piköchan kïngötöru koros cho kingatar korengwa akwigh mötwor, kïngatar koroschoni.”

SAKARIA 8:5

Nyïghiti karachïna nko tipïn cho pironchot ortïna Yerusalem.

MALAKI 3:1

Lentöy nyu ECHOTYON Kimuktoghin, “Arosa, oyonunan kiyoktoghintenyan kungwïn kïsötwanïn arenyu. Kïnyini kïrumunö ECHOTYON nyini koyörekwa Konyi. Ngwïnöy kiyoktoghintononi okönekwa ompö emö nyo wow akïmwatïta ngala mumenyan.”

MATAYO 25:40

Yokyini nyu pöytoghintonay chane lö, ‘Omwowokwa nyoman lö kïgh anka tïkwïl nyo kyoghchikwa akonga ompö werköcha chï mïnkech, kï kyaghwanïkwa!’

MATAYO 25:45

Yokyini nyu pöytoghinto chane lö, ‘Omwowokwa nyoman lö, le wölini kyataghakwa oghchinö ngalechoni akonga ompö monechï mïnkech, kï kyataghakwa oghwanïn.’

YOANA 14:26

wölo ato itï Kingörokintö, nyinte kï Mïkulögh nyo Tïlil nyo yonu Paponyan ompö kaynenyan, kunetakwa kïgh anka tïkwïl akunonwokwa ngalechoni löwïr kökomwowokwa.

YOANA 17:18

Kayontan chane kïpa ngwïny, le wölanye kiyonwaninyi angwïn ngwïny.

IGHISYEWUT 9:4

Kupïtyï ngwïny akïlïm kut nyo kilenchini nyinte, “Saulö, Saulö! Ompö ne techopaninyi kong?”

KINONO KIRURUT 32:10

“Kinyorchï nyinte chane surkwen, wölo tïryal akï pö otyogh. Kïrïp chane akïkaman, le kontanyi nyini tuw.

2 TESALONIKE 1:6

Ighöy Tororöt kïgh nyo tenate: ipchini nyarïl pich cho chopokwa kong,

1 YOANA 4:14

Akakesïwecha akemwochinecha pich, lö kiyonï Papo Werïnyi kïlïkwï Ghetinto ngwïny.