SAKARIA 2:4 - PIPÏLIA

⁴ akïlenchï, “Rïpö mwochinö karöchïnintoninö lö, chongitu pich nyoman kanasyanta Yerusalem nyo memukonye ketekyï nïyet ompöwölo möngörïnye pich nko kyak cho mi ori.

SAKARIA 2:4 ပူးပေါင်းရင်းမြစ်များ

ESTA 9:19

Nka nyoni tökwighöy pipö Yaudi cho möngöy kanastin cho mïnkech asispa taman nko angwan arawa Adar kïlïkwï asispa kimïny nyo kïngörekyegho akyomöy akor kitöni kegh ropöwo omisyewut.

ISAYA 33:20

Atopöne Sayon köny, kanasyantanï kyomocha ichontin cho tïlilöch. Otopöne Yerusalem, kanasyan nyo tïghume, nyo kïnyorunocha kalya. Nyo kikongityot nko ema nyo melö tökenotegho nyo melö tökengwïsöy wudöwechi ngat amelö tökïngötyot pörköyichi kokay.

ISAYA 44:26

Wölo atongor kïgh mötworintenyan, ato kayontan chi kïnganyta tötutköchan, oghan ngalechoni nko tötutkö kïpïntö nyo mötïny. Omwochinan ante Yerusalem lö, ‘Möngöy pich ngat oringu,’ amwochan kanastina Yuda lö, ‘Kïtekokwa ngat kïrkegh kö kyowïryekwa.’

ISAYA 49:20

Mwowunyi piköku cho kikïyichï, koro pïnotön asistanka lö, ‘Marich koronï tya, kïmökecha kor nyo wow kemanga!’

ISAYA 54:16

“Ani nyo oghöy kitongin nyo ighöy wölo kïpelo karïn akutang kari lïk, akwani tïkwïl nyo kagh kinyorin nyo pöröy pich.

YEREMIA 1:6

Oyokyan nyinte lö, “Muko lö ne nya we Echotyon TORORÖT ngölyontononi? Monkïtönye ongölonöy ompöwölo tochan monïng.”

YEREMIA 31:24

“Möngisïyi nyu koro Yuda nko kanastinechi löwïr pich cho le ngorï nko cho wusöto kuyokwïyöy kyak.

YEREMIA 31:27

“Omwoghan ante ECHOTYON lö pkonöy osiswö cho onyïghitan pich nko tïpö wudïn koro Israel nko Yuda.

YEREMIA 33:22

Otösan pipö ara pöytoghin Daudi nko tïsï cho pö ara Lawi kïchangit nyoman nyo memukönye chi kuyit le kokel cho mi yïm anta ngayam cho mi sörömu nanam.”

ESEKEL 38:11

Ilentenyi nyu, ‘Opokyinan kor nyo melö kikiwach okumpö kiror. Opöran pich cho mi kalya, chane löwïr cho möngöy wölo puryö nïyet okumpö kiror amelö tïng tekech pö karïn anta kukot.

DANIEL 1:17

Kutö Tororöt mïrönchay kwangwan chïreryö ompö kinetut nko kisomönöt nko ngöghomnyö. Atolapay kutö Daniel ngöghomnyö nyo muköy ntökïmwowï sïwïyagh nko kirwotïtogh.

DANIEL 1:4

mïrön cho lïpopöch nko cho pïchighöch, akïtïng ngöghomnyö ompö kïgh anka tïkwïl, cho chïreröch akïpköchini kinetut, atökïpöghisyö ompö kö pö kirwoko pöytoghin. Atolapay inet chane kunkïtï kusomön akukir kuti pipö Papilonia.

MIKA 7:11

Kikutomtö ato kïteköy nïyetwo akeporöy rotyotïnekwa.

SAKARIA 1:16

Kïlenyona, osyonchinan ngat kanasyanta Yerusalem aketek Konyan ngat nko kanasyante tïkwïl.

SAKARIA 1:17

Atolapay kïlenchanïn ECHOTYON Kimuktoghin, mwatïtena ngat lö, nyïghiti sïkönöt ngat kanastinechan. Oghan kanasyanta Sayon kïngarak ngat akïlchan kegh Yerusalem ngat.”

SAKARIA 12:6

“Oghan osiswechoni pipö ortïna Yuda kïlïkwï ma nyo pelöy wuw, le ma nyo pelöy roro pagh. Pelöy koros cho le pöröris pö Yerusalem kuwonyo lömïs wölo ngötu pipö Yerusalem akïmöngisyö ompö kalya.

SAKARIA 14:12

Wölo ompö pich cho kipka kïporyeghö Yerusalem, achï nyörilwok cho nyoru. Nïniot kïmi takol akï nïniö ngölyepwö ompö kutïwekwa.

1 TIMOTEO 4:12

Mekany kïsasïn chi ompöwölo techinyi chumwak, wölo ilïkwï körkeyïn nyo karam ompö pich cho kikughan ompö ngalanatengu nko otöptöngu nko chomnyogh nko kighanat nko möngot nyo pö tïlilyö.